حفايض بامبرز جننتني :(

حبيبتي مافيه مثل موني مره حلوه او هجيز انا مثلك عانيت مع بامبرز في البلل والتصلخات بس موبي مره ريحتني وريحت بنتي جربيها وادعي لي..

تتحممين ؟؟؟؟!!!!!!!!! يعني تروش لا تمزحين مو تتوضين

اختي قصدك تتوضين مو تتحممين

وشدعوه تسبح مره وحده لكل صلاة

وثاني شيء اختي اللي تحسين فه مو بلل ذا بخار البول والبراز بخاره مو بوله مايطلع البول بامبرز حلوووه تخلي بشرة الطفل تتنفس يعني ماتغمت المكان وعشان مايسبب له مكانه رطوبه وحساسيه وخربيط بمنطقته

كنت استخدمت لبنتي بامبرز ويهبل يهبل لاني لو احط يدي على حفاظة وانا ملابستها بنتي وبنتي سوتها احس بحراره بيدي غير الحفايض الثانيه
لكن غيرتها لان بامبرز خرببببببببببببت مره وحده صار المغاط اللي حول الافخاذ يتوسع ويخرب على قولت اختي ينبقن :D

ويصير وسييييييييع مرررررره والريحه تصرع لان بامبرز فيه كريم حاطين فيه تعرفين اللي يقولونه بالتلفزيون هههههههههه هو يتفاعل مع تكرمين البول يطلع له ريحه تصرع

غيرت لبنتي لهجيز ياحلوها تلم لم التطفل ولا يخرب المغاط اللي يمسك الافخاذ لكن لكن لكن لكن

سروال بنتي حق البجامه يصير مو مبلول الا فيه بروده غريبه تقل ندى منين مدري الحفاظه ياجماعه تتنفس هههههههههه

يعني هجيز زي بمبرز بمسألة التنفس الحفاظي بس هجيز بزياااااااااده لذا اغير لبنتي الساعه 1 بالليل لازم اغير لها الساعه 6 بالفجر والظهر 12
وربي زي بامبرز مافيه بس ماخربها الا المغاط بس ولا اتحمل الريحه ميخالف بس المغاط لازم اذا لبستها اشوفه متمغطات وصاير وسيع

لذا انتي موسوسه شيلي الوسواس دامنه مو رطوبه مو تحسين بلل ليش تتسبحين عااااااااااد خير جنابه هي

تراه عندي تتحمم يعني تتروش تتسبح يعني صب الماء من قمت راسك لاخمص اصابعك :D شفتي زي هالشرح باللهي حتى انا ماشفت ههههههه

لذا ياختي مايحتاج كل هالوسوسه
وجيبي على وزن البيبي شوفي وزن طفلك كم وجيبي الحفاظ على وزنه

ويمكن انتي توسعين الحفاظه على البيبي تخلين الحفاظه تنزل ويصير فيه فتحه بين الفخذ والمغاط اللي يمسك يعني تشوفين اللي جوا بدون ماتسوين انتي وتفتحينه بيدك لازم تلمين الطفل لم بالحفاظه

مدري كيف اشرح لك :( لازم عملي واللهي

<<<<<<< زيك اول طفل لي بس متعوده على عيال خواتي :)

الحمدلله عالسلامه ياعسل
ومبروك البيبي الله يخليه لك ويقر عينك فيه وعيالي وكل عيال المسلمين يارب

المهمو
انا مااواطن بامبرز ابد
لا 5 نجوم ولا 10
بس اذا مصممه عليها حطي غطا او مفرش او منشفه عليك وقت ماتشيلينه لانها كذا تطلع الرطوبه برا

بيبي جوي روعه
لاتسرب ولاريحه والله انا كل عيالي كنت ميته بامبرز بس طفلي قبل الاخير كان التسرب فظييييييع
ونصحوني الصيادله اجرب بيبي جوي كملت عليها لكل عيالي اللي بعدها والله روعه

بس انتي اختاري المقاس الصح
ان كان اكبر او اصغر بيسرب
ثاني شي جربي تقفلينها واصابعك جوا
يعني يد تمسك اللزاق
واليد الثانيه ظهر الاصابع يكون على بطن ولدك واقفلي بحيث يدك ماتكون ضيق ولا تكون مبحبحه
يعني عالقد بالضبط

طلعي يدك وسوي نفس الشي للجنب الثاني


خليها بالوسط متواسيه يعني لامايله يمين ولايسار


وش بعد
لاتغيرين كل ساعه ولاكل ساعتين
ولا ثلاث
انتي طالما توه بيبي
راح تدورين في هالدائره
يصيح رضعيه
غيري له
بيسترخي نوميه
عند ساعه الحين لاي شي بحياتك
هذا لو ماجاه مغص وصحا
وبعد ساعه
بيتكرر نفس الموال


تقولين تعبتي من السهر والبكا
شوفي ان كان مغص
لازم تجيبين قطرات للمغص في الصيدليه
عطيه منها
يقولون تخفف انا مانفعت لعيالي بس صديقاتي طايرين فيها
موية غريب نفس الشي يقول تهدي المغص


البرد لاتخلينه يبرد لو تحمم او ماتحمم احرصي تدفينه بحيث مايعرق وينزعج وبنفس الوقت ماتكون اطرافه ونفسه بارد

وبعد الرضعه لااااازم يخلصها بوقتها عشان يريحك وعشان مايتجمع بمعدته حليب مهضوم وحليب جديد ويتلبك ويتعبك

الحين لو وصل عمره 3 ابدئي اسبوع المعاناة انا اسميه
انا عندي 3 اولهم البكر ماجرب معه هالطريقه كنت متفرغه له بس جنني وتعبببببببببببببت

اللي بعده امشي على هالجدول ومرتاحه ماشاء الله
ابدئي اول الاسبوع فرغي نفسك اجتماعيا وبالبيت
لانه متعب بس غالبا من 3 يوم بترتاااااااحين


قبل النوم حمميه ورضعيه ونوميه بمكان هادئ مثلا 11 الساعه
التزمي الهدوء واحترمي نومه
لاتصحينه او تزعجينه
بيصحى على وقت الرضعه بعد ساعتين
عطيه مويه شوووووي

او المصاصه لو كنتي تستخدمينها
هدهديه شوي مو كثير شوي ووقفي
غيري وضعيته
اي شي المهم لايقوم
خل يكمل نومه


بس انتبهي لاتعلقينه بعاده جديده يعني يتوعد تغنين له او تشيلينه من السرير او تهزينه

الممهم او ل ليله مره صعبه خلك قويه وتحملي لين الساعه 6 مثلا
رضعيه
وبيرضع وبينام لين وقت صحيانه المعتاد


وكملي باقي الاسبوع كذا
غالبا زي ماقلت ياخذ 3 ايام بالمتوسط
يمكن اقل او اكثر حسب طبعه هو وحسب قوتك انتي وتحملك


شي ثاني عطيه وقت محدد ينام فيه كل يوم
من احلى الاشياء انه له وقت نوم محدد
يعني بعد هالوقت الوقت لك انتي وزوجك
تحممي اجلسي عند التلفزيون اطبخي كلمي اي شي

عطيه النظام وصدقيني بيمشي عليه
سواء بالرضاعه
بالنوم واوقاته او اوقاته صحيانه

بكل شي بيرتاح هو وترتاحين
بشرط لاتخربين انتي النظام بطلعه او شي كذا


بكري كنا نطلع باي وقت ونرجع باي وقت
ينام ويصحا بالسياره او ننزل ويصحا ونبيه يرجع ينام مستحييييييل انواع الاكتئاب فيني

بس توصلت للنظام والتزمت فيه لدرجة اخذ بيجامته عند الناس ووقت النوم البسه وانومه باي غرفه صاده عند الناس

واشيله بهدوء وكان حبيبي يكمل نومه
لسبب اني احترمته
ففهم السالفه



اعذريني استطردت بالكلام بس حسيتك اختي الصغيره
وانتي قلتي انك بكريه وماتعرفين شي وبين المساعده
عالعموم انا بالخدمه

مع كلام الاخت بائعة المسك

ليش ياقلبي تتحمين ، الاستحمام فقط للجنابة ( طهر الدورة + الجماع ) فقط لاغير
النجاسة مثل بول طفلك مايحتاج لها استحمام ( فقط غسل المكان + وضوء )


ثانياً ..
قلبي حفايظ بيبي جوي انا معتمدتها لبنتي ولله الحمد جداً مرتاحة معها بنتي ، والاهم أنها غير آمريكية بعكس بامبرز
وآشوف اللي حولي أغلبهم يستخدمونها .. 

انا مثلك عانيت مع ولدي وجربت كذا نوع في عمر الشهرين وفوق كنت استخدم له بيبي جوي بس يوم جا الصيف ما تحملها مع الحراره كل شوي يبكي وجربت هيجز وكانت تسرب من فوق مكان الحزام طفشتني هيجز حلوه بس تناسب البنات ما تناسب الاولاد الين جربت بامبرز الكلوت للأولاد ارتحت ووقت النوم استخدم بيبي جوي والحمد لله مرتاحه
بس رأي لكي انتي دام ولدك صغير ما يتحرك استخدمي بيبي جوي بس انتهي عن الحراره عشان ما تسبب له احمرار او لحح اذا بدا يتحرك استخدمي بامبرز الكلوت وللنوم بيبي جوي وكمان مع كل تغير ادهني المنطقه والعضو بفازلين عشان يحمي البشره من البول ويصير عازل
و عندي نقطه للأخت الي تقول بعد الثلاث شهور اعطيه مويه اذا صحي ياختي حرام هذا طفل جسمه ينمو وعقله يتطور اكثر شي وقت النوم في الليل اغلب الهرمونات تفرز يحتاج طاقه يحتاج يرضع وقريت دراسه تقول ان الطفل اللي يرضع الحليب كل ما طلب يكون اداءه الدراسي افضل من اللي رضعاته منظمه بالساعه انتبهوا يا أمهات اطفالكم نعمه يستحقون شويه تعب