بسم الله الرحمن الرحيم
السلام عليكم ورحمة الله وبركاته
الحمدلله والشكر لله
بداية اشكر الله ان اعانني على انزال موضوعي الأول
رابطه
http://forum.hawaaworld.com/showthread.php?t=3627701
ثم اشكر كل من ردت عليه
والله يااخوات انكم قلتم افكار رائعه
الله يسعدكم ويجعلها في ميزان حسناتكم
بسم الله الذي لا يضر مع اسمه شئ في الأرض ولا في السماء وهو السميع العليم .
اسأل الله ان يعينني على ما سأكتب:
اخواتي في الله
موضوعي هذا باتكلم فيه عن :
ان حفاظنا على اغراضنا الشخصيه وغيرها (كل شي نستعمله) ان حفاظنا عليها من الضياع ومن التلف
هذا من حفظ النعمه ودوامها
فليس فقط عليه ان اشكر الله على ان اعطانا هذا المال وجلبنا به الأغراض
ثم فترة ولا نهتم بنظافتها او لا نستعملها ونرميها واكيد بنجيب غيرها.
بعض الأشياء نشتريها من السوق باسعار زاهدة(منخفضة جدا) ولأجل هذا
إن تلفت نرميها واعيننا مغمضه
او اوقات نمل منها ونبغى نغير ونجدد
ايش مصير الأغراض القديمة؟؟؟
مثلا : بعض اعراض الشعر والإكسسوارات
وهي اكثر الأشياء صارت مملوءة بها الأسواق
واصبحت هالأغراض متوفرة بكثرة في البيوت اللي نستعمله واللي مانستعمله
فلما يحين وقت ترتيبها وفرزها عليه ان اعطي اهتمام واتذكر اني محاسبه على كل مبلغ صرفته في حياتي
وان كان لا يذكر...
مثلا هنا اغراض شعري اوقات تتلف جزئيا او تتسخ وكل مرة افرز اغراض شعري واكسسواراتي اعزلها على جنب
فلا استعملها ولا ارميها
واخيرا نويت عليها ... الحمدلله
كبيت كل اغراضي وفرزت اللي استعمله
اما اللي ما استعملته من فترة طويله وكل مرة اقول راح استعمله الفترة الجاية او اني راح اشتري ملابس بألوان تناسبها
ونفس الشئ يتكرر وتمر الشهور والسنين وهي مركونه.!
فرزت التالف ورميته
اما اللي ممكن ارجعها جديدة فغسلت المتسخ منها وجبت الصمغ وعدلت اللي يحتاج
وفي الأخير كانت النتيجه ان خرجت بكميه للصدقه ماصدقت ..يعني لو انا مااهتميت ورميتها .........؟
اسأل الله الإخلاص وان يغفر لي
هنا بعد ماغسلتها وتركتها تجف
هنا بعد ما جهزتها:
البعض راحي يقول اني بالغت عادي هي اشياء بسيطة ومافي احد بيحتاجها.
اذكر لكم هالقصة:
اذكر ناس حالهم لا يعلم به الا الله في مدينة ثانية ... المهم ووحدة من اهل الخير هي وزوجها تشتري لهم ملابس للعيد
ماشاء الله اوقات من التخفيضات واوقات كثير من اللي اسعارها غاليه شوي المهم وتضيف عليها ايضا تشوزات واكسسوارات من واغراض للشعر او تعطيهم من اغراض شعرها اللي اشترتها ولا استعملتها كثير
المهم:
شوفوا كيف فرحة الأم والأطفال اكثر شي
يوم جو عندنا البيت بمناسبة العيد مع انهم يشتغلوا خادمات في اليوت (لكن لتواضعهم ونفوسهم البيضاء الطيبه)صاروا اخوات لأهل المدينة تلك
المهم لما يجوا يعيدوا شوفوا كيف الفرحه تبارك الرحمن مثلهم مثل اطفالنا ملابس جديدة وجزم واكسسوارات وبكل شعر
يا قلبي عليهم
الله يجعل من قام باسعادهم ان يكون منزلته الفردوس الأعلى من الجنة
وبالنسبة لتلك المرأة وزوجها فالزوجه هذي لها اتصالاتها بأناس يعلموها ويخبروها بمقاس الأطفال كل سنة
ليس بالضبط لكن سبحان الله بالتقريب
مثلا تقول لها البنت الصغيره مثل اختك....
والكبرى مثل بنت جارنا
وهكذا
وسبحان الله كل ماتشتري شي يجي مقاسهم.
.
.
.
اخواتي الفقراء كثييييييييييييييييير
علينا فقط ان نسأل ونبحث وكذلك الأيتام
فليس كل يتيم مستور حاله
فالأم ليست مثل الأب قادرة على احضار المال
.
.
.
ولا نستهين بالأغراض وان كانت تافهه بالنسبه لنا
ماعلينا الا ان نحافظ عليها
وشوفوا كيف الوسواس لما ترتبي الأغراض القديمه وتنظفيها يوسوس لك انه راح تلبسيها الفترة الجايه فلا تتصدقي فيها
فإن مرت فترة ومالبستيها بعدها تصدقي بها .... وهكذا نعيد الخطأ
.
.
.
والملابس
لما يتسخ اللبس بحبر او علك او اي تلف يمكن تعديله فنجد البعض تعزله على جنب
لا انها اصلحته
ولا انها قامت بتنظيفه ثم تصدقت به وهو نظيف
او:
اوقات نجيب ملابس جديدة وتطلع القياس غير مناسب
فعلا وجدت البعض يعانون ان الزوج يرفض ارجاعها للسوق
يقولك تصرفي ....
؟
.
.
.
الأجهزة المنزليه
مثل الخلاط والفرامة وغيرها
البعض مايتعامل معاها بلطف او بهدوء بمعنى اصح
وهذا يؤدي الى سرعه تلفها
يعني لو طاح من يدها عادي او يلعب فيها العيال
:confused:
وهذا كله نتيجة اهمال ست البيت وعدم اهتمامها
طيب له هذا الإهمال:
لأنها ضامنه ان فيه احد راح يجيب لها غيره...؟
!
حتى التنظيف لازم تكون الأجهزة نظيفه لأنه بكثرة الاتساخ تنعدم ومن ثم مع الوقت لا نستطيع استعمالها لأنه تفعن او يصيبها صدأ
ماشاء الله اخواتي في الهمم رائعات وغيرهن الكثير
تعلمت منهن واستفدت
.
.
.
اغراض المطبخ
وانا ارتب لقيت اغراض من فترة مااستعملتها لأنها متكررة
انا ماعندي قاعدة اني اترك الشئ المكرر عندي بحيث ان تلف الحالي ارجع احتاج الثاني
انا اتصدق به مباشرة
بحيث يصير ثاني مرة اشتري اللي احتاجه فقط
هنا بعض الغراض اللي مااستعملها وممكن غيري يستفيد منها
وهنا لما كلمت احدى الجارات فطلعت ماشاء الله اغراض ماتبغاها
العاب الأطفال
ماشاء الله الكثير يفرزها من حين لآخر
لكن علينا ان نحاول ان نعلم ابنائنا الحفاظ عليها
او ان عندهم اشياء مايبغوها اعلمهم يطلعوها للصدقه
وماشاء الله وبتجربة لأحد قريباتي
ماشاء الله من كثر ماتعلم اطفالها ان يحافظوا على العابهم صارت تمر السنين الطويله تبارك الرحمن والألعاب كأنها جديدة.
التشوزات
بمحافظتنا عليها وتنظيفها وتلميعها من وقت لآخر
تدوووووم
فمثلا ان كانت لأطفال ثم كبروا
فيمكنك عندها الاحتفاظ بها للصغار القادمين
او ان تتصدقي بها .
ختاما
كل شئ يمكن ان يدوم اذا حافظنا عليه طبعا بعد شكر الله
وبهذا تدوم نعم الله علينا .
اللهم اني اسألك دوام عافيتك واعوذ بك من زوال نعمتك ومن فجاءة نقمتك اللهم اني اعوذ بك من سخطك وجميع سخطك .
بسم الله الذي لا يضر مع اسمه شئ في الأرض ولا في السماء وهو السميع العليم .