حكاية بنتي

:icon33: :scream: :love: :04: ابغا اقولكم ايش صار معايا امس من بنتي الي عمرها سنتين الله يحفظها من كل شر والي يادوب تتكلم
امس انا جالسه في الليل انا وبنتي وبقيه البيت نايم افتكرت امي الله يخليها وجلست ابكي تخيلوا لقيت بنتي قاعده تطالعني والدموع في عينها بعدين طلعت جلست جنبي ومدت يدها الصغيره على عيني ومسحه الدمعه وقالتلي بكلامها المكسر ليس تبتي والله انا انجنيت وما اتوقعت انها تعرف تقول كذا واخذتها في حظني وحسيت ان الدنيا كلها معايا واني في سعاده اتمنيتها لكل وحده في الدنيا وراح مني البكاء وثاني يوم ولاول مره برضه كانت خارجه مع ابوها وانا في المطبخ ولمن قلها يلا نروح قالتله ابعا ابوس ماما وجاتني المطبخ وباستني شوفتوا كيف الحمد لله تعبنا معاهم ما بيروح هدر والله يستاهلوا التعب ودحين انا بابكي عرفين ليش افتكرت امي مين يمسحلها دمعتها وانا بعيد عنها..بكايه..
ايش رايكم كل وحده تحكيلنا مواقفها مع اطفالها
وخلونا نرفع ايدينا للمولا عز وجل ونقول يارب احفظلنا امهتنا واجمعنا معاهم علي خير ولا تورينا فيهم مكروة واحنا بعاد مافي يدنا حول ولاقوة ويارب ارزق كل المسلمات الذريه الصالحه ولا تحرمهم هذا النعمه امين