كيفكم يا سنعات
الجواب باين من عنوانه
عندي غرفة العاب 4 في 4 اتحدى اي وحده تدخلها من غير ما تصرخ من الألم لانها دعست على لعبة
جننوني قرفوني
كل ماارتبها ما يكمل يوم الا موضوعها انتهى
اعمار بناتي باين من توقيعي
الكبار اجبرهم يرتبوها لكن يرتبوها زي وجيههم :27:
واصلا يتعبو لان سبب القربعه هم التوائم الله يصلحهك ما يخلو شي مكانه
انا منظمة الدمى في الرفوف
العرايس الصغيرة في صندوق
الملابس في صندوق
المكعبات
ادوات الرسم والكتابة
ادوات المطبخ
السيارات والعربيات عالجدار مرتبة والزحليقة في النص عشان محد يتعور
بس ماااافيه فاااااايده
يدخلو الغرفة يعيثو فيها فسادا ويطلعو
الصناديق يقلبوها
السيارات يحطوها في وسط الغرفة
الدمى ينزلوها من الرفوف ويطلعوها الصالة اللي كمان نال نصيبها من القرنبع
عن جد دمار شامل
حتقولولي لاتشتريلهم العاب
اقولكم الالعاب اللي اشتريتلهم هيا اعدها على اصابع يد وحده اغلبها هدايا تجيهم من جدانهم او اعمامهم او خيلانهم
شلت نصها رميته والنص التاني وزعته وبقي برضو كثير طبعا غير اللي بكيو عليه لمااترمى ولا اتوزع
والله لو مو الخزي والعار كان صورت المنظر الشنيع
كرهت ارتبها لاني عارفة انه عمل عبثي:angry:
قررت اسوي قنبلة صغيرة افجر فيها الغرفة وارتاح
الحقوني قبل لا اصير ارهابية
كيف ترتبو العاب اطفالكم فقط للي عندها غرفة العااااب