حفي جسمج من غير لا تحسين بالم الا خفيف

السلام عليكم

ادخل بالموضوع على طول
شوفوا يا بنات لي فتره احف جسمي بس اكتشفت طريقه يديده للحف بالصدفه ماتخليج تحسين بالم من الحف بالشيره حتى في الاماكن الحساسه وفوق هذا الشعر يصير زغب مع الاستمرار وبعد فتره يوقف في اماكن انا لي فتره الحين اجربها وحمدالله مااشتكي من شي لا طلع الشعر لي داخل ولا حساسيه ولا اي مشاكل بالعكس وايد مرتاحه عليها

الطريقه كالتالي :

المكونات

1- كريم السعد (مضعف نمو الشعر ومزيل اثر الشعر بالبشره متوفر بالعطار )
2- شيرة الابتسامه بزيت زيتون مهم بزيت زيتون (نوعية هالشيره مريحه ماتسبب حساسيه لا حبوب ولا سواد ولا اي شي تتوقعينه ضار )

اول شي تييبين شيرة الابتسامه بالزيتون تاخذين كميه بسيطه يعني كره صغيره وتفركينها وتمدينها بكميه بسيطه من كريم السعد وتدلكينها على المكان اللي بتحفين فيه الشعر تدلكين فتره اشوي بعدين تسحبين حيل شوفي تحسين بالم نفس كل مره ؟؟؟ جربي وبتشوفين الفرق

واذا بديتي تحسين انه الشيره اشوي انشفت من كريم السعد او قامت تتلزق ضيفي لها كريم السعد مره ثانيه كميه بسيطه ومطيها وكرري العمليه على البشره

لمن تخلصين من الحف وبسرعه ماراح ياخذ منج وقت حتى لانه الالم بيكون خفيف بس حطي كريم السعد على المكان اللي حفيتيه ولا تسبحين الا بعد فتره انتي عاد على راحتج وثاني يوم رطبي المكان بكريم السعد لمدة شهرين سوي هالشي وشوفي النتيجه العجيبه
موفقين انشالله وانا حبيت افيدكم بتجربتي شااااااااااااااااااااااااو