السلام عليكم ورحمة الله وبركاته
حياكم الله بحفل الجنادرية بالابتدائية الرابعة والعشرون لمحو الامية بحفر الباطن
يوم الاربعاء بتاريخ 30 / 3 / 1433
أليا دعتني.. ديرتي.. وين ماكون
بديت دعوتها....على كل بادي
قبل الوطن ينده عياله .. يلبون
حي الندا .. والله وحي المنادي
نفضت كل اللي بالأدراج مركون
حزني .. شقايه .. كبريائي عنادي
ونبشت حب في حناياي مخزون
ولقيت بيت عن هل الشعر غادي
كل حب أرادي من تهاون به يهون
إلا مدى حب الوطن لا إرادي
وش منوة الشعار يوم يتمنون ..؟؟
يكود فرصة من منبر غير عادي
يعني مثل هالمنبر اللي تشوفون
هذي هي القمة وغاية مرادي
بجنادرية موطني .. يشرق الكون
معلم حضاري .. عن حياة البوادي
موسم ثقافة ملتقى فكر .. وفنون
قامت تجيه .. الناس من كل وادي
ماجيت ابيكم في قصيدي تحيون
جيت ابرحب كل ضيف ببلادي
يامرحبا يصدح بها شعري لحون
من صوت ابو نوره لريشة عبادي
يامرحبا بلسان صادق وبعيون
آل القيم .. والمرجله .. والمبادي
آل السعود اللي على العز يمشون
خلفة معزي .. مخلفين .. المعادي
في ظل ابو متعب شف الشعب وشلون
أصغر مواطن .. في حياته يفادي
نوفي مثل مااجدادانا قبل يوفون
دون الوطن .. مافيه موقف حيادي
لو مااكون اللى ابي كيف ماكون
والا عسى ماكون حزة .. هدادي
ماغايتي بالشعر بيرق ومليون
ولاغايتي .. تصفيق بعض الايادي
ان قيل لي وش غتيتك قلت مفتون
مفتون في تمثيل راية بلادي
كان بداية الحفل كلمة عن الجنادرية
وتاريخها وثم عملنا مسابقة اسئلة واجوبة ومسابقات وجوائز عن الجنادرية وقامت احدى المعلمات بنقش الحناء على الطالبات نسيت اصور الهدايا وهذه صور للحفل
ماشاء الله
وبختام الحفل قامو الامهات والجدات بالغناء الوطني والتراثي والشعبي باصواتهن والرقص ويعطي المديرة ام بدر الف عافية ومدرساتها ع الجهود المبذوله لا نجاح هذا الحفل وكان الحفل جدا ممتع
ماشاءالله تبارك الرحمن اللهم لك الحمد كما ينبغي لجلال وجهك وعظيم سلطانك