الآنسه منشن
الآنسه منشن
F. F. :
3 ايام مرت ،، عسى المانع خيير ،، :)
3 ايام مرت ،، عسى المانع خيير ،، :)
هلا فوفو حبيبتي انا متواجده لكن بفترات متقطعه ما اقدر اجلس ساعتين متواصله قدام الجهاز ،يوم السبت حسيت بدوخه مو طبيعيه رحت المستوصف اللي جنب البيت قاست لي الضغط الممرضه وقالت لي الضغط مرتفع تخيلي عندي الضغط قلت لها انتي تتكلمين جد والا تمزحين قالت لا والله جد انتبهي لنفسك الضغط عندك مو كويس ولازم تجين نهاية الاسبوع واقيسه مره ثانيه اذا ما ضبط بصرفلك حبوب ضغط :o

وابوي هاليومين ملزم علي الا واروح معه البنك اوقعله على قرض جديد بقيمة 100 الف ريال عاد انا سويت فيها شخصيه وقلت له ماني برايحه وماراح اوقعلك على شي قام شال ايده للسماء وعطاني ذاك الطراق اللي للحين معلم بوجهي مابقى احد الا وسالني وش ذا الخط اللي بوجهك وانا اقولهم جرحت نفسي بظوافري وانا نايمه

الا تعالي بسالك يالغلا

تعتقدين اللي ينتحر وهو مجبور الله يغفر له ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هناءksa
هناءksa
تدرين خلي وحده من صديقاتك تكلم ابوك وتسال عنك وكانها من الوزاره وتقول احنا مرشحينها لمساعده بس
وتترقى ويكثر راتبها
وتقوله انها لازم تاخذ دورات تدريبيه في كذا منطقه منها الرياض والشرقيه وابها وتبوك
عاد خليها تسال هي متزوجه عاد بيقول لا
تقوله خلاص على بالي متزووجه لاننا كنا نبي محرم يروح ويجي معها
بقول انا محرمها تقوله لايعم مانبي نتعبك ونخاف على صحتك لان سفر ووتعب والخ
تقول خلاص بنرشح صديقتها فلانه وتكون متزوجه
وان شاء الله تفيد يارب تتوفقين والله يلين قلب ابوك لكي
هناءksa
هناءksa
لا ياقلبي لاتنتحرين
قولي حسبي الله ونعم الوكيل
اكثر من مره
وتوبي من اي معصيه حتى لو انها صغيره ترى فيه اشياء كثيره نتهاون فيها ونحسب انها من الصغائر
وقولي لاحول ولاقوة الا بالله
روحي المحكمه وهو نايم
او هو برا والله لو اني بدالك ماارجع للبيت الا بحكم شرعي بلا ناس بلاهم
اذا طقيت ال50 بدون زواج ذاك الوقت لا عيال ولازواج عشان مين عشان الناس
اشتكي عليه ولاتنتحرين
الناس حتى بعد ماتنتحرين بيتكلمون وفي شرفك ماراح يقولون ان ابوها ظالمها او ياخذ راتبها
هيلاهوب مخصر
هيلاهوب مخصر
طيب ليش مارحتي مع امك ليش قاعدة عنده
خليه يحس بالوحدة والاحساس اللي تحسينه
او روحي لاخووك
**طفله حنونه**
**طفله حنونه**
اختي كافي كافي سلبية

وربي اني متضايقه الان من قولتك ابوك ضربك عشان ما قلتي اي اوقع لك وتاخذ قرض
اوقفي بوجه اهربي لخوانك لأي احد المهم رتبي امر الهرب من هالبيت الكئيب بمساعدة اخوك

وربي حرام اللي يصير لك حرااام ابوك نهب فلوسك وضيعك بديوووون ابوك عضلك عن حق من حقوقك
ابوك هانك بما فيه الكفايه يالله رحمتك يالله رحمتك

وعصاينك له الان وطلبك لحقوقك مو عقوق الا منفعة لك وله
ارجوك شوفي لك حل وسريع جداااا خوفي اخوك عليك
خليه يجي ينقذك واشردي بجلدك


الله يكون بعونك ويصبرك ويعطيك حتى يرضيك ويجعل لك من كل هم مخرج ومنفذ
اه على صبرك اللي صبرتيه وهمك اللي تحملتيه
الله يحفظك ويسعد قلبك قريب ويعوضك

ما قاهرني الا سلبيتك وسكوتك ويأسك :(