حقي انقهر وازعل ولا لأ؟ دلوني !!!

السلام عليكم ورحمة الله وبركاته :
في البداية احب ان اخذ رايكم في شيء حصل معي البارحة وهل من حقي ان اتألم ام لا ؟
السالفة اني زي ما تعرفون انا قاعدة مع اهل زوجي
امه واخته واخوه معانا في البيت
وانا وزوجي واولادي الله يحفظهم بيبو وصفصف
المهم
انا زوجي الكبير مال البيت يعني هو قايم بالمصروف البيتي
امه واخته واخوه كل واحد منهم عندة راتب ورواتبهم جيدة
وانا والحمدللة موظفة
المشكله فيما يلي
انا اريد اطلع ببيت وحدي واشترط على زوجي اني ادفع انا الايجار وانا اشتري اغراض البيت من الجميع وهو يساهم على قد قدرته
السالفة اني قبل يومين قلتله اني لقيت بيت وايجارة كذا وخلنا نطلع قالي اجليها هذا الشهر بس وبعد ان دبرت الفلوس الله اعلم شلون !!
تيجي البارحه اخته قبل العشا واحنا كلنا ناكل مع بعض داخلة وفي ايدها موبايل حديث جدا غالي واتاري اخوها اللي هو حماي راح مشتريلها اياه وانا اخر من يعلم
المهم اللي زعلني اني زوجي متحمل مسؤولية البيت كامله وهم مش محتاجين انه يصرف عليهم وكل واحد فيهم عنده راتبة اللي يكفيه وزيادة
والله العظيم انا ما يصرف علي ابدا ابدا ولا على اطفاله
ما يعرف شيء لا عن لبسهم ولا عن اكلهم ولا حفاظاتهم ولا حليبهم وطبيبهم ولا اي شيء
ولا يصرف على شيء
وما يعطيني مصروف
وفوق كل هذا اهله يصرفون فلوسهم في ملذات وكماليات ما لها اي داعي
وانا قاعدة اتحسف على الفلوس شلون ادبر ايجار البيت وشلون ادبر المصروف وشلون ادبر عفش بيتي
وشلون وشلون والله العالم بالحال
صحيح راتبي زين لكن لو كان تل فلوس كان خلص
والله العظيم يا بنات انا لو اي واحدة تاني غيري كان عندها الان ثروة
واللي حاز بنفسي انه اهلة بس يسحبون منه فلوس يعني خيره مو الي ولا لجهاله
وهم ما محتاجين
بدل ما يوقفون جنبة ويخلوه يعرف يبني حياته وحياه اولادة
بس يمصون دمه
وهو قابل بهذا الشيء
طيب انا مالي حق فيه
ولا في خيرة
دلوني شسوي وحقي ازعل ولا ؟