حكاية هروبي ،،

السلام عليكم بنات عالم حواء ،،
انا عضوه قديمه من 2011 كان لي معرف ،،
ومع مرور الوقت وتغير المنتدى نسيت الرقم السري ولي حول السنه اتابعكم بدون تسجيل ،،
بس اليوم قررت اني اسجل واكتب لكم مشاركه ،،


انا تزوجت وانا بأولى ثانوي عمري ماتجاوز 16 سنه ،
جلست 9 سنوات بدون اطفال والحمدلله الان ربي رزقني من ثلاث سنوات ،،
عمري الان 30 سنه او صرت قريبه منها ،


طبعا حياتي الزوجيه مرت باعاصير وهدوء ومشاكل وووو الخ زي اي علاقه زوجيه ،،


المهم انه بيوم من الايام تمشكلت مع زوجي وسحب مني جوالي وللاسف ماقصر فتش بكل تطبيق وبكل برنامج ،
وطبعا حصل اللي مايرضيه من سواليف بنات ومع بنات خالاتي كنّا نعلق تعليقات ع ممثلين او نتريق ع ازواجنا ومن هالشي ،،
وفي برنامج السناب شاف اني فتحت سناب لكم مشهور وانا وربي العالم اني لما فتحتها ماكنت قاصده اعجاب او شي ثاني مجرد فضول في الاكسبلور فقط لا غير ،،


وطبعا هالسالفه زوجي مارضي يعديها لي وصارت حياتي جحيم ووصلت فيه للشك فيني بكل كبيره وصغيره طبعا حذف كل البرامج والتطبيقات ،،
زياره لاهلي فقط نهاية الاسبوع خرجات مولات مع خواتي او اماكن معينه مرفوضه وكله بسبب هالموضوع ،
صار بكل صغيره وكبيره بحياتنا يدخل هالموضوع فيه وصل فيه للشك والوسوسه ،
طبعا فيه تفااااصيل كثيره جدا بس عشان ماتملون اكثر ويصير موضوعي طويل ،،


المهم ماقدرت اتحمل وجيت الان عند اهلي ،
جاء اخذ ولدي وقال انزلي معاه خلال عشر دقايق اذا مانزلتي انتي طالق ،
وانا لي منه طلقتين قبل كذا ،
طبعا مانزلت واهلي جدا رافضين رجعتي له الا برد اعتبار ،
لانه تجاوز الخطوط الحمراء بالشك فيني وباخلاقي والموضوع مايستاهل هو وصله للخيانه ويشوف انها خيانه كبيره ،،
انا الان ببيت اهلي واخذ مني ولدي الكبير ،


ادعولي بالخيره واللي فيه الخير وربي يرد لي ولدي ،،
انا في بالي اجلس فترة شهور لين اللي براسه يطخ ويهدأ ويراجع كل واحد مننا حساباته ،
واما عن الطلاق اذا يقع برساله او لا ويعتبر طلقه ثالثه احس لازم فيها فتوى صح ؟؟؟