حفلة اطفال غير شكل

شكرا اختي لطرحك الموضوع وانا من زمان ادور مثا هذة الافكار ليتكم تفيدونا

الأطفال يستانسون لما تعاملينهم انهم كبار.. انا لو كان أطفالي في المدارس. بحجز لهم قاعه صغيره مع خدمة البوفيه. ترى شي صالات تتأجر ورخيصه ما تتعدى 2000 درهم مع الأكل

وخليها شراكه بينه وبين أصحابه أو اذا حبيتيها تكون خاصه أكثر خليها شراكه مع ولاد عمه أو خواله وخليهم يستقبلون أصحابهم عند باب القاعه .وجهزيلهم بطاقات دعوه لأصحابهم بأساميهم.

أما تفاصيل الحفله خليها متنوعه من العاب وبرامج خفيفه مثل المهرج والساحر وهالخرابيط اللي كل حد يسويها.وترى الأطفال ما تهمهم الملابس اللي نختارها يكشخون فيها فخليها حفلة تنكريه وكل حد يلبس شي على ذوقه حسب الشخصيه اللي يحبها.

أهم شي خليهم يحسون انهم هم المسؤلين عن الحفل ومنظمينه مب انتي.انتي ساعديهم اذا احتاجولج بس.

وبجي راح ترتاحين من عبئ تنظيف البيت من بعد الحفله

انا شفت افكار حلوه من ضمنها عمل كيكة النجاح بصور الطفل او احد افلام الكرتون الىيفضلها وعمل بعض الاطباق المرحه مثل كيكة القنفذ او الديناصور او بيتزا الوجوه واعداد هدايا لكل زملا ء الاطفال الحاضرين للحف لوعمل مسابقات مع قسم الاطفال الى فريقين لبث روح الحماس وعمل البالونات اشكال مرحة ووجوة وفيه جهاز مره عجبني وهو اله كبيره تعمل فقاعات صابون طوال الحفل وهي تطله البالونات والى عندها افكار تعطينا :icon28: :icon28:

قبل فتره .. و لأن بنتي مسويه عمليه و تغيبت عن مدرستها .. سويتلها حفله في الصف اول ما راحت .. على فكره كل الي في الصف عمارهم من سنتين الى سنتين و نص .. اعتقد تقدرون اطبقون الافكار على سن اكبر ، لأنها اشياء بسيطه .. و كلها شغل يد .. بعد اذا كانت الطفله اكبر ممكن تساعدج في الشغل
سويتلها حفلة فراشات
اول شي كروت الدعوه .. خذت صورة فراشه من الانترنت ، و طبعت عليها الكلام .. و سويتها برنت على الورق اليابس .. طبعا ملونه .. ممكن اذا البنت اكبر تطبعين الكرت ابيض و اسود و تخلينها تلونه
بغيت اشتري اجنحة الفراشات حق اليهال بس بصراحه غاليين .. و مثل ما يقول المثل "الحاجه ام الاختراع" .. جبت علاقات الملابس الحديد .. و لبستها دلاغات -جوارب- شفافه ، و ربطتهم بشريطه ستان ، و رسمت عليه بقلم اللماع بعض الزخرفات .. و علقت لاستيكتين عليه عشان يتعلق بكتف الياهل .. و الله طلع شكلها حلو جنها جاهزه
و سويت كبكيات عاديه ، دهنتها بكريما ، و بعدين رسمت عليها فراشات
و حصلت بلالين بشكل فراشات ، عطت منظر حلو
يا ريت صورت عشان اراويكم شو اقصد بكل شي .. ان شاء الله المره اليايه
و سلامتكم

في في عالمنا روابط كثيره يها افكار روووعه راح احط الروابط اللي عندي وان شاء الله تستفيدوا
كيف تعدين حفلة طفلك من الألف للياء
أفكار للمناسبات السعيده
استخدمي البالونات في تزيين حفلاتك