ارجو ان يكون موضوعي خفيف على قلوبكم , اليوم جبت لكم موضوع حقيقه لا خيال يعني مو قالت وحده من صديقاتي ولا ام جيرانا 000000000الخ الخ
كل وحده تسأل نفسها سؤال هل هالسمنه اللي فيني جت في يوم وليله ؟
طبعا الجواب لا والف لا طيب كل يوم وحده منزله موضوع نزلت 15 كيلو في عشرين يوم ولا الثانيه تقول 16 كيلو في اسبوعين كان غيرهم اشطر انا ما اكذب اصحاب المواضيع عشان ماادخل في ليش وماليش
تدرون ليش؟
كنت جالسه من فترة شهر اذا ما خانتني الذاكره يوم الأحد عند برنامج في الراي اسمه( وراء الأبواب) اكيد فيه بنات شافوه طبعا كان البرنامج يتكلم عن السمنه واضرارها الخلاصه ان الدكتور جاب شي خرش حتى المذيعه ، جاب قطعه تزن تقريبا كيلو شكلها زي الشحمه قال هاذا يعادل كيلو شحمه في جسم الأنسان يعني اللي ينزل من وزن كل شخص اغلبه سوائل كانت محتبسه في جسمه
مافهمتو؟ طيب انا افهمكم يعني نزل من وزنك انتي ياللي تقرين الموضوع 10 كيلو يمكن 2 او 3 كيلو شحم والباقي سوائل شفتو القهر يعني هالشحمه ما تذوب بالساهل مثل ما أحنا متصورين
تبوني اقنعكم اكثر ، كل وحده تاخذ شحمه من ذنب خروف تزن كيلو وروحو حطوها في قدر ويالله على النار شوفو كم بتاخذ من الوقت عشان تذوب هاذا بعد اذا ذابة كلها وحنا جالسين نمشي ونتمرن وعند المكيف بعد وتبون هالشحم يذوب هيهات هيهات يبيله وقت طبعا
المقصد من هاذا كله لا تجي وحده مربربه وتقول بنزل 30 كيلو في شهر والله لو انها بس تشرب مويه ماراح تنزلهم
اكثر وحده هبلت بي شغالتي تدرون لها سنه عندي وكان وزنها تقريبا امسكو روسكم 83 كيلو ياربع من جتني لين ساعتكم ذي وهي تلبس حزام على بطنها ليلها ونهارها حتى وهي نايمه ما تفسخه الحين كملت عندي سنه واربعة شهور تدرون كم صار وزنها الحين والله ما راح احد يصدقني حتى انا منهبله منها صار 50 كيلو والله العظيم اني انا وازنتها بنفسي وفي ميزان الكتروني يعني ما فيه دقه اكثر من كذا وعليكم الحسبه يعني خلال سنه تقريبا نزلت 33 كيلو يعني بالراحه
وتاكل كل اللي نفسها فيه ما عدا طبعا الشوكلاته , والحلا الدسم مستحيل تاكله مشطبه عليه , تخيلو من اكلها الشبس ، والرز ، والبساكيت المالحه ، والحاليه وتقول والله يا ماما الرز مايسمن في اندونيسيا كله اكل رز فطور وغدا وعشا انا الحين آكل رز وانا مافيه دبه
شوفو حزامها هاذي صورته طبعا كانت تحطه على آخر شي من التشبيك والحين شوفو ماشاءالله عليها خرمت له خروم ثانيه
وشوفو الصوره هاذي من قريب وهي حاطه يدها تقريبا شبر وشايفين النتوئات اللي على الحزام كل ما صار وسيع عليها خرمت له خرم لين وصلت هالمسافه كلها
وهاذا الحين خصرها لين الخط الأزرق واللي حاطه يدها عليه هو اللي خسرته من خصرها ، وخصرها الحين تقريبا شبر وثلاثة ارباع الشبر يعني مايجي شبرين
طبعا انا مع الرجيمات اللي سويتها لبسة الحزام زيها وهذا المتر موضح كثر السنتيمترات اللي خسرتها من خصري ، كان 39,4 سم والحين 34 سم
شوفو هينا كثر اللي خسرته بيدي
وهينا حطيت اعواد الأذاني على المتر عشان توضح اكثر لأني كل فتره اقوس واحط خط على اللي وصلت له والباقي خصري
طبعا حزام الشغاله من ارخص الأحزمه واردى نوع يعني لا تجي وحده وتقول وش ماركة حزام الشغاله ؟
وهي ماتسوي رياضه بس تشتغل في البيت ورابطه بطنها على طول
كانت في بدايتها الحزام مضايقها ويعور بطنها بسبب الشحوم اللي على الجوانب بس انها قاومت
وكان الحزام يتسفط بسبب الزوايد وهي ما همها فيه مقاومه وبقوة اراده ماشاءالله
طبعا الحزام بمثابة ربط للمعده لأنه يصغر بطنك فـ ما تاكلين كثير يعني تشبعين بسرعه
طبعا لا تلبسين الحزام وانتي شبعانه ولا تفسخينه وانتي شبعانه عشان بطنك ما يترهل
واي استفسارات انا جاهزه وتحت امركم والوعد بعد سنه بجدد الموضوع ان الله احيانا ، انشاء الله
بس الله يخليكم ويرحم والديكم ويخفف وزني وزنكم تسألون اسأله معقوله
وعقبال يارب لين اوصل لوزن شغالتي وقولو ماشاء الله عليها
وعلي فكره فيه كمان الشورت اللي هو زي الكورسيه بيبقي لااااااااااازق البطن
ومشكوره