لالالا ماأقدر على الكلام هذا كان فيه نوم وطار يوم قريت كلامك الله يسعدك ياعسل

باركوا لي يابنات وصلت الرد ال100

السلام عليكم ورحمة الله وبركاته
مسا الخيرات صبايا كيفكن ..

اليوم ما سويت شي غير التكنيس فقط والطبيخ ..
سويت للبنات ملوخية وفي رز مصري من امس سخنته ..
وللعشا بما أن الدجاج امس ما أكلوه ورجعوا لي ياه فكرت وخططت وزبطت خطتي ولله الحمد ..
فصفصت الدجاج وقليت بصل وبطاطس وفلفل رومي وجزر ..



كشنت بصل وثوم مع الدجاج والخضار المقلية مع طماطمة وصلصة وكزبرة وماجي ...



وبعدين حطيت فوقها مكرونة وقلبتها وخليتها على النار شوية وحطيتها في صحن التقديم وفوقها جبنة ..





فروحة ..هههههههههههه الله يكون بعونك كذا الابلة لما تغيب تتكاوم عليها الواجبات يابنتي لاتصححي جاك اعفاء من الموجهة ..

شيماء ..ماشاء الله لاقوة الا بالله الله يحميك يارب ويخليلك عيالك وتقر عينك ببرهم
صراحة ترتيب يفتح النفس ماشاء الله ..

ستارز ..يعطيك العافية وبدأ الحماس صور وشغلات اتاريك منتي بهينة ..
تعالي هنا دحين الله يهديك جبتي طريقة للخردل بعد ما جلس عندي لحد ما انتهى وانا ما عرفت ايش اسوي بيه ..

بسومة ..اللهم امين ولك بالمثل على الدعوة الطيبة بارك الله فيك ..
يعطيك العافية على الترتيب تصدقي احس التطبيق يطلع احلى بس الرولات عملية ..
ما ادري من ناحية المدرسة تراني نظامية لاخر قطرة ههههههههه متى ما بيقولوا لهم خلاص يبقى خلاص ..

شكولاتة ..تسلم يمينك عليكم بالعافية ..

سفرجل عسل ..سلمت يدينك على البسبوسة وبالنسبة للبيت الله يكون بعونك انتي من دحين أبدأي أفرزي
الحاجات الزايدة الي مالها داعي ..وبداية موفقة للفوتشوب يعطيك العافية ..

البحر ..هلا وغلا حياك الله كيفك وايش اخبارك وايش عاد سويتي ..

هدوء ..الله يعافيك يارب ..

ام ميار ..الله يعافيك الحمد لله طيبة مشكورة على السؤال وان شاء الله بنتك مافيها الا العافية
هم كذا الصغار يبغالهم انتباه واهتمام زيادة حبتين ..

حبوبة الدلوعة ..يعطيك العافية يارب خير حبوبة شو الي مضايقك ..

فكر المحيط ..تسلمين الله يرضى عليك كيفك وكيف العيال ان شاء الله احسن ..

روز ..ياقلبي عليها الله يلطف بيها حبيبتي هذا امر الله وكلنا لاحقين بس الواحد ما يدري متى عمره
ينتهي الله يحسن خاتمتنا وفكرتيني بأختي عمرها 9 سنوات توفت الوالدة وهي عمرها سنتين
دحين كل ما مسكت ورقة وترسم تكتب شعر او ترسم للأم
أحاول قد ما أقدر أعوضها بس مافي زي الام الله يرحمها ويغفر لها ويسكنها فسيح جناته ويجمعنا بها
اللهم لك الحمد حتى ترضى ولك الحمد اذا رضيت ولك الحمد بعد الرضى ..

روح حواء ..ام الحلوين ..سارة ..
الله يعطيكم العافية ..

باقي البنات ..لكم سلامي

ياقلبي والله ماقصدت اذكرك الله يغفر لهم اجمعين ويجمعنا بهم في جنة عرضها السموات والارض انه على ذلك قدير وياقلبي عليها اختك ذكرتني باللذي مضى كم عمرها اللحين الله يسعدها ويارب يعوضها بالزوج الصالح اللي يخاف الله فيها وجزاك الله خير بكل ماسويتي وان شاء الله في ميزان حسناتك يارب

الله يسعدك سفرجل والله تستاهلي كل خير ياعيوني وعقبال المليون وانتي بأتم الصحة والعافية