دلووعة تسلمين عالدعوة اللي مثلك يا قمر

كيف صحتك الحين؟

رور السرير مررة كووويس تحللينه بالعافية يااااارب

جزاك الله الف خير وحفضلك الله اطفالك

صباح الخير كروشااااااااااااااااات :
انصحكم لاتستعجلون على الولاده فصولي حبيبي حارمني النوم


( تفاصيل الولاده )
طبعا انا مامشيت في التاسع كثير بسب البرد اللي كان عندنا كان يكسلني يمكن اليومين اللي مشيت فيها من نصف ساعه كانت على العيد
طبعا كان يوم السبت اللي فات النادي عندنا محتفل بالعيد مسوين عشا للسعودين انا قلت والله ابروح اتنفس شوي واغير جو طبعا كنت مره مرهقه يعني باين فيني الولاده كل اللي شافوني ليش جيتي المهم رجعت البيت قلت ياشيخه طبقي كلام عزيزتنا حواء
مشي بعدين حمام ساخن وجماع وطبقتها ونمت على الساعه 2 الليل صحيت الساعه خمسه من الم ببطني وجنبي اليسار اقوى من الم الدوره قلت باين ان هذي اعراض ولاده ماراح استعجل على عمري واروح ابنتظر خبرت زوجي وقالي اوكيه اذاقوي نروح بس انا خفت يعطوني طلق او عمليه قلت لا بنتظر جلست لين تسعه والالم يجي كل عشر دقايق ويجلس دقيقه اودقيقتين وبعدين ماقدرت صحيت زوجي ورحنا المستشفى نوموني ولبسوني لبس المستشفى كان عباره عن ثوب يتقفل من وراء وقصير تحت الركبه على بالهم استراليه بس زوجي قال مشيها وقالت بكشف عليك من تحت اشوف الرحم كم فاتح طبعا انا بكريه وتوي اعرف انه بيدها يعني راح تدخلها على بالي بجهاز والله اضحك ولمادخلت يدها من جد شفت الموت جلست ابكي وزوجي يهديني وهي جالسه تعتذر مني والله من جد كانت ذوق السستر قالت الرحم مفتوح 3سم ماراح نخرجك خلاص ولاده عشان عندك سكر والبيبي صغير خايفين عليكم جلست طبعا انا وصلت المستشفى الساعه 11 والالم كل ماله يقوى صرت مااتحمل الم ظهري بينفجر قالولي تبين ابرة الظهر تخفف عنك الالم قلت خلاص اوكيه جاء الدكتور واعطاني الابره على الساعه و1 الظهر وانا ادعي ربي لاني كنت خايفه من عواقبها بس الحمد لله خففت عني الالم صرت اطلق ومااحس بشي لما جات الساعه 3 حسيت بشي نزل مني وجتني مغصه خلتني اصرخ باقوى ماعندي اتوقع كل اللي في المستشفى انفجع خخخخخخخخخخخخ
جاتني السستر وكشفت عني قالت ينزل منك دم بكشف عليك وكشفت بس ماحسين بالالم مثل المره الاولى عشان مفعول الابره قالت مفتوح 6 سم خلاص ابدي خذي نفس وادفعي جلست تقريبا من 3 الين 4 اخذ نفس وادفع عشان ينزل البيبي والدكتور يكمل شغله لانه كان يولد قبلي وحده وكنت اسمع صياحها والله خفت المهم خلص منها وجاني وعرف بنفسه وجلس قبالي ( المفروض انها دكتورتي اللي اراجع عندها بس هي قالتلي اذا تبيني اولدك يوم الجمعه اعطيك طلق اوعمليه عشان عندي اجازه واذا بتنتظري مافي غير دكتور قلت لا ابنتظر واللي ربي كاتبه بيصير جات ولادتي على يد هذا الدكتور ) كان مره خفيف على القلب مره رايقه المهم وقتها قال خلاص البيبي انا جالس اشوفه انتي خذي نفس وادفعي بس انا من خوفي كنت ادفع غلط من الخوف جاتني كتمه صرت مااقدرا تنفس عطوني غاز وبعدين قالو ادفعي من جديد صرت ادفع واتشهد لانه من جد كنت اشوف الموت قدامي الحمد لله على كل شي طبعا كان يخليني ارتاح شوي وبعدين يقولي خذي نفس وادفعي بس مره وسعلي شي بسيط من تحت والحمد لله خرج البيبي وحطه على صدري انا جلست اصرخ لانه كان مره مكتوم على طول اخذوه الممرضات والدكتور تبعه ونظفوه وقالولي مبروك ولد طبعا هذيك اللحظه بداء زوجي يصور في النونو وهم يغسلوه والدكتور جلس يخيط فيني وقلي شي بسيط الخياط والحمد لله بس وقتها ظغطي ارتفع فجاه وجاني نزيف وعطوني ابره توقف النزف وخلاص انتهت المهمه وجبت احلى نونو صحيح هو تعبني بس والله شوفته تسوا التعب كله واتنومت عندهم سته ايام وخرجوني انا والبيبي سواء والحمد لله على كل شي
وعقبالكم كلكم ربي يهونها عليكم والله اني ادعيلكن ان ربي يسهلها ليكم ويرزقكم بالذريه السليمه
واي استفسارات اسالوا لايردكم الا الكيبورد خخخخخخخخخخخخخخخخ

كلك ذوق ربي يقومك بالسلامه

بنات من تجربه انا كنت اقول اني بكريه وماراح اتعامل معه بالعكس الحمد لله صرت اعرف احمله واحممه واغيرله وكاني اعرف للاطفال من عشرين سنه يعني لاتشيلون هم بس مشكلته انه مايبي صدري عشان صدري ماكان فيه حليب وتوه يشرف الحليب والنونو معيي تعود على الرضاعه بس ان شاء الله بحاول معاه واذا مافاد باشفطه واحطه له في الرضاعه
واذا على الزوج اما من تجربتي احس ان زوجي كان وجوده جنبي مريحني نفسينا وبالعكس حسيت انه تعلق فيني وفي البيبي زود
اكيد الام غير بس من جد الزوج كمان غير خلوهم يحسوا بتعبنا ويشاركونا التعب بعكس لو رتحت عند امي ماراح يحس بمسوليت البيبي ويساعدني فيه بعدين
كلامي صح والا لا :::::::::::::::::