السلام عليكم .. يا أهل الشقاق .. يا معشر الطقاق والخناق ..
يا أهل البربسه .. والكذب والخنبدزه ..
مواضيعكم طويله .. وسطر ورا سطر .. > عقدتوها هع
ولسانكم طويل وكلمه ورى كلمه ..
مشاكلكم تزيدون عليها بهارات ..
تبحثون في المواضيع عن الردود لا عن الحلول ..
.................انتهت المقدمه
> بتنجلد
بصراحه إنها مجازفه دخولي لهذا القسم
وإعذروني لو قسيت ..> احلفي
فالقسوه أحيانا تصحي النايم > جربوها
طبعاً المقدمه اللي فوق هي ليست لعضواتنا الموقرات ..>بدت تخاف
وإنما للحاقدين على عالمنا ومسجلين معنا > شين وقوي عين
لا أخفيكم أن هناك الجاهل والمتخلف والليبرالي وووو ....
داخلين هنا ويسيؤوا للأعضاء ويضربوهم ببعض ..
فقط كي يشوهوا سمعة عالم حوا وسمعة رقي عضواته ..
وطبعا إنتوا عارفين إنو يوجد قله من الاعضاء نصنفهم بالمدرعمين ..
هم من عضواتنا الموقرات بس مدرعمات الله يصلحهم .. ولكنهن سيتنبهن في المستقبل ..
ولأن عالم حوا يضرب في الصميم .. نجد كثرة العلوج بيننا ..
..
اللي ابي أقوله
إذا درعم عليك أحد برد غير متوقع ..
طنششششششي
إذا دعت عليك وحده دون سبب مقنع ..
طنششششششي
اذا شفتي موضوع يهتم بالتفاصيل الزوجيه أكثر من المضمون..
طنششششششي
يازين الطناش وربي إنه وناسه..
تحسينه يوسع صدرك ويضيق صدر اللي طنشتيه
والله مدري وش خلاني أشطح عندكم !!! الله يستر بسس ..
............................... لحد يدف خلاص بطلع أصلن عندي شغل
تقبلي مروري