السلام عليكم ياحلوات
انا امي الله يرحمها كانت تحكي لي حكايات كثيرة قبل مانام بس رسخت هذي الحكاية في بالي واحب دايما احكيها لعيالي وهي شوي تراثية لانها كانت جدتي تحكيها لامي وامي تحكيها لنا انا واختي وحبيت اقولها لكم واحب كل وحدة عندها حكاية من امها تسدحها هنا عشان نحكيها لعيالنا الله يخليهم لنا
وانا الحين باقول الحكاية
كان ياما كان في قديم الزمان
كان فيه أم عنزة ولها أولاد أسمائهم حتيش ومتيش ومكال العيش وحسن وحسين قالت لهم أمهم انا ابي أروح للسوق لاتفتحون البيت لأحد ولا تطلعون برى البيت ابد وإذا جاكم احد قولوا له دس علينا ذيلك عشان تعرفون مين الي جاكم قالوا طيب يماما أنتي رايحة تجيبين ايش قالت أنا رايحة أجيب لكم(خبز وجبن ورز ومكرونة وملوخية..............وعددي معاة كل أنواع الطعام)
وراحت الأم وشافها الذيب من بعيد وهي تتطلع قال في نفسه يمي يمي الحين أروح أكل عيالها وراح للبيت وطق الباب (طق طق)
قالوا: مييييييييييين
قال: أنا أمكم
قالوا: دس علينا ذيلك
دس عليهم ذيله..........قالوا
لا..لا.. انت مو أمنا ,,أمنا ذيله ناعم وأنت ذيلك خشن لا...لا أنت مو أمنا
قال: طيب أمكم ايش تحط على ذيله عشان يسير ناعم
قالوا: تحط زبده
قال:منين تجيب أمكم الزبد
قالوا: من البقرة
قال:طيب .........وراح للبقرة وقاله يابقرة أعطيني زبده
قالت:لا ..لما تجيب لي عشب ...........راح للأرض
وقال:ياأرض طلعي لي عشب
قالت:لا...لما تجيب لي موية
قال : طيب.............وراح للبير وجاب الموية وحطها على الأرض وطلعت له العشب ....والعشب عطاة البقرة.........والبقرة اعطتة الزبدة .........والزبدة حطها في ذيله وبعدين سار ذيله ناااااااااااااااعم
وراح لبيت العنزات وطق الباب (طق ..طق)
قالوا: مين
قال: أنا أمكم
قالوا طيب دس علينا ذيلك..........وبعدين دس ذيله ولقوة نااااااااعم
قالوا: هيييييييييييي ماما ..جت...ماما..
جت............وفتحوا الباب ...ودخل عليهم الذيب
هااااااااااا أنا الذيب اباكلكم .........وصرخوا وخافوا وكل
واحد تخبى في مكان.... واحد تحت السرير.......واحد
ورى الباب............واحد جوى الدولاب.........واحد تحت
الطاولة......... كلهم لقاهم وأكلهم إلا واحد صغير
تغبى في الساعة ماشافة وما أكلة ...
بعدين جت الأم وشافت الباب مفتوح وخافت ودخلت
البيت وصرخت وقالت وينكم ياأطفالي ....جئ طلع
ولدها الصغير وقالها كلهم أكلهم الذيب قالت طيب روح
وجيب لي مقص وحجر وإبرة وخيط وقال طيب وجاب
لها الأغراض وراحت دورت الذيب ولقتة نايم جمب
ألبير(خ خ خ خ خ خ خ خ )بعدين قصت بطنه بالمقص
وطلعت أولادها (هيييييييييييي) وبعدين عبت بطن
الذيب بالحجر وخيطت بالخيط والإبرة..............وبعدين
صحي من النوم يبغى يشرب موية من ألبير وكان
بطنه ثقيل من الحجر .... فطاح ومات
وعاشوووووووووا العنزات في سعادة
توتة توتة خلصت الحتوتة حلوة ولا فتفوتة
مشتاقة لأمي @mshtak_lamy_2
عضوة نشيطة
يلزم عليك تسجيل الدخول أولًا لكتابة تعليق.
دلوعتي؛؛؛بنوتتي
•
رهييييييييييييببة القصة تصدقين عشت الماضي تذكرت امي وابوي كانوا يقصونها لنا ..
رهييييييييييييببة القصة تصدقين عشت الماضي تذكرت امي وابوي كانوا يقصونها لنا ..رهييييييييييييببة القصة تصدقين عشت الماضي تذكرت امي وابوي كانوا يقصونها لنا ..
مشكوووووووووووورة ياقلبي على مرورك الي اكثر رائع والله يخليلك امك وابوك ويذوقهم برك
اللهم آمين
اللهم آمين
مررررررره حلوة تسلمي من كثر مااعجبتني الكاايه نعست >>يعني مو مره
يلا ان شاء الله احكيها لولدي لما يكبر ان شاء الله
يلا ان شاء الله احكيها لولدي لما يكبر ان شاء الله
ام لجين
يسلموووووووولي الي عندك والله يخليهم لك
ومشكوورة ياقلبي على مرورك والله يجزاك خير على الدعوة الي احلى من القصة والله
لين الورد
مشكوووووووورة ياعيوني الله يخليلك ولدك هذا الحلو ماشاءالله علية يهبل
وتشوفينة ان شاءالله رجال ولا يحرمك ربي برة
يسلموووووووولي الي عندك والله يخليهم لك
ومشكوورة ياقلبي على مرورك والله يجزاك خير على الدعوة الي احلى من القصة والله
لين الورد
مشكوووووووورة ياعيوني الله يخليلك ولدك هذا الحلو ماشاءالله علية يهبل
وتشوفينة ان شاءالله رجال ولا يحرمك ربي برة
الصفحة الأخيرة