السلام عليكم جمعيا ....
اولا شكرااااا جزيلا لكل اللي هنوني و باركولي ...و الله رغم اني جديدة في المنتدى بس حبيتكم قوي بجد ...
و اسفة للتاخير في الرد لان النت كان بايظ حبتين ..
المهم ...
انا متزوجة من حوالي ست سنوات ..و عمري ما اشتكيت من اي مشاكل خالص ...زوجي بيسافر كتير و لما الحمل اتاخر عملنا اشعة تحاليل ورحت لاكتر من دكتور نساء مشهورين في اكتر من محافظة ..و الكل كان بيقول ما فيكومش حاجة ..كانو بيدوني منشطات "برغم من ان تبويضي طبيعي".
عملت عملية تلقيح صناعي و فشلت ...لغاية لما قررت اعرض تحاليل زوجي على اخصائي ذكورة...و قالي ان اللزوجة عالية جدا و كتب له علاج ..بس انا اتكسفت اقول لجوزي الموضوع دا ..الكلام دا حصل من سنتين ...و من ساعتها قررت اني اسيب الامر لله تماما ..و حاولت ادور على مركز كويس نعمل فية طفل انابيب ,او مركز يكون فيه اطباء امراض ذكورة ...لغاية لما عرفت مركز جنين بتاع دكتور حسام زكي في القاهرة ...على فكرة انا عرفته من المنتدى هنا ...
بس حاولنا نحجز بس نظرا لسفر جوزي كنا دايما نحجز منرحش ...لغاية لما جية اليوم اللي رحنا فية ..يومها قابلنا منسقة برامج اطفال الانابيب ..و انا عملت تحاليل هرمونات و جوزي عمل التحليل بتاعة ...مشينا و اخدنا ميعاد تاني ...و رحنا ..قابلنا دكتور حسام و عملي اشعة و قالي كل حاجة طبيعية وبعدين؟؟؟؟
الحمد لله ..اخيرا حد بيفهم ...دكتور حسام ما كانش لوحده كان معاه اخصائي ذكورة ...شاف تحاليل جوزي و قاله ان عنده مشاكل في اللزوجة و العدد نوعا ما و كتبله علاج و قال نرجعله تاني بعد شهرين ...
خلاص حلو الكلام كدا ...
تصوروا بقى ارادة ربنا ...جوزي كل اللي اخدة من الدوا 6 اقراص فقط ..و حصل جماع بعدهم و بعدين سافر...
و اديني اكتشفت اني حامل و لله الحمد ..
سيبكم من كل الكلام دا ...الاهم هو ارادة الله ..لما ربنا اراد الحمل حصل ...طبعا مش الست برشمات دول هما اللي عملوا المعجزة بعد 6 سنين ..بس ارادة الله ..
يا بنات ..الشهر اللي فات سمعت مسلسل الشيخ الشعراوي و سمعته بيقول دعاء " اللهم لك الحمد والشكر على جميع قضاءك وقدرك ..حمد الرضا بحكمك لليقين بحكمتك"...اول ما سمعت الدعاء دا حسيت فعلا اني راضية تماما بقضاء الله و قدرة ..و اني اخرلي الحمل لحكمه انا معرفهاش ..حسيت ساعتها ان ربنا اراد انه يعلمني الدعاء دا ...فضلت اقوله دايما ..و حصل موضوع اننا رحنا مركز جنين وكل دا وانا راضية تماما باللي ربنا يريده ..مكنتش منتظرة ابداااااااااا ان الحمل يحصل طبيعي ...كنت مستعدة ني امشي المشوار بطوله للنهاية ..و ربنا حط جوايا الصبر و الرضا ...كنت دايما بفتكر حكاية جارتي اللي الدورة قطعتها و هي في اول التلاتين و فضلت تحاول لغاية لما جابت توام وهي فوق الاربعين ..سبحان الله ..
انا مش حمشي من المنتدى دا ابدا ..لاني حبيتكم جدا و حاسه بيكم قوي ..
و اخر دعوانا ان الحمد لله رب العالمين .
yara00066 @yara00066
عضوة جديدة
يلزم عليك تسجيل الدخول أولًا لكتابة تعليق.
rama 2009
•
الف مبروك والله يتمم لك على خير وشكرا على ذكر تجربتك الرائعة
ماشالله تبارك الرحمن
مبروووووووووووووووووك حبيبتي وربي يفرحكم بشوفته سليم معافاه يارب
مبروووووووووووووووووك حبيبتي وربي يفرحكم بشوفته سليم معافاه يارب
ماشالله تبارك الرحمن
مبروووووووووووووووووك حبيبتي وربي يفرحكم بشوفته سليم معافاه يارب
هذا من طيب اصلك تشاركينا حكايتك وتبعثين الامل في نفوسنا جميع
مبروووووووووووووووووك حبيبتي وربي يفرحكم بشوفته سليم معافاه يارب
هذا من طيب اصلك تشاركينا حكايتك وتبعثين الامل في نفوسنا جميع
الصفحة الأخيرة