حفل استقبال

"موضوع واحدة من قريباتي "




كنت مجهزة اغراضي عاساس ازور اخوي بشقته وزوجته هي اللي عزمتنا لحفلتها ووصلنا الشقة وندق الجرس وماحد يرد استغربنا وهم عازمينا وعاطينا موعد ؟؟؟ وزوجته قالت انا بعزم هلك خلها علي ؟

اثار اخوي طلع من البيت وراح مع أصحابه ؟بعد ما اتصل فيه ابوي وقاله وينك يا فلان ؟؟


وزوجته راحت مسويه حفلة تعارف لصديقاتها بعد الزواج تعرض صور زواجها والملكة والخطبة ووشهر العسلوحاطه بوفييهوذبائح لقرايبها وصديقاتها واخوي ماديته ضعيفة تاريه مستلف من اصدقاءه عادي بالعكس ما زعلنا انا والوالدة قلنا حقها تفرح بس مو اهانه انها تعزمنا على الشقة وما نلاقي أحد وهي راحت استراحة ومن العصر راحت للمشغل ومن بدايتها ها الأسلوب قلنا يمكن الله يفرجها ووتتسنع مع الوقت وتكف عن حركاتها .

واخوي عزم اصحابه باستراحة من دون علم اهله خوانه خواته وكانت قمة الأحراج لمن عرفنا مكان الأستراحة وانه مسويه حفلة وما عزمتنا بالمكان الصح ومخليه العزيمة من طرفها

انا انسانه متزوجه وعندي عيال واخاف الله قلت للوالدة ما نبقى مشاكل خلوها بحالها .




جت مرت أخوي 4 الفجر متصلة بنفس اليوم ليه ما حضرتوا والحفلة بالشقة ومن هالكلام قفلت الوالدة السماعة بوجهها وطبعا من تزوجت شهرين والحفلة سوتها يبعد شهرين يعني مر اربع شهور على ها الموضوع ولا تتصل على امي ولا تزور ولا حتى صباحية جت عندنا ؟؟؟




طيب كيف نتعامل معها اخوي ما يتصل يسأل عن امي وابوي وهي كمان زوجته اخذه كل ارقامنا وما نعرف رقمها واخوي اعطانا اياه واعطتنا حظر بالواتس اب وعارفه انو احنا امه اواخته وما وقفت لها الحد اعطت ابو زوجها حظر بالواتس اب ...؟؟؟؟




قالت انه انا اخت رجلها سمراء وامه سمينه ومو حلوة لها السبب م عزمتنا طبعا.

اخوي وصل حده وقال لها بطلقك قالت لا ما راح اتطلق بقعد على قلبك اكل واشرب وانا اساسا حامل والله لا يبلانا ويجي ولدي او بنتي شبه امك ..... اخوي زاعلها بالكلام وتركها راحت بيت اهلها وراضاها بذهب (( حسبي الله ونعم الوكيل )) تسلف اخوي من الوالد فلوس ومن أمه عشان يراضون زوجته وهم زاعلانيين عليها , ويوم الوالد اتصل على اخوي قاله زوجتك رضت ولا لا ؟؟ قامت مسكت السماعة وقفلتها بوجه ابوي .




الشقة تقول ما توسعها تبقى تسكن اخوها وخواتها 2 ما تزوجوا مع اخوي ؟؟؟ طبعا اخوي ما رضى قالت عادي خواتي نفس خواتك وكمان اخوي ما رضى جايب لها نت وخط تلفون تكلم اخواتها 24 ساعة واتس وسناب وكل تفاصيل حياته عند خواتهحتى حياته الخاصة وتجادل معها بس ما فيه فايدة .

غير انها طلعت لاحامل ولاشيء كذابه وبعد 3 أسابيع توها حملت وقالت لأخوي طلاق ما في وجابت امها وخواتها بالشقه وتبقى سواق وشغالة ؟؟؟ واخوي ماديته ضعيفه ديون الزواج الشقه ما سلمها لأصحابه .




وقال اخوي هي مخططه تسوي حفل ما قبل الولادة -وبعد الولادة -وبعد النفاس ))) وتبقى مصورة تصورها ويدفع لها 6 الالاف قلت لأخوي هذا تستهبل ماعليك منها وغير الحجز اللي جالسة تحجز من الأن وهي حامل بس 3 أسابيع .

بالسيارة اخوي يشتكي من خواتها يرمون عليه كلام ويتغزلون فيه ويتجاهل ولحد ما طرد خواتها من السيارةووقفها بنص الطريق وقال لها انزلي وانتي معهم وكلمت تاكسي ولمت عفشها وراحت الشقة وقفلت الباب على اخوي هي واهلها داخل معها امها مستفزة بشكل غريب ولسانها طويل والبنت على امها وكانت وقت الخطوبة والملكة عسل والمد ح والزين كلن يمدحها حتى اخوي يوم سأل مدحوهاوالحين شاف العكس .




جاء اخوي يقول ما أكل أكل الا من المطاعم واجيب لها وتطلب اروح انام الا الاقي الجرس يندق وش صار حضرتها طالبة من المطعم وبدون عبايه طالعه وماهي اول مرة ايام راح الدوام الغداء من المطعم وتطلع قدام الفلبيني عادي لا عباية وغيره اخوي ندمان على حظه وياها ويقول متسلطه ويبقى حل وان طلقها الطفل مصيره بيكون مشتت وهذا اللي منعه وش رأيكن نبقى حلول سريعة بحيث تتأدب الزوجة من غير طلاق .