حفلة زواجي وألف ليلة وليلة

السلام عليكم بنات
انا من فترة كنت حابة اكتب طريقتي في ترتيب زواجي وكيف عملت زواج الف ليلة وليلة من دون ديوووووون ولله الحمد واتمنى افيد البنات الي مقبلين على الزواج والأخت الي طرحت موضوع زواج اخوها
أولا انا حالي حال أي بنت أبي زواج فخم ويرفع الرأس بس بنفس الوقت مابي أدخل بدوامة الديون
نجي المهم ورجائا مشرفات لاتقفلو ولاتحذفو ولاتنقلو الموضوع
أولا بعد الملكة كلمت زوجي وبعد ما أخذنا على بعض شوي بدينا نتكلم بالزواج طبعا انا بالرياض ساكنة
سئلته كم حاط ميزانية للزواج ووين تفضله بفندق ولا صالة
قالي يابنت الناس أن بيتي زواج يكلف 100 الف عملتلك بس بيكون صعبة نروح شهر عسل وانا أفضل زواج بحدود المعقول لأن يهمني شهر العسل أكثر من الزواج وانا حابب بفندق
قلت اوكي
ثانيا حددنا عدد العازمي وكان 300 رجال وحريم واتفقنا أن الزواج مايكلف أكثر من 40 الف ولما حسبناها طلع الفندق بيكلف مبلغ كبير قلنا نأخذ صالة وانا اصلا كنت ابي زواجي بصالة ماحب الفنادق
وجلسنا ندور وبعدين بنبه على نقطة مهمه
اخترنا الصالة ومالقينا غير يوم جمعه وهذا وحنا قبلها ب 6 شهور حاجزين
كلفت 25 الف ريال
نجي للترتيبات طبعا الحين ابي كوافيرة ومصورة وكشف وضيافة
اول شي رحت الصالة اشوف ايش عندهم اكتشفت انهم مدبلين الأسعار قلت مارح أخذ منهم شي
رحت جلست احوس وباقي على زواجي شهر زوجي سافر وتركلي الجمل بما حمل وصرت انا وأمي وأختي الله يجزاهم خير نجهز
اول شي اخترت المصورة كلمت كذا مصورة بالعليا أسعار نار وصور محدودة آخر شي كلمت مصورة بالمربع الألبوم الملكي مع الفيديو كلفني 3500 والثانيات أقل شي يشترطوا من 5000 وطالع
وبعدين الكوشة ابشركم نفس المحلات الي بالعليا والتخصصي نفسها بشرق الرياض وأسواق مكة كلهم نفس النظام بس كل واحد يحط سعره حسب إجار المحل رحت شرق الرياض اخترت كوشة والله الكل يتكلم فيها للحين كلفت مع الممر 3500 و100 ريال أخذت ورد نثرته عل الطاولات ماحب الزينة المبالغة لانها تمنع الوحدة تشوف
وجبت كنب ال VIP كذا محل اسئل يقولو الوحدة من دون طاولة ب 250 انا اخذتها مع طاولة وزينتها ب 150 أخذت 8 كنبات و طاولات بزينتهم كلفنتني 2100 يعني كلها ترتيب الصالة كلفني 5700
نجي للضيافة رحت حلويات المهنا وأخذت ضيافة الحريم والرجال ب حول ال 700 مع الي على الطاولات
وآخر شي الذبايح اختلفنا عليها انا وزوجي هو يبي يحط 10 أو 7 وانا أقوله حرام حط 5 لأن معازيمنا شوي وآخر شي حط 7 ويقولي صادقة كثير صحون مانفتحت
يعني زواجي كله كلف حول ال 40 الف والناس كلهم قالو كان احلا زواج ولله الحمد ورحت وسافرت شهر عسل ولا دخلنا لابديون ولا هم يحزنون بالعربي نقدر نعمل زواج فخم بس نختار صح من وين نحط الكماليات وكلهم واحد بس مثل ماقلت المحلات بالمناطق الراقية تغلي بسبب إجار المحل
وأي اسئله انا حاظرة
واتمنى أكون افدتكم وماكنت موضوعي طويل زيادة عن اللزوم