اهلين وسهلين بالحلوين
بدخل بالموضوع دغري
انا ببداية زواجي علي حركات مدري وش تبي مع اني قايمه ببيت اهلي بس مدري احساس بالمسؤوليه وكثير نسياني
وزوجي من النوع الدقيق شوي فصارت لي حكايات الله يصلح الحال
اسوي شي يعكسني :confused:
كنت مسافره لشهر العسل وكان زوجي محرصني اني كل شي اجهزكل شي وقلت ابد ازهله وطاقه الصدر طبعا السفر ماجاء الا عقب شهر يعني راحت بعض الحواجز
قمت رتبت الشنطه والملابس الداخليه لزوجي والدشاديش(قميص رجالي)
وشماغه حطيتهم بالشنطه
وقمت اكوي ملابسه وعلقتها بالدولاب علشان تعلق على باب السياره
ومانمت الا متأخره
وقمنا بدري واخذنا اغراضنا ومشينا
وطبعا سفرتنا داخليه بالمملكه....مقصدنا المدينه المنوره ...............
وقبل المدينه بتقريبا 76كيلو تقريبا الا وسياره ماره من عندنا واناظرالسياره والا الرجال معلق ملابسه على باب السياره
انا صرخت وزوجي نقز وش فيك:huh:
وأأشر على السياره اللي ماره وعيوني طايره :ohmy:
ولا كلمه اسعفتني
عجزت افهم زوجي و
اخر شي التفت ورا
طبعا الرجال اللي مار حاط ثيابه ورا
قلت ملابسك بالدولاب :06:
قال زوجي بذهول صادقه ماجبتيها وش اسوي الحين حتى من زود السنع قايله انا لزوجي لا تلبس بالطريق ثوب البس دشداشه(قميص رجالي)عشان ابرد
سكت زوجي شوي ويفكر قال
قال والشماغ جايبته
قلت ايه
وهو يفكر
قال وش اسوي فيه البسه مع دشداشه بنقالي:16:
وقعد يفكر قال معاليش السفر لابد له من مصاعب الحمدلله
(وقضى زوجي السفره بدشداشته )
وحاطه له كم دشداشه بالشنطه :35:
****************
والمشكله موصلة لها الحد
عريسه ومجهزه بطبيعة الحال بتفصل عباية
عبايتي اللي فصلتهاطويله تعرفون مع الفساتين والكعب لابد ترتفع العبايه قلت يابنت الحلال ابوالشباب ملتزم ولازم يشوفك متستره لا يقول عبايتك قصيره
وزود محرصني على الحشمه ايام الخطبه والحمدلله انا محافظه يارب لك الحمد
وطبعا مسافرين ماراح اخذ الا الجزمات اللي تريحني
لبست كعب صغير علشان
الراحه وعريسه لازم كعب <<<< محلوف عليه هههههههههههه
طبعا تبي تقولون وشلون مادريت عنه
طول الايام اللي راحت( الشهر اللي قبل السفر)مكنفشه بثيابي والا كعب
فمالحظة طول العبايه وهذي عباية الكشخه مو عباية الطلعات الخاصه يعني لبستها على اساس انها هي الزينه بالسفر ازين الثانيه ما حبه زوجي لانه شوي اقصر من هذي
سفرتنا كانت بدري الصبح معاريس مسافرين وطبعا كل الليل تكوي الملابس هههههههههههههههههه مدري ليش ما احطهم بالشنطه ويكويهم عند الكواي <<<<<<< معاليش عدت السالفه لانه من قلبي هالسفره ههههههههههه
ووصلنا على الظهر وانا تعبانه ابي بس الفراش ونزلت قال زوجي نصلي الظهر وندور فندق وانا امشي زوجي رايح وانا ارفع العباية وهي نصه بالارض وشكلي غبي الصدق
وهو كل شوي ملتفت علي يبي يلحق على الصلاة وانا لفيت كم لفه مع هالعبايه مدري اشيله والا اشيل الشنطه ههههههههههههههههههههه ياربيه
قلت رح الحق على الصلاة
يوم راح وارفع عبايتي واسرع ووصلت وانا يالله بأخر نفس من العبايه
المشكله مااخذت عبايه معي ثانيه
وصرت بحاله تمنيت اي عبايه لو حقت العجز اللي تلمع الاوله ههههههههههههه
قلت مو معقوله اكمل السفره بالعبايه فقلت لابو الشباب
معاليش ابي عبايه قال وش فيها عبايتك قلت بس طويله قال خلاص بس من وين نلاقيها قلت نبي نروح بالليل نشتري قال ان شاء الله وبدأ يدور فندق وبالسياره اغمض من النوم حجز فندق ونمنا
نزلنا بالليل صلينا وعجز يلاقي مواقف عند المحلات قال مالنا الا نوقف السياره بمواقف الحرم تحت ونروح مشي قلت عبايتي قال معاليش تحملي قلت خلاص نزلت وسكر زوجي السياره مشيت خطوتين الا وجزمة سندريلا تتطيح .............. انقطعت الجزمه ياالهي مانقصني غيرها:icon33:
وانادي زوجي لانه المسكين على باله اني وراه قلت جزمتي انقطعت قال لا قلت
وانا ما اطالع فيه من الفشيله بالفندق جزمات بس مو حلوات قلت لو اشتري عبايه هالمره قال اروح اجيبهم قلت ما عليك امر
وااااااااااااااااااااااااااو مدري كيف وجهي موقف لا انحسد عليه
طبعا جزمتي المقطوعه مو ردى فيها بس علقة وهي من النوع اللي خيوط ناعمه امحق نعومه عقب هالسالفه لبست جزمات شبشب حقات البيت ورجعنا وشكلها ماعجبني قلت ماراح انزل خلاص ودني للفندق واخذنا عشانا ورجعنا
وابو الشباب يلطف الجو وقال للمره الثانيه السفركذا يحلى وهو صار بدشداشه وانا بشبشب وعبايتي تكنس الارض :44:
المهم رحنا ونمت وقمت من بكرى قال بنروح لمسجد قبا قلت ابي عبايه قال صلي واطلعي ماراح نتمشى الابالسياره قلت اوكي
ونروح ونصلي الضحى بمسجد قبا طبعا انا بقسم الحريم وعندي عجوز مصريه الله يذكره بالخير تصيح صياح قوي وشكله مامعه مناديل قمت عطيته وتبدأ تدعي لي قلت الله يجزاك خير ثم هدت وقالت ان بنتي هذي عمرها 40 وماتزوجت ادعي له قلت الله يرزقه الزوج الصالح قالت لابنتها سلمي عليها هذي حنت علي وانا اعيط وادتني منديل الله يحن عليها قلت ايه الله يجزاك خير قالت عطيني رقمك ان تزوجت بنتي اعلمك
وتعطين رقمه بنت الحلال واعطيه رقمي غلط قالت دقي علي اذا رقمك عندي قلت ماعندي رصيد:unsure:
قالت اها حتى احنا على العموم نتواصل بعدين مفيش مشاكل
قلت طيب
وصلينا وطلعت
تغدينا بالبيك وطلعنا ......................
معاليش اكمل لكم بكرى اذا لقيت تفاعل والا يكفيكم هذا
بكل حب
سديم الرس
:39:
سديم الرس @sdym_alrs
عضوة نشيطة
يلزم عليك تسجيل الدخول أولًا لكتابة تعليق.
متلثمه بشماغ سعود
•
كملي ياقمر
الصفحة الأخيرة