السلام عليكم ورحمة الله وبركاته
مرحبا اخواتى وحبيبات قلبى
اتقدم بخالص الشكر والتقدير لـ
مشرفات , تاجرات , عضوات عالم حواء
على ما لقيته من صدق التوجيه ، ومحبة الخير للجميع
و ده المتوقع دائما من ارقـــــى منتدى على مستوى المنتديات كلها .. واكتر منتدى محبب الى قلبى :heart:
سبب كتابتى لموضوع اليوم هو
اولا : شكر واجب لعالم حواء
ثانيا : تحفيز لأى تاجرة مبتدئة بمنتج خاص بها
ثالثا : حتى تشاركونى فرحتى
هنا بعالم حواء
- بدأت تجارتى البسيطة فى 6/2006 لما حطيت موضوع لوصفة حلاوة عملتها بنفسى
(بدون اى نية للتجارة)..
- تم تثبيت الموضوع فى قسم البشرة لفترة طويلة علشان الكل يستفاد
- وده كان اول موضوع بكل المنتيات لفكرة حلاوة تقلل شعر الجسم بدون الم
- بعدها انتقلت الوصفة بكل المنتديات وكل البنات بدأت تجرب الوصفة بنفسها ومنهم عرفوا يوفروا المكونات ويظبطها ومنهم لأ..بس فى المجمل ماحد عرف يظبطها او يوفر المكونات ببلده
- فــ البنات أقترحوا علييا بيعها وفعلا بعد ثلاث اسابيع من كتابتى للوصفة بقسم البشرة بدأت ابيع الحلاوة بعد تظبيطها وزيادة بعض المكونات عليها
- (كانت اول عبوة للرياض بالسعودية شهر 7 سنة 2006:) ).. وكنت محتاسة جدا جدا فى مواضيع الشحن الدولى والتغليف والجمارك لأنهم مش متعودين على شحن النوع ده من المنتجات .. لكن دايما اول خطوة بكل شئ بتكون تقيلة وصعبة ..
- بعدها افادونى مشرفات ركن العناية بالبشرة بطرح الموضوع فى قسم سيدات الأعمال طالما انه دخل فى البيع والشراء وده علشان اتاجر براحتى واتوسع
- و إلتزاما بقوانين المنتدى أشتركت والحمد لله بمساعدة مشرفات قسم السوق عرفت اعرض المواضيع والصور واتاجر خطوة بخطوة
- من وقت عرض الحلاوة والبنات سموها بأسم ( حلاوة رقه المشاعر ) على نفس المعرف الخاص بييا بعالم حواء وبكذا منتدى اخر واشتهرت بعالم النت كله بهذا الأسم
- بدأت طلبات المندوبات لتوزيع الحلاوة ببلدهم والحمد لله تم الأنتشار فعلا بدون ترتيب او تدبير من عندى كله بتوفيق من الله
- ومع ظهور المنافسين اللى قلدوا لون الحلاوة زى شركة عندنا بمصر و بعض الأشخاص بالنت الا ان حلاوة رقه المشاعر دايما مختلفة ومميزة بشهادة البنات ..سبحانه من يحفظ الرزق لعباده
وبعد 6 سنوات من التجارة بعالم حواء منذ 2006
وبفضل الله ثم عالم حواء
. تم افتتاح شركة رقه لمستحضرات التجميل
نشاط الشركة : أنتاج مستحضرات التجميل الطبيعية
الشركة مسجلة بعلامه تجارية ومتخصصة في المنتجات الطبيعية
والحمد لله الذى بفضله تتم النعمات (بعد سنوات ومحاولات كتيرة )
. تم الأنتهاء ايضا من ترخيص المنتج الأول للشركة (حلاوة رقه المشاعر) فى 10/2012
واللى اصبح اسمها التجارى المسجل بالأوراق والأسواق
( رقه بلاك سويت )
متوفرة بالنوعين (القطع - السائلة)
الحمد لله تم الحصول على كل التراخيص التى تتيح بيع المنتج وتداوله فى الأسواق المحلية والخارجية بصورة رسمية و تم فتح سوق للمنتج بشكله الجديد بأوروبا عن طريق وكيل بألمانيا و جارى التنسيق مع وكلاء فى اسواق اخرى لأنتشار اوسع ان شاء الله
قريبا بإذن الله بعرضلكم حلاوة رقـــــه بشكلها الجديد
وبإذن الله وبعونه سيتم عرض منتجات شركة رقه لمستحضرات التجميل بعالم حواء بالقسم التجارى
وهى منتجات مميزة وغير مكررة
ان شاء الله تجدوا معنا كل ماهو طبيعى ومفيد
واخيرا وليس اخرا شكرا عالمى الجميل واتمنى ان يصل شكري وتقديري للجميع
وفقكم الله واثابكم ونفع بكم
دعواتكم لييا حبيبات قلبى
اختكم .. رقه المشاعر
:26: :26:
موفقه يارب ومن نجاح لنجاح اكبر