حفلة تخرج تكفون ابدعوا معاي الله يسعدكم لاتطنشوني

اول شئ الف الف مبروك عالتخرج وعقبالنا كلنا ان شالله
ثاني شئ ما قلتي لنا انتي بتحطينها ببيت يعني والا برا البيت عشان نقدر نفيدك

الف مبروووووووووك عيوني
انا عندي حركه بسيطه بس حلووه:27:
تجيبين ستاند طبعا تكشخينه بالورود وتجيبين كتاب كبير وتحطينه فوق الاستاند وطبعا تكشخينه وهم بعد تجيبين قلم شكله حلوه
وتحطين الاستاند عند الباب وطبعا فوقه الكتاب مفتوح على اساس اي احد يدخل من رفيجاتج او اهلج يكتب لج ويوقع
وطبعا بيكون الكتاب ذكرى لج طول العمر
وان شاءالله تكونين فهمتي علي
وان شاءالله الخوات مايقصرون معاج:27:

هلا حبيبتي ..

ألف ألف ألف مبـــــــــــــــــروك .. على التخرج ....

و ثاني شي ...

وين بتسوين تخرجك ... ؟؟؟

شوفي أختي أعتقد لو استقبلتي المدعوات بعبائة التخرج افضل وبعد ما تنتهي مراسم الأستقبال تخلعيها طبعا فكرة دفتر الذكريات حلو ايضا احرصي على التقديم من عصيرات وشوكولاتات بالأضافة للبوفيه0 ولو اعطيتنا امكاناتك راح تكون كيف يمكن نقدر نساعدك اكثر0 مع التحية0

دموع قلبي يسلمو يابعدهم والله ردك يرد الروح الف شكر


من بنات الناس & الدانه & ام رها
الله يجزاكم خير على التعاون وربي ماقصرتوا جعله الله في موازين حسناتكم يااصدق خوات

شوفوا حبايبي انا بسويها باستراحه
يعني خارج البيت
وش تخطيطي
اولا بسوي بطاقات دعوه بس مدري وش اكتب فيها ابي عبارات قويه ولادري كبف بسوي شكل البطاقه يعني ابيها تدل على تخرج ساعدوني بنات
وبسوي شريط باغنية احلام نجحنا والله وفقنا بعد سحب الموسيقى منه لاني مااحب يكون شكري لله معصيته بااغاني وبحط فيها قصيدة تخرج فيه واحد ماشالله عليه يعرف يسوي ويلعب بهالامور كان مسوي لي زفة زواجي بس انا الان محتاره وش تكون القصيدة لاني ماني رايقه اكتب والوقت مايساعد زوجي يكتب لي بعد طبعا قصيدة زواجي انا اللي كاتبتها وكانت جنان
المهم الفستان خلصت منه جاهز والديكورات براسي كم حركه حلوه في صور عاجبتني بكبرها مره وبلصقها بالجدار اول وحده منهن صورة اطفال راكبين باص ومكتوب فوقها صرنا على هذي السوايا كبار وتحت مكتوب الف مبروك روعه شكلها افكر الصقها بجدار الدخول يعني تكون بوجه الضيوف اول مايدخلون والسيب اللي بالحوش اللي يمشون فيه المعازيم اول مايدخلون ودي اسوي فيه حركه مدري وش اسوي فكرت اقص لوحات على شكل خطوات وانثرها بالارض مدري ساعدوني وش رايكم ؟؟؟؟ وودي احط بالونات وزينه والا تحسونها بايخه ؟؟
وبعدين لاجلسوا وقدمت العصير وودي تساعدوني بحركه للعصير؟؟؟
وبعده القهوه طبعا ودي اسوي حلا فيه حركات شاركوني لحد الان مدري وش الحلا ؟؟؟؟
بشغل القصيده وبكون انا نازله على الزفه من الدرجه طبعا لابسه الفستان وبتمخطر لحد ماانزل تحت وبتجه لامي او زوجي وبيكون معاه عباءة التخرج وبيلبسني اياها وبيكون هناك كلمات شكر لامي وزجي بيلقيها طفل رائع بالالقاء بس مدري متى اخلي هالكلمة تلقى ؟؟؟؟
واذا لبست عباءة التخرج بتوجه اسلم على الحاضرين بس مدري اسلم او اجلس هم يجون ولاادري كيف ووين اجلس ؟؟؟؟
وبعدها بيجي الشاهي بيشربونه وبيقلطون على العشاء طبعا العشاء لحد الان نشوف هل الميزانية تسمح ببوفيه او لا او اعتقد ان العشاء بيكون ذبيحه فقط وابي ابتكاراتكم وافكاركم لجعل العشاء كاانه بوفيه مو ذبيحه ؟؟؟
وبس
لاطلعوا عاد بيكون عند الباب صورة طفل يبكي يقول ومكتوب عليها وداعا وودي اسوي سلة حلاو للوداع بس مدري وش احط فيها وكيف تكون حلوه وغريبه ؟؟؟؟
ايه نسيت وبسوي دفتر لي عشان يكتبون فيه بس ماادري وين احطه ومتى اخليهم يكتبون وودي تكون فيه عباره حلوه وش رايكم ؟؟؟؟
وبس يابنات بس تكفون ساعدوني عزيمتي الخميس يعني بس باقي اسبوع دلوني وش اسوي باللي بقى تكفوووووووووون اللي عندها لو شي بسيط لاتبخل يمكن استفيد وتكسب لها دعوة بظهر الغيب من قلب والله محتاج