حفظ النعمــه أو طرق لحفظ النعـم

اطبخي على قدكم هذا هو الحل
طالما كل مره يزيد اكل يعني انتي تطبخين زياده عن حاجتكم
والخبز اذا صالح للاكل احفظيه لليوم اللي بعده ليش ترمينه ؟
كذلك التمر مايفسد لو جلس بالبيت بالشهور مو بس يومين ثلاثه فليش ترمينه ؟
حتى لو كنتي مستقبله ضيوف وبقى زياده من اللحم والرز لا ترمينه كلو منه اليوم اللي بعده او ابتكري منه طبق جديد
في ناس يحفظون اللحوم الزايده ويقطعونها ويكشنون لها بصل وفلفل بارد وخضار مقليه ويعملون منه صواني او ساندويشات
والتمر اذا مر عليه وقت مايرمونه يعملون منه عصيدة او خبز التمر او حتى كيك بالتمر
والخبز الزايد ممكن تحمصينه وتستخدمينه مع السلطات مثل الفتوش او مع فتة الحمص او فتة الخضار او مع شوربة العدس
كذلك التوست والصامولي الزايد ممكن تنشفينه بالفرن ثم تطحنينه وتستخدمينه بقسماط
وافضل الحلول انك تطبخين على قدك طالما ماعندك حيوانات أليفه ولا طيور ولا قادره تعطينه احد

احفظي الاكل بالفريزر
واذا بتطلعي مع زوجك خذيها وخلي زوجك يوقف بمكان تجمع القطط والكلاب وحطيها هناك

اشتري اغراض على قدكم
واطبخي على قدكم حرام ليش كب النعمه غيرك مو لاقيها حتى لو طلعتيها للحيوانات لابد من حفظ النعمه وعدم الاسراف والتبذير

انـا يجيـنـي نـاس كثيــر ويبقـى من اكلهـم اللـي
اســويه لهـم يقـولون لـي حنـا جوعـانين كثـري
الاكـل واكثـر ولا احـد يـاكل وانـا من طبـعـي
م احـب اكـل من اكـل الرجـاجيـل اللي يبقى
لانه يرجع لـي في شعرهم وتنسد نفسي
وبعد زوجـي م ياكـل اكـل ابقيه لليوم الثاني
ولا الثـالث وتشوفون تعودت بعد م اكل شي من إليّ
ابقيه بس مثل الحلا والمعجنات أو الأشياء شبه ذي
أما كبسه ولا مكرونه وغيرها م يأكلونها يبون شي جديد

والله ما عندي طرق لاني مستحيل اطبخ اكثر من اللي يكفينا احنا كلنا شخصين فما اكثر اكل و نفس الشيء اذا جوني ضيوف اشوف كم عددهم و احط الاكل اللي يكفي وخاصة لو ب اسوي عدة اصناف مو لازم ينكب الاكل علشان يقولون عني كريمة