حقي بالانجاب ماذا افعل

السلام عليكم ورحمة الله
اتمنى تساعدوني بمشكلتي لاني تايهةة وضايعه ولخبطه افكار وزحمة مشاعر متضاربه كل شي فيني تعب انا ام ل٣ بنات أصغر وحده ٦ سنوات زوجي معدد وانا زوجة أولى كثير أحداث صارت بيني وبين زوجي مشاكل وزعل خاصه بين اهلي وأهله لأننا عيال عم لو ابي اتكلم عن أحداث اللي صارتلي طيله زواجي ما اقدر اخلص اللحين انا تعبت زوجي مايعدل عايشين بنفس الشقه انا وياها وصبرت خلوكم من تعامل زوجي خلوكم من حساسية بناتي انو مايجلس معهم كثير لأن زوجته عندها ولدين وبنت انا اللي اللحين متضايقه منه وابي اقرر قرار نهائي يا اني اكمل معاه او انفصل عنه دون مايتضررون بناتي المشكله قبل سنتين ابي احمل اتمنى اجيب ولد كله من عند ربي عارفه لكن اتمنى الحمل كل ما اقول لزوجي يرفض بحجة انو ماعنده فلوس وظروفه صعبه قفلنا ع الموضوع لكن زوجته حملت وماقال لي لكن حسيت وخبي عني انها حامل شهور مرت وماقال كنت انتظر يقول لي لكن تكلمت معه بلين وهدوء حاولت اعرف وش السبب اللي مابيني احمل تكلم وقال حملت بالغلط وما كنت ابيها تحمل واذا تبين تحملين بعد فتره انا معك واللي تبينه يصير لكن بعدين مو اللحين قدري ظروفي سكت انا وجابت ولد للمرة الثانيه وصارت قويه عين وصار مايرفض لها طلب وزوجي تعلق بالولد الصغير اكثر مرت سنه تكلمت مع زوجي واشتد النقاش ورفض اني احمل يقول يكفي مايقدر يصرف اكثر لكن قبل اسبوع بديت اشك انها حامل ماتاكدت ومشيت الموضوع الا وزوجي بليلتي يقول ممكن زوجته حامل قلت له تمزح صح قال لا زعلت منه وتكلمت له ليش اهي تحمل ونا لا يقول بنتك صغيره باقي قلت بنتي عمرها ٦ سنوات وولدك من زوجتك عمره سنه ماهو عذر يحاول زوجي يهدي الوضع قلت له ليش انا لا تراك ظلمتني كثير وجرحتني وكسرت نفسي للمرة الثانيه بعذر انو حملت بالغلط ماراح اسامحك خاف شوي وارتبك وقال مو حامل تأخرت عليها الدورة مو متأكد وسوت اختبار حمل بالجهاز ومافي حمل قلت له إذا تأكدت ياليت تقول لي عشان اعرف وش اقرر زوجي ارتبك زياده ويحاول يعرف وش انا ناويه عليه مابينت له لاني بصراحه زعلت وانجرحت ماعاد فيني صبر لو بيدي كان رحت لهلي لكن ابوي ماراح ارتاح معه ولا اهو حق المسؤليه واخاف على نفسي وبناتي منه تكفووون عطوني نصايحكم وربي تعبت صرت بليده مشاعر ماصرت اضحك وعصبيه ع طول توتر قلق مشاعر سلبيه تعبت وربي