( حـولـي حـمـامـج إلـى حـمـام مـلـكـي و اسـتـمـتـعـي بـالـجـو )

ماله داعي تروحين للصالونات كل اسبوع او كل شهر عشان تسوين حمام ملكي راح تسوينه في حمامج و بأي وقت انتي تبينه ..

هالطريقه جربتها و حيل اعجبتني لقيتها بالنت و حبيت انكم تجربونها مثلي ..

الـــمـــقــــاديـــــر :



1- ملعقتان كبيره زيت زيتون

2- ملعقه كبيره زيت اللوز

3- نصف ليمونه

4- كوب هردل

5- صابون مغربي

6- سنفره للجسم ( افضل سنفرة المشمش )

7- ليفه خشنه ( لا تستعلمين الليفه الناعمه )




الــخـــطـــوات :


أولا :
نفتح الماي الحار لي نهايته و خلي كل البخار يطلع و ينتشر بالحمام و تاكدي انه الباب و الدريشه مسكرين عدل عشان ما يطلع البخار .. و بعدين خلطي المقادير من 1 -4 في صحن او وعاء و خليه على جنب ..


ثانيا :
دهني جسمج بصابون مغربي و قعدي بالحمام حوالي نص ساعه ..
( عشان كل الوصخ الموجود داخل مسامات الجسم و لا تنسين ظهرج )


ثالثا :
بعد ما تخلص النص ساعه شطفي جسمج بالماي الفاتر شطف مو تفرك يعني من غير ما توخرين الصابون اللي عليها بس شطفة ماي و بعدين دلكي جسمج كله بالسنفره و افركي جسمج بالليفه عدل ليما تشوفين وصخ اسود ينزل تحتج وقعدي فركي اكثر من مره عشان تطلع النتيجه حلوه ..



رابعا :
غسلي جسمج عدل بالماي الفاتر عشان توخرين كل الصابون و الوصخ اللي بجسمج و بعدين دهني جسمج بالخلطه اللي خليناها على جنب مع التدليك ..



خامسا :
شطفي جسمج بالماي الفاتر و شوي مايل للبارد عشان تتسكر مسامات الجسم ..




مــــلاحــــظـــــه :


تقدرين تستفيدين من البخار لشعرج او ووجهج يعني تقدرين تحطين حنه او حمام زيت للشعر و للبشره قناع منظف ..




اتمنى يعجبكم هالحمام الملكي

نـــاطـــره ردودكــــم الـــحـــلــــوه