حقوق الزوجةالاولى وكيف تعيش سعيدة💁👌💝😴

المواضيع اللي حابة اناقشها

١-احساس الزوجة الاولى ووجعها .. وحجم الخوف والخيبة والضياع والشتات اللي تحس فيه


٢- ان تعطي لزعلها ونفورها وقت ولا تضغط على نفسها اكثر من طاقتها وكيف تتخلص من الطاقة السلبية بداخلها ..


٣- ضرورة الدعم المادي والنفسي والجسدي من زوجها وكل المحيطين بها لتتخطى هذي الازمة على خير ... واذا هو منصرف فالله موجود


٤- ان تعطي زوجها مجال في بداية زواجه ولا تحتك فيه ولا تتناقش معه وتعطيه وقته .. لانه دايما الشي الجديد في حياته له بريق وسينتهي


٥- كيف تتصرف بطريقة سليمة ماتقلل من قيمتها امام نفسها وامام زوجها وامام اطفالها ومن حولها

٦- اعادة ترتيب الاولويات في حياتها ... وتتعامل بانانية لصالحها
لان الزوج والزوجة الثانية تعاملوا معها بانانية

... نفسي ثم نفسي ثم نفسي




٧- حب الذات ثم حب الذات ثم حب الذات
اول خطوة لازم تفكر فيها ...


٨- الاستقلالية المادية ... من اهم الضروريات

٩-المحافظة على حقها الشرعي من زوجها وعدم التنازل عنه للضرة بطريقة شرعية مباحه

١٠- كن مظلوما ولا تكن ظالما من اهم اسباب النجاح


١١- اعطاء لنفسك فرصة لفهم نفسية هذا الزوج وفهم نفسية هذي الضرة

ثم التعامل معهم على حسب تعاملهم ونفسياتهم وتفكيرهم وافعالهم



١٢- تقربي من ربك اكثر وتعلقي به اولا ثم عززي ثقتك بنفسك وبس


١٣- اهتمي بجمالك بجسمك بوزنك بالرياضة والمشي

اهتمي بيشرتك بشعرك بكل جزء من تفاصيل جسمك اشربي من المشروبات التي تزين هرمون الانوثة عندك
زيدي نسبة الاستروجين في جسمك زيدي نسبة الكولاجين الطبيعي


اهتمي بمظرهك بلبسك بكشختك


١٤- هو تزوج وتغير ! انتي كمان يجب ان تتغيري ولكن للافضل ...

١٥- اقهري العدو برزانتك بهدوءك بطريقة تربيتك اطفالك باهتمامك بنفسك .. بعلمك بثقافتك بهدوئك

١٦- خليك مصلحجية انتي في زمن المصالح


١٧- عشرينية ثلاثينية اربعينية خمسينية او حتى ستينية ... تعلمي مهارة تنفعك
تعلمي تطوير الذات
اهتمي بنفسك ودلليها انتي تستحقين ..

تعلمي كيف تدللين نفسك بنفسك تعلمي وتعلمي وتعلمي كل شي تطمحين له



١٨- اذا زوجك طيب معك بلاش تنكدي عليه وتطفشينه منك وتتركينه للثانية ..صيري ذكية واكسبيه لك بالسحر الحلال


وذا منصرف عنك ادعي ربك على سجادتك يحنن قلبه لك ويزينك في قلبه وعقله ويرده لك ردا جميلا ويسخره لك


اعرف وحدة كل ماحبت تطلب شي من زوجها .. تلجا للاستغفار وماشاءالله زوجها خاتم في اصبعها ...

١٩- اذا آذتك الزوجة الثانية وشافت نفسهاعليك واعتدت عليك بلسانها
فما فيه الا حل الا انك تتهددينها بانك ستزوجين زوجها بالثالثة ... طريقة مجربة وناجحة لالجام فقراء الادب ...

١٩- طبعا مثل ماانتي مليئة بالعيوب في نظرهم حتى الثانية عندها من العيوب مالله فيه عليم لا تصدقين ان فيه حرمة احسن واكمل من حرمة


٢٠- فيك عيوب ؟! صلحيها
حتى بعد زواجه ماهو فات الاوان!

لا حبيبتي حتى لو تزوج زوجك تطوري تعلمي صلحي عيوبك كوني افضل بمراحل ومراحل ومراحل مو عيب ولا نهاية العالم زواجه مادام انتي لازلتي على ذمته وباقي زوجة له تعلمي كيف تطورين من نفسك من شكلك من طريقة اعتنائك ببيتك من طريقة تربية اطفالك من طريقة اهتمامك به كزوج راح يجي اليوم اللي يرجع لك احسن من قبل ..


٢١-كوني قوية في الحق ولا تتنازلي عن حقوقك لغيرك ...

٢٢- استوقفني رد احدى الزوجات الثانيات في احد المنتديات

تقول هي يومها للنكد والمشاكل والهموم وانا يومي استقبل فيه حبيبي بشوق ..



انتي يالاولى

ليش تحطين نفسك في هذا الموقف وتعطينها فرصة !
كوني احسن واثقف منها

واخيرا واهم شي


اذا زوجك مرة مرة ظالم معك ومفضلها عليك بكل شي ليش تخدمينه اصلا !

انتي لستي خادمه تعاملي مع زوجك بمبدا لك مني مااراه منك


يعني يعاملك بالحسنى عامليه بالاحسن

يعاملك بالسيء طنشيه ولا تقومي بواجباته ولا حقوقه وتجاهليه ...

انا اتعامل مع زوجي بما يعاملني هو
قام بواجباتي اقوم بواجباته

اعطاني حب اعطيه حب اكبر

دلعني له ضعف الدلع ❤️💕

اعطاني نكد ابعد عنه بدون جدال واتجاهله لحد مايهدى


وامسك جوالي اتسلى او اتعلم شغلة تنفعني

ا و احفظ قران واحفظ عيالي معي 😉


لانك لو جادلتيه سيتهمك هو وهي بانك نكدية !

لاتعطينهم فرصة

ويجعله عذر عنده انو يروح عند الثانية

يعني باختصار لاتشيلين حمله وواجباته الا اذا كان يستحق انك تخدمينه
ساعتها حطيه في عيونك واهتمي به ولاتعطين لاحد فرصة ياخذه منك 😎

كيف تخدمينه وهو لا يستحق وغيرك من يستفيد ويستانس ويرتاح لا طبعا

.. انتي لستي خادمة انتي زوجة وبنت ناس ولستي لعبة !
😌💁

واذا كان هو يفتعل المشاكل معك انتي مالك الا الطناش
اي الطناش والانشغال عنه

اقفلي عليه باب انه يشوف له عذر يروح عند الثانية بسبب نكدك

انتبهي لا تكوني نكدية وتشمتي عدوك فيك
❌❌😒🤦🏼‍♀️

طبعا اذا هو منصرف للثانية

ذكريه بادب ودلال بحقوقك وحاجتك له
واذا صدك تجاهليه وروحي استغفري وادعي ربك يحنن قلبه عليك ويكبر حبك في قلبه
❤️❤️❤️


اذا مرة مرة مرة ظالم معك مالك الا تدعين عليه بالفقر والعوز والمذلة حتى يعرف ان الله حق وبنات الناس مو لعبة !


لانه لما يمرض ويفتقر ويصيبه الهم نشوف كيف الدخيلة راح تستانس معه


حقي حقي حقي حقي لاتتنازلين عن حقوقك ايا ما كانت الظروف
ولكن باسلوب جميل وذكي ابعدي عن النكد 🖕🏼🖕🏼


لما تشوفينه منصرف للثانية ومعطيها حقوق اكثر منك

خلي حمله بالكامل عليها وتفرغي انتي لنفسك انشغلي بشي ينفعك ودللي نفسك وخليها هي تكون الخادمه حقته🤘🏼🤘🏼🤘🏼

انتبهي تحطين نفسك بموقف ان النكد يكون عندك والدلال عندها انتبهههي ❌❌❌🚫

استغرب من اللي يقولون ان الزوجة الثانية بنت ناس مهي لعبة

تر حتى الزوجة الاولى هي كمان بنت ناس مهي لعبة😴👌



بالنسبة للي يطبلون للشرع انه حلال وانه حلال وانه حلال

لاتكونوا شياطين تطبل للتعدد تحت مظلة الشرع وكل واحد يلتزم باللي له وباللي عليه

وبلاش شغل العقارب ودس السموم من تحت لتحت

رضيتوا بالشرع ؟!

خلاص طبقوه كله والتزموا باللي لكم وبس وبطلوا طمع والنظر لحقوق الغير


وبالنسبة للي فرحانه ومبسوطة انها نجحت بسحب الرجل من بيته وزوجته واطفاله

انتي ماتخافين على نفسك تُسحبين بكرة للنار على وجهك ؟

اذا ماتخافين من الظلم
عالاقل خافي على نفسك من المرض او العقاب في الدنيا والاخرة

لاتحاولين تقنعينا انه مالك دخل وهو اللي طق بابك ومسوية فيها بريئة تراك مسوولة عن افعالك ونواياك وتخطيطك على البيت الاول
ومسوولة عن افعالك من اول ماتزوجتي هذا الرجل الين ماتموتين 😌

وكل فعايلك ترجع لك عاجلا او اجلا


وبالنسبة للي تقول الشرع حلل التعدد وخلي الاولى تنبح ❌🤦🏼‍♀️

مانتي نبحتي مثلها حتى قبل ماتتزوجينه 😂

...

وفيه شي احب اضيفه انا استغرب ان الاولى تزعل لما الثانية تحمل وتولد


انا بالعكس طرت وفرحت انها حملت وزادت فرحتي لما جابت توام 😉😌 عشان يعرف الرجل انهن مثل بعض والمسوولية والحمل

مثل بعض

وانتي تبينها تظل عروس علطول بس متفرغة له ؟!
ان شاءالله تجيب كل سنة توام

انا الحمدالله وقفت الانجاب والتفتت لجمالي مصلحتي لجسمي لهدوئي ودلعت نفسي عالاخير


خلها عي تحمل وتولد وتحمل وتولد وتحمل وتولد ...


...

اشياء حابة اضيفها
بالنسبة للي قاعدين يطبلون للشرع والتعدد ..
لو سمحتوا لاتاخذوني وطبقوه كامل مكمل اللي لكم خوذوه واللي عليكم نفذوه

اكره اللي تجي ماتعرف من الشرع الا حقوقها وعند حقوق غيرها تصير

شيطان اخرس😌

طبعا كلنا نعرف احكام التعدد وحقوق كل الاطراف الثلاثة

اللي يطبلون للشرع ومايدينه فعلا فعلا فعلا

لاتخلونه لعبة بايديكم وطبقوه بكامل حذافيره

وبالنسبة للازواج والزوجات الظلمه اللي فرحانين بطغيانهم واكل حقوق غيرهم وفرحانين بقوتهم ونفوذهم

اذا ماتخافون من الله

عالاقل خافوا على انفسكم لا تدور عليكم الدايرة او ترجع في اولادكم


الله يجعل كل من يحارب المراة الضعيفة وياكل حقوقها .. تحت مظلة الشرع للوبال والوباء والنكد والمرض والفقر

كفانا استمرارنا مع ازواجنا رغم انهم قهرونا وتزوجوا علينا

بعد تتعدون علينا وتحاربوننا بما تبقى لنا من حقوقنا الله يجازيهم ويردها لهم اضعاف مضاعفة


قمة انوثة المراة وقمة ضعفها وقمة رقتها وحنانها انها تحزن من زواج زوجها


انا بكيت على جوالي بعد ماخرب ماتبينا نبكي على رجالنا وعشرة السنين اللي عشناها معهم يا مفترية!؟

اللي مايقدر حجم الالم والحسرة اللي تمر فيها الزوجة بعد زواج زوجها .. وتعيب عليها فيه ان شاءالله تجرب عالاقل احترموا حزن هالمسكينة اللي تسببتوا لها بالاذية تحت مظلة الشرع وكفو اذاكم

يارب اجعلنا مظلومين لاظالمين وانصرنا ورد لنا حقوقنا اللي ضاعت اضعاف مضاعفه