السلام عليكم ورحمة الله وبركاته
خنقتني العبرة لما شفت اسمي معكم في الحملة.. تدرون ليش؟؟
لأني والله العظيم معاااااااكم من بداية الحملة إلى نهايتها.. خطوة خطوة .. صفحة صفحة.. موقف موقف..اسبوع اسبوع.. امممممممم وش بقي..
بس ماكملت معاكم كتابة يوميات وأفكار وغيره.. لأني وبصراحة ولا تزعلوووون مني..خجولة شوي ماأعرف أدخل في اللي قدامي بسهولة زيكم ماشاء الله.... والله يابنات أدخل وأشحن بطاريتي معاكم وأنظف بيتي وأدهر على أعلى مستوى بس بصممممممممممممممممت..
يابنات والله أدري بتقولون احنا كلنا كذا .. وكيف كنا وكيف صرنا.. بس مو بيدي ..
استمتعت كثييييير بالروح اللي كانت بينكم وكأنكم تعرفوووون بعض من سنيييين... وكنت أتابع وبصمت. ليـــــــــه؟!! ماأدري..
كنت أضحك كثير من تعذيييييييب بسمااااات للجميع بأكلاتها .. وأصور طبخاتي وأعزم أنزلها في الحملة.. وتبقى حبيسة ذاكرة جوالي..ليـــــــــــــــه؟!! مدري
بس بعد ماشفت اسمي أكيد الوضع بيتغير بإذن الواحد الأحد.. لأنكم ويشهد علي ربي صرتوا أخوااااااتي اللي أدعي لكم كل ماأنجزت أعمالي .. وصرت سنعة..
يابنات مو عيب الواحد يسأل عن اللي مايعرفه.. العيب إنه يبقى جاهل بهالشيء.. أغلبنا حريم في بداية حياتهم الأسرية.. نحتاج كثير خبرات في السنع والتنظيم والتنظيف والإبتكار.. والزمن تغير واللي كان يصلح زمان مايصلح للزمن هذا..
أتمنى ترحبون فيني أخت لكم من جديد.. وأبشروا باللي يطيب خاطركم.. بس صبروا
للغالية فروحه كما اسميتوها.. أنت سبب هالخير هذا كله أسأل المولى ألا يحرمك الأجر ويكتب لنا فيه وافر الحظ والنصيب..

السلام عليكم ورحمة الله وبركاته
على البركه الملف الجديد اسأل الله تعالى ان يجعله في ميزان حسناتك فروحه وان يجعله عونآ لنا غلى الطاعه آمين ، وتقبلو مني هالهديه

اللّهُـمَّ بِكَ أَصْـبَحْنا وَبِكَ أَمْسَـينا ، وَبِكَ نَحْـيا وَبِكَ نَمُـوتُ وَإِلَـيْكَ النُّـشُور

الحمدُ للهِ الذي عافاني في جَسَدي وَرَدّ عَليّ روحي وَأَذِنَ لي بِذِكْرِه


تسجيل حظور لصلاة الفجر..

وبعدها بأقضب المخدة<< ترى حقوق اللفظ محفوظة..كلمتي وأول من تفوه بها في هالحملة أنا وأعوذ بالله من كلمة أنا..

للجميع صباحكم شهد مصفى..

تسجيل دخول صلاة الفجر

حنين 55