حفله من صنع يدي

مرحبا ياعسووولات انا حابه اعرض عليكم فكرة وابغى مساااعده تكفون ترى مالي الا الله ثم انتم
انا متزوجة قريب يعني 5 شهور وودي اجدد بحياتي شوي يعني انا دايما صاحبة تقليعات كل بين فترة وفترة افاجئه بشي
المهم زوجي قناص عنده ةصقر ويمووووت بالبر ماعلينا عاد انا ودي مرة اقلب البيت بر يعني احط بغرفتي جيب اسويه بكراتين الحاسب اللي عندي >>> توهم مشترينه هههه
واصبغه بلؤلؤي مثل الجيب حقه
واحطه على السرير كانه واقف خخخخخ
واحط دافور واسوي جمر بس مدري وشلون بسويه لانو اذا طلعنا يحفر حفرة ويحط بوسطها جمر وحطب ويولع عليها ويحط عليها اسياخ الشوي عاد ابغى اسوي مثله بس بخامات مستهلكه
وهو عنده عزبه للشاي وعزبه للقهوة والعزبه هي شنطه مثل قماش الخيام مقسمه في مكان للبيالات ومكان للشاي والسكر والابريق وهلم جرا
وبعدين انا ودي اسوي مثله اطير الصقر واخليه يصيد طبعا ودي اسوي صقر او اشتريه جاهز واوقفه بجنبنا وبعدين بحط اصوات مطر وهوا
وودي بعد البس جلابيه وعصابة راس وبرقع بس من وين اجيبهم ودي باسعار رخيصه ووين الاقيهم لاني بلبسهم هالمرة وبعدين ماعاد ابغاهم وغير كذا ابغى اسوي قهورة وشاي وابغى فكرة احط عند الباب لمن يدخل تكفون يا بنوتات ابغى همتكم
ترى والله من جد حبيتكم وحبيت المنتدى وصرت كل يوووم لازم اخذ جرعه يعني لازم ادخله لو مادخلته احس انو في شي ناقصني تكفووووووووووووووووون لا تبخلون علييييييي وودي اعرف انزل صور كان نزلت صور غرفتي عشان تعطوني افكاركم
تكككفون ساااااااااااااااااااااااااااااعدوني اكون ممتنه لكم
انتظر ردودكم
تصدقون بعد ماكتبت الموضوع ضغطت على سكيب وانمسح انقهرت وكتبته من جديد بس باختصار
اقولكم جديدة وادربي راسي
حتى الرد
توني اكتشفه وتوني ارد على وردة الصحراء واسيرة الماضي ووحدة ثانيه اسمها مدري وشو
يالله بااااي