حـكـايـات مـن المسـتشـفى . .

الحسد وما أدراك مالحسد .شتت اسر وأفقد بشر
..اللهم أكفينا شر حاسد إذا حسد.
موضووع جميل ومهم .لعل من في قلبه حسد او حقد ع اخيه المسلم يتعض من القصص التي ستقراء

ذي كمان قصه عشت تفاصيلها بالمستشفى

وحده امها لها سبع شهور عندها مرض السكري واصابها مسمار صغير برجلها

وتقول بنتها لي نظفت الجرح وعقمته ومن جهلي بها الامور وعدم اهتمامي تركتها بدون ما اوديها المستشفى واتطمن عليها

وبعد شهرين بدا يجيها الألم برجلها وتقول كلمت اخواني وعلمتهم قال اخوووي ارسلي ولدك للصيدليه يجيب لها مسكن !!!

وتقول سمعت كلامهم وجبت لها مسكن بروفينال واعطيها ب اليوووم اربع حباااات

وعلى هالحال لين كملنا شهر اواحنا على المسكن بس وبعد شهر بدأ السواد ينتشر برجلها واقول لها يمه وش ذا السواد بوديك المستشفى نشوف قالت لها امها والله ماتوديني وزوجك توه واصل من عمله

تقول البنت وسكت وتساهيت عن رجل امي لين وصل السواد للركبه تخيلووووووا ي بنات اقسم بالله انه للركبه وشفته بعيني والله

للاسف الاطباء قرروا عليها بتر من فوق الركبه علشان البكتيرياء حيه داخل الرجل واكلتها من داخل لين تمكنت منها وظهر السواد

تخيلووووا ورب البيت الاطباء يأخذووون ابره ويدخلونها لين عظم الساق ولاتحس فيها ابداً يسألها الدكتور ي والده تحسين بشي قالت لا !!!

استدعوا اولادها وبنتها منهاره تماماً واولادها لحظه وصولهم وعلمهم بالخبر وينوحون ويبكوووون وي ليت وي ليت لكن بعد ايش بعد مافقدت والدتهم قدمها وش بتنفع ي ليت الحين ؟؟

الم بسيط ادى لمشكله كبيرة وخساره اكبر

انتبهوا لـ احبابكم لاتتهاونون بالصحه ابداً ..


اسأل الله لي ولكم ولـ احبابنا الصحه والعافيه والسلامه من كل شر يارب العالمين

يسعد صباحكم ..
يعطيك العافية حلومة 🌹


راح أذكر قصة بنت بنت عمتي .. والخبر نقلاً عن أختي لأنها ساكنه جنبهم وعاشت التفاصيل معاهم


طبعاً البنت متزوجة وقت مرضها يادوب لها كم شهر فقط زواج ..
المهم تقول البنت راحت مع أمها لسوبر ماركت معروف يتقضون منه .. لاحظت الأم وبنتها إن فيه رجل كبير بالعمر يراقب البنت ب نظرات غريبة .. مو خبث لا بس ع قولتهم كأنه مشبه عليها أو تذكره ف وحدة من بناته وبنته سار لها شي
تقول طول الوقت هو يطالع ف البنت لدرجة الكل لاحظ .. والبنت تصد عنه وهو مازال ع نظراته .. بس وصلوا عند المحاسب البنت طاحت من طولها لا حية ولا ميتة وعلى طول طلبوا الإسعاف وتجلس البنت ف غيبوبة يمكن 6 شهور وهي ماتدري عن اللي حولها .. وخبرك المستشفيات أشعة وتحاليل وكل مرة يطلعون فيها علة ومرات يقولوا مافيها شي ..
البنت ع المغذيات بس وبعد ما أحتاروا ف وضعها جابوا لها راقي وأستمرت ع الرقية فتررة وبعدها بدت تحس باللي حولها بس ماتتكلم ولا تتحرك .. وبعد التشخيص قالوا ورم خبيث الله يكافينا الشر .. بس برضو ماكانوا متأكدين لأن الدكاترة كل مرة يغيرون كلامهم وضعها صععععب ويقولوا أول مرة نحتار ف تشخيص .. ومع الرقية وأمها تقرأ عند راسها البقرة والسماعات برضو شغالة وبعد مرور شهووور قالوا راح نعيد التشخيص ك محاولة أخيرة ، عادوا الأشعة وطلع ولله الحمد ورم حميد ف الراس وأستعجلوا ف العملية
المسكينة شعرها كان طوووويل وكثييييف حلقوه لها ومكان العملية كان ف جزء حساس من المخ ورغم إن نسبة النجاح كبيرة بإذن الله بس كانوا خايفين ايش حيسير لها بعد العملية .. البنت سوت العملية وقامت بالسلامة الحمدلله بس سبحان الله أختي تقول م كأنها فلانة اللي قبل النفسية تغيرت وسارت إنطوائية ورغم انهم أزالوا الورم بس مازالت كل فترة تتعب والرقية يالله تتقبلها بس أمها رافضة ان البنت تروح بيتها لحد م تتعالج نهاائي .. مع إن الموضوع له كم سنة بس مازالت عند أهلها لو تروح بيتها تتعب وترجع لأهلها ثاني
الله يشفيها ويشفي مرضى المسلمين أجمعين .. المفروض الواحد يداوم ع الأذكار والتحصين وياخذ بالأسباب .. كم سمعنا عن بيوت خربت بسبب العين وكم سمعنا عن ناس تمرض وتطيح فجأة رغم انهم كانوا طبيعين .. وياما بيوت وسيارات أنحرقت بسبب عدم ذكر كلمة ماشاءالله
الله يحفظ المسلمين أجمعين من كل مكروه

وفيه قصة ثانية كان أخوي الله يرحمه يحكينا عن واحد يعرفه .. يقول كان الشخص ذا رغم صغر سنه بس كوّن نفسه بنفسه رجل عصامي .. يقول جماعته دايم يتكلمون فيه فلان عنده كذا وكذا فلان ف ألمانيا راح يدرس ويشوف أشغاله مو عيالنا وعلى هالحال .. رجع الشخص ذا من ألمانيا بعد غربة دامت سنييين رجع بالشهادة وجاي يبشر أهله ومابلغ أحد يبغاها مفاجأة لهم
/ طبعاً الكلام وصله من أصحاب الشخص اللي كانوا معاه


المهم المسكين أول ماجا السعودية وركب سيارته سار عليه حادث الكل مستغرب من يشوف السيارة كيف نجا صاحبها


بس للأسف الحادث أثر ع دماغه وفقد الذاكرة وبعدها سار مجنون رسمي والآن ف شهار .. أخوي زاره قبل لا يتوفى يقول والله الكل يبكي من وضعه كيف كان وكيف سار


الله يلطف بحاله ويصبر أهله

موضوع قيم للفائده والعبره تسلمي ضم ضم
واحد من اهلنا كان عمره عشر وكان ذكي ويجي الأول بالمدرسه سووا حفل تكريم والامهات موجودات وكان هذا الولد كل شويه يذكروا اسمه
ويسلموه الشهائد مره يطلع الطالب الأول
ومره يطلع الطالب المثالي
واحده من الامهات قالت لامه ابنك كمل الشهائد على اولادنا
لما راح يستلم الشهاده طاح بالارض ودق ركبته
رجع البيت وركبته مورمه وجلس غايب من المدرسه فتره اخذوه المستشفى ماعرفوا أيش فيه الام فكرت تطلعه العاصمه اكتشفوا ورم خبيث بركبته الام انهارت وسفروه لمصر ومالحقوا ومات
لما رحنا نزوره يقطع القلب
طبعا الام نقلت البيت عشان كانت تذكره وخبوا ملابسه وكتبه منها
الله يعوضها