حفلة نجاح بنتي

هلا اختي السوسن
شو ميزانيتج حطي الميزانيه وبحاول احدد لج؟

اهلين يالغاليه مزانتيتي ماحددته تقريبا من الف لاكثر مادري بس اذا عندك افكار ساعديني الله يخليكي ضروري قبل الاربعاء وترا الحفلة لبنوتات من 8 الى 10 وعددهم يمكن 20 او اقل بشوي ولكي جزيل الشكر

سويها بحدا الاستراحات وجيبي كيكه مكتوب اسمها والتبريكات وزيني المكان اللي جالسين فيه بالبالونات والشرائط وخرابيطهم

والاكل يكون محب للاطفال يعني فطاير وهامبرجر وساندويشات وسلطات

ولا تنسين تصورين بنتك

وهذا اللي عندي
ولا تنسين تدعين لي بظهر الغيب

حبيبتي السوسن
سامحيني على التأخير
دام البنوتات من 8 الى 10 معناها يحبون الاشياء الفنتك يعني اكيد ما راح تييبين لهم مهرج ومن هاذي السوالف
شوفي عمري اذا تقدرين تفصلين قبعات تخرج عند اي مكان راح تكون حركه وايد حلوه وذكرى لو كتبتي عليها اسم بنتج من داخل بالتطريز
تتوزع عليهم بداية الحفله وبعدين تحطون شريط اناشيد لاحمد بو خاطر نشيدة لننطلق الى العلا وايد حلوه واذا عندج اناشيد ثانيه زياده خير وبركه المهم يكون جو حلو
في البدايه ولحد ما يتجمعون كل البنات تتوزع على البنوتات ارقام عشان السحب على الهدايا في نهاية الحفله وتوزعون عليهم عصير وحلويات ممكن يكون عصاير يحبونها الاطفال مثل ميلك شيك فراوله وكاكاو والحلويات مثل جواهر
واذا تجمع العدد تبدون الحفله واذا ما اتجمع العدد كامل بعد ابدوا عشان ما يتأخرون البنات اللي جاءوا قبل
في البدايه تطلبون من وحده من البنات واكيد من بنات العايله انها تقرا قرآن ثم تكونون مرتبين مع وحده ثانيه انها هي اللي تلقي الحفله
مثلا
القرآن
نشيده ترحيبيه
مسابقات ( اسئله - مسابقات حركيه - العاب ذكاء ....الخ)
نشيده جماعيه مع كل البنات يكونون كلهم حافظينها( غير متفق عليه من البدايه يعني في نفس الوقت تسألونهم شو حافظين)
وتقدرين تظيفين اي شي ثاني لأني بصراحه ما اعرف الوقت انتي بتحددين كل شي
وآخر شي السحب على الارقام يعني اذا كانوا 20 بنت السحب يكون على 6 او 7
والهدايا تكون من الزين لأنه سحب اما بعد العشا تتوزع على كل بنت هديه بسيطه رمزيه عشان اللي ما لقى نصيب وقت المسابقات والسحب يحصل شي
ما يطلع فاضي ويا حبذا تكون الهدايا شي بنوتي مثل اكسسوارات او شبرات او مذكرات عليها رسومات ترا وايد يحبون هالسوالف
وبعدين اذا فيه كيك يتقطع
والعشا ممكن تخلينه على شكل وجبات وبترتاحين من اللي اكل ومن اللي ما اكل
يعني اشتري بوكسات من الرخيص من محلات ابو ريالين واطبعي من الكمبيوتر اسم بنتج وتاريخ الحفله ولصقيه على العلبهوحطي داخل العلب طبعا اوراق سندويتش مفتوحه وفوقها ناجتس دجاج 6 قطع يبيعونه جاهز في الثلاجات في الجمعيه على شكل نجوم وغيره
وحطي معاه شبس وقطعتين فطاير وافضل تكون جبنه لأن ما تضمنين الاطفال يحبون باقي الانواع
وقطعتين كلوب سندويتش وقطعتين بيتزا دوائر وعصير ممكن لاكنور منجا وممكن تضيفين اي شي تحبين انا بس اعطيج فكره
وبهالطريقه تظمنين ان كل الاطفال حصلوا عشا كامل واللي ما راح تاكله ترى يتشيله وبتاكل في بيتهم وبتكون حركه حلوه جدام اهلها
آخر شي تكون جلسه حره للبنات لحد ما يجون اهلهم يشيلونهم
اهم اهم اهم شي تكون كل الاشياء هاذي موثقه بتصوير فيديو والفيديو في الحفله اهم صدقيني من الفوتوغراف لأن الطفل راح يعيش كل لحظه بلحظتها مع التصوير
وسامحيني على التأخير في الرد عليج
والله يوفقج

الف الف شكر يالاخت الغاليه وجزاك الله خير على المساعده