السلام عليكم ورحمة الله وبركاته ..
...............
مرحبا بالطش والرش والبيض الشكشوكه << لزوم حرف الـ ش والا لا وزن ولا قافيه هنا ..
كيف حالكم حبايب
عساكم عالقوة دوووم
،، موضوعي للي ماعندها شوغل لأنه مافيه فايده !!
وطويل حبتين مع انه مايلبس كعب
فما هو ؟؟ << صار لغز هههههه
......
قبل اسبوع من الاسبوع اللي طاف قررنا نغير جو ونشمشم هوا نقي بعيد عن اجواء المدن الصاخبه والسيارات المزعجه << تكلمي عدل
ووقع الاختيار على المزيونه روضة خريم << اساسا ماتعرفين غيرها حدك وادي حنيفه هع
اتفقنا نطلع من بعد الفجر مباشرة
لكن كان اتفاق غير مكتوب على الورق وغير موثق للأسف
وتم الغدر بالحريم السهرانات المساكين ولا تحركنا الا عالساعه 9ونص :44:
<< ماعلينا وسعي صدرك اهم شئ طلعتوا هع
والحمد لله ركبنا العفش بالسيارة << تقل بنسكن هناك بروضه خريم خخخ
وركبنا حنا بعد العفش << الكبار اولا
وتحركنا على بركة الله
فتحنا اناشيد اسلاميه نطرب عليها لين نوصل
<< مابي أكذب عليكم الصورتين هذولا مو من نفس اليوم ههع ،،
بس ضيعت صور وحنا نحرك عروضه خريم وقلت لازم احط صور تسد الفراغ وتفتح النفس ههع
.....
والحمد لله وصلنا تقريبا الساعه 10 ونص روضه خريم اللي تبعد عن الرياض تقريبا 90 _ 100 كيلو
نزلنا الاغراض واخترنا مكان قريب من اول سياج << بسبب اغراضنا المتعبه
وقلنا دعاء نزول المنزل : بسم الله الذي لايضر مع اسمه شئ في الارض ولافي السماء وهو السميع العليم
اتباع لسنة الرسول صلى الله عليه وسلم ،، حتى لايضرنا شئ بإذن الله حتى نرحل ..
بعضنا كان افطر وهذا يحظه والبعض وانا منهم يحسب يبي يفطر في الروضه
بس كسحونا وعلى طول شبوا الجمر وقالوا خلاص وقت غدا الحين
<< لاتسئلوني من انا ،، انا بختصااااار جائعٌ << اثر الاناشيد هع
طبعا الحريم عندنا ملكات :15:مايطبخون في شئ اسمه كشته ههع
حتى مشاوريهم رجالهم يقضونها مافي اسمه شئ سواقة المرأة للسيارة
<< وش السالفه!! المهم بغيت اروح اصور هالمرحله اللي هي مرحلة الشوي
بس معدتي كانت تتضارب وقعدت افك بينهم
واكل بالدس من تحت الغطا عشان لاحد يقول عطينا:tongue:الجو كان رهيـــــــــــب الحمد لله وكان هواااااااا يهبل العقل السليم ههههه
قعدت اتلفت مبسوطه الا واشوف هذيك الحشره اللي دايم نتقابل في هالروضه
احس ودها تتعرف علي هع او انها ودها تسألني وش يجيبك بيتنا !!
صورة الحشره بحطها في الرد الثاني لاحد يقول وييع
والله احس انها مرحـــه وموسعه صدرها
1
2
3
الى صورتها .......لزوم التحذير بحطها في الرد الجاي
&
يتبع <<
لا اله الا الله ..
خلني استفتح الرد بالمرحة المطفوقه هذيك الحشره ههع
تراااااا
سبحان الله شوفوا كيف كأنها لابسه كعب عــــــالي !!
<< كلنا نتسابق مين يصورها باحتراف وهي تمشي مليييون خخخخ مايهمها احد تمشي ماكأن فيه اوادم يصورونها ..
اقول وشسمه صديق زوجي امريكي << مسلم ترى وماشاء الله عياله مره اتيكيت
سمع عن روضة خريم يقول لبعلي اذا رحت قلي عشان يجي معنا هو اهله
<< تخيلو يشوفون هالحشره هههههههه اتوقع بيكلم السفارة الامريكيه ويروح زوجي وطي ،، لا لا خلاص مارح ناخذهم خخخخ
.......
وفي اثناء هذه المرحله مرحلة الشوي
اخوي جاب سيكله معه
وطبعا انا اللي هددته ان ماجبته راح انسم لك كفراته اذا رجعنا البيت هع هع
واخذت لفه عالسيكل مشيت هوااا
طبعا ماكان حولنا احد ،، اخذنا مكان راااايق مافيه الا نحنو
اساسا الروضه هذاك اليوم كان زوارها قليل ...
المهم اخذت كم لفه لين حسيت الكفرات تبي تنسم من الوزن قمت نزلت عشان مااتوهق خخخخ
.....
والمرحلة الثانيه تسابقت مع خواتي
وامي مابغت تقول رجولي توجعني << تهقون تبينا نروح عشان تاكل مثلي من تحت الغطا !! خخخخخ
امزح صدق كانت رجولها ماسكه عليها بس تعدلت بعد الغذا خخخ
باختصار تسابقنا وانا كنت المركز الثاني ،، ومع الغش اخذت المركز الاول هع
.......
هنا الحمد لله سمعنا ان الغدا صار جاهز << ونادتنا امي ورحت اجيب الهمهم من عند ابويا الغالي الله يحفظه
طلعوا بس خلصوا الدجاج وباقي الكباب << اهم شئ
جهزنا السفره وحطينا الدجاج والسلطه
لاتدققون مره عالسفره هع
جبت معي طماط وبصل اخضر وخيار على بالي ابسوي سلطه
بس كلهم قالوا مارح ناكلها
ليش ماقطعتيها بالبيت
قلت احسن خلها عالسفره تترزز هع
زين خواتي جهزوا سلطه خيار بالزبادي يم يم
وطحينه متبل
واخيرا الكباب استوى وجابوه لنا ...
والحمد لله الذي اطعمنا ورزقنا وسقانا ....
الله يحفظ لنا نعمه من الزوال
.........
بعد الغدا مافينا الا التبطح هع وقعدنا نسولف شوي عبال مايزهب الشاهي عالجمر ..
وقمنا نتمشى في الروضه قريب من ارضنا قصدي خيمتنا ههههه
للأسف الروضه مو على خبرنا
هالسنه شوي جافه والخضرة اللي فيها ذابله من قلة الامطار
الله يغفر لنا ذنوبنا ويرزقنا بالغيث ويسقي به البلاد والعباد ...
بس مع هالجفاف الا الجو خيـــــــال وكان هواا شبه بارد واصوات العصافير يالله نسألك الجنة ونعيمها ...
واكثر شئ استفدنا من الهوا ماكان فيه ذبان الله يكرمكم ههههه خاصه وقت الاكل
الهوا كان يطيره << عقده الكون هالذبان خخخ
.......
&
يتبع <<
لا اله الا الله ..