كيفكم و الله اشتقتلكم من امس
امس في صديقه لى جتنى و اتعشينا سويت حلا و بغيت اوريكم
يلا نبدأ بسم الله
اول شيء جبت كيك بيتي كروكر شوكولاته و عملته زى ما هو مكتوب على العلبه في صينيه و عملت كم واحد في كب كيك و خبزتهم المرة دى مظبوط
هههههه
و بعدين خرجتها بردت شويه و قطعت حواف الكيكه
جينا عاد لمقادير الخلطه و الطبقات
كيس كراميل
كيس دريم ويب
بسكوت شاي
علبه حليب مكثف نستله
نسكافيه
جبنه مثلثات
جوز هند مطحون
علبه قشطه
جبت اكواب كب كيك
و فتت فيها حواف الكيك كطبقه اولى
و عملت معلقه حليب في شووووووووووي ميه و رشيت رشه نسكافيه و رشيتها و شربت بيها الكيك
في الخلاط حطيت تلات حبات جبنه و نص علبه القشطه و نص علبه نستله و معلقه كبيرة بودره كريم الكراميل و معلقه كبيرى بودره دريم ويب و خلطتهم
و حطيته على الكيك
و حطيته بالفريزر لين يمسك شويه
و بعدين جبت بسكويت الشاي انا جبت نوع ماري عشانه مدور ينفع للكب كيك و حطيته في النص على شان يعطي طعم مقرمش
و بعدين جبت في بوله صغيرة
حطيت ست بسكوتات و كسرتهم كسرة صغيرة وانتى عاد حسب الكميه اللى عملتيها تزودي و حطيت عليها جوز هند معلقتين كبار و فتت عليها كمان شويه كيك عشان اللون يكون اغمق
و في الخلاط كمان
حطيت حبتين جبنه و باقي القشطه و النستله و معلقه صغيرة نسكافيه على شان الطعم و اللون كمان و خلطتهم
و حطيتهم على الكب كيك
و حطيتهم بالتلاجه من ساعتين الى تلاته او لين تمسك عندك
و بعدين كانت النتيجه كذا
و كدا
اما الكب كبك نفسو الساده
قدمتوا زى ما هو و عليه نقط من الصوص اللى سويته
اهم شيء انو عجب الناس كلهم حتى زوجى اخد لاصحابه بره و عجبهم
و ضحك الناس جميعا و عمت السعاده ارجاء الخبر
يارب يكون عجبكم انتوا كمان
:):)