حفلتي لأختي الله يخليها لنا

اطباق عالم حواء

قبل كم يوم جلست افكر ليه نسوي في أنفسنا كذا البكاء والحزن ماراح يرجع الغالي الله يرحمه ففكرت في حفله لأختي الصغيره بمناسبة خطوبتها انخطبت قبل وفاة أبوي بأسبوعين وما سوينا لها شئ

طبعا عشان ماأحرج زوجي حاولت اوفر مصاريف الحفله كل شئ من البيت بأستثناء التشيز كيك والهديه

وان شاء الله تعجبكم طبعا المعازيم أمي وخواتي وبنات أختي عددنا 7

وللأسف ماصورت كل شئ الأطباق تشيز كيك سعد الدين ومميزه عندنا دايم خلية النحل طبعا انا ممبدعه فيها وهالمره حصل موقف بعد ماخبزتها اكتشفت ان السكر باقي فنجان شاي بس فكرت وفكرت <<<أخترعت الذره ههههههه



سويت شيره وكانت خفيفه واضفت عسل وحركة على النار حتي ثقلت وصار شيره

وسويت معجنات وبيتزا ورق العنب ماسويت ويش يشبعهم ههههههههه

هذا الصور


أدري ميتين فضول ودكم تعرفون المكتوب موووووووووت ههههههههه<<<بتتكفخ



وهذا دبدوب طبعا اختي عشقها هالأشياء لو مااخاف تعصبون كان حكيت قصه مرعبه حصلت لها مع الدببه

خلاص لاتترجون بحكي<<مأنعطي وجه
أختي ماتنام الأ ودبدوبها معاها وكان مره كبير تعطره وتضمه لانه حيل ناعم ذاك اليوم خوفتها امي واختي رمته على الأرض بعيد عنها صحت ولقته معاها


طبعا بوكيه الورد نسيت اصوره يادوب باين جزء منه جنب الدبدوب

وهذا العطر



وهذي علبة شوكولاته جنان بعضها محشي مكسرات وشئ ساده غير شكلها لاتسألون عن اسمها وسعرها هذي ذوق ابو الشباب فديته





للأسف كان ودي اني صورت ترتيبي للحفله العصير والشموع بس الشموع ولعتها تقريبا خمس دقايق وطفيتها لانها سلف هههه من صاحبة الحفله تروها جلده هههههه فديتها والله كريمه بس ماتحب الأسراف

اذا عجبتكم حفلتي لاتنسون الشكر

وأهم من كل شئ أدعو لأبوي حبيبي برحمه والمغفره
79
10K

يلزم عليك تسجيل الدخول أولًا لكتابة تعليق.

تسجيل دخول

الجود 22
الجود 22
ما شاء الله

الف مبروك وبالعافيه عليكم
رغم الألــم
رغم الألــم
ماشاء الله تتهنو يارب الله يسعدكم ويمدكم بالأفراح يارب
مزون 2009
مزون 2009
ما شاء الله رووووعه
& بيلسان &
& بيلسان &
مبروك لها والله يخليكم لبهض
والحلاوه اعرف من وين من النقلي لاننا دايم نشتريها
ام نايف
ام نايف
الله يعطيكي العافيه
وجعل ايامكم كلها افراح
ورحمة الله الله على الوالد واسكنه فسيح جناته
هو واموات المسلمين
افكار حلوه وبسيطه
تحياتي لك