السلام عليكم ورحمة الله .. اخواتى فى الله ..
بعد موت فتحيه .. اثر فينى .. واللى يتابع معى ساروئ قصص 9 سيدات اخذتهم من الشارع
جلست فى البيت وقلت مش هاروح تانى دار المسنين رغم ارتباطى الشديد بالمسنات والحمد الله ارتباطهم بى اتصلوا بى واعتذرت .. ولكنى فؤجئت باتصال من سيده بالدار رجلها مبتوره وكنت اعزها جدا .. وكذلك من السيده الكفيفه التى تملا الدار بهجه وسرور.. شعرت بالمسئوليه انى لازم انزل تانى .. .. نبتدى بالدار مكان ممتاز مفروش كويس ستائر وفرش .. لكن على رأى معلمتى تدخلى تشعرى فى المكان بقبضه فى صدرك سجن يعنى .. سيدات كبار فى السن يرعاهم مجموعه من العاملات اللى ربنا لم يمن عليهم بالتعليم او الثقافه وده مش عيب .. بس انى اتركهم بدون وعى لالا .. التلفزيون فى الرسبشن على المسلسلات والاغانى وما الى ذلك.. بيفرجوا عنهم ..الكل ينام حتى الظهيره وكسل ما بعده كسل .. المكان يكسلك انتى كمان .نوعية الاكل.. الاكل كله صنف للكل دون مرعاة من عندها سكر .. من عندها ضغط عالى بلاش ملح .. العاملات بتطبخ زى ما بتطبخ عندها فى البيت ..اكل الصلصه كتير السمنه والزيت كتير .. طيب ابتدى من اين ..
الملف الصحى ..نوعية الاكل .. لازم اعرف طبيعة مرض كل سيده زالتعامل معها
الملف الطبى ..لابد من تواحد ممرضه بشكل دائم .. وطبعا ده مش متوفر
الكسل ورتابت المكان .
ابتدى اعرف المكان اكثر وابلغ الاداره .. لان الاداره فى مكان والدار فى مكان تانى.. انا كنت اذهب مبكرا والقى الكل نايم بما فيهم المشرفه الليلية .. تانى يوم من تولى المكان وانا بالمكتب افحص ملفات المسنين عشان اعرف حالة كل منهم واذا اسمع صريخ وصوت عالى طلعت مسرعه فى ايه بيغيروا لسيدة مسنه اكبر المسنات عمرا بالدار واقدمهم .. هى مكسوره من الركبه والحوض جبيره كبيره على الركبه وطبعا شداد على السرير عشان الحوض ... والسبب كان ايه الاهمال كان اكيد هذه السيده تقوم لصلاة الفحر الحمام الارضيه فيها ماء .. طبعا وقعت اتزحلقت فيى الماء ودى عظمه كبيره ...تغير الحفاض مؤلم اكيد بالنسبه ليها ..جريت اساعدهم واذا بظهرها وبالذات عند المقعده قرحه كبيره لدرجة انها كل المقعده تقريبا وكمان عليها هاله من اللون الاخضر بكتريا قلت اد ايه ازى ما فى دكتور شافها قالوا شافها وكتب دواء رش وطبعا بتدين اوكى جميل بس ايه اللى بيحصل ...غير حفاضه مليئة بالبول تيجى على الجرح كمان هى نائمة فى وضع واحد على الظهر المفروض تقلب كل ساعتين الحفاض يغير باستمرار ده طبعا حتى لو كان قاله الدكتور فين الوسيله لتنفيذه مع العاملات اللى هم يغيروا على الجرح بيديهم اللى مكان المسح وكمان دون مسئولية انهم ينتقل اليهم اى مكروبات .. ايه ميعرفوش ان فى حاجه اسمها مرتبه هوائية لم يسمعوا عنها اللى لما طلبتها انا من الادارة وطلبت صديقه لى رئيسة ممرضات اوصف لها الحالة واقول لها ماذا افعل لها..قالت نركب لها استره وتظوعت تحضر تركبها وابتديت اقول لاصدقائى عاوزين نخرج الناس دى من الحالة اللهم فيها ليس بالتبرع بالمال ولكن التبرع ببعض الوقت .. وابتديت معهم موضوع عدم الكسل وده كان فيه مجهود كبير منهم عشان يغيروا هذا بس عاوزه اقول حاجه انهم حاسوا انى بعمل معاهم كده مش بدافع انى مجرد انسانه تعمل بالمكان.. او ان هذا لمصلحتهم ولكن بالحب شعروا فعلن بذلك وانا كمان حسيت بحبهم ليه وكانوا بيعملوا اللى انا بطلبوا منهم بحب .. صلاة الفجر ويبتظرونى حتى احضر عشان رياضة الصباح كنت اهرج واضحك معهم ...ياريت كلنا نتعلم مهارات ( المرح ) ونعوّد انفسناعلى ( الابتسامة ) وبالذات عند كبار السن هل نتذكر ماذا كنا نفعل مع اولادنا الصغار. تعلمت فى رعاية امى وكانت فى سن متقدم اراها حين اشترى ل أبنتى اشياء الصغار حلوه تنظر اليها وفى يوم احضرت لها مثل ابنتى ويا اد ايه كانت فرحتها ..كنت والله لا يكلفنى بعض الجنيهات حاجات بسيطه جدا لكن فرحتهم بيها اكثر وفى يوم حضرت صديقه لى وكانت معها ابنتها الصغيرة وطفت بها المكان اعرفها عليهم ودخلت عند اكبرهم سنا وطبعا لا تستطيع ان تشارك معنا وكذلك كان عندها حالة اكتئاب اكيد من الالم وكانت الطفله خائفه منها ولكن لحظت انها تنظر الى ما فى يد الطفله .. 2 عصا وبكرة تريكو قلت لها وسالتها كنتى تعرفى تعملى كروشيه ياه قالت اه تقولوا مد اربع اوسته قلت لها احنا فى الشتاء واريد طقية صغيره .. وكان هنا مفتاح علاجها سبحان الله واسرعت فى رجوعى الى البيت احضر لها الاشياء واتعملت الطقيه فى يومين واصبحت معنا وخرحت من حالة الاكتئاب للحظه واحده شعرت فيها ان انسان يحتاح اليها قلت لها طب علمى الكسالى دول ونعمل حاجات حلوه الكل رحب وكانوا عاوزين كل منهم يعملوا حاجه ليه انا ..الله على السعاده اللى بحسها ...وابتدت رحلتى فى تغير المكان
حنينى لله @hnyn_llh
عضوة جديدة
يلزم عليك تسجيل الدخول أولًا لكتابة تعليق.
سنكرس القصيم
•
الحمدلله على كل حال الله يجزاك خير ويجعله في ميزان حسناتك بصراحه نفسي ازور دار المسنين
ياريت اختى فى الله ...
اعزمى العقد والنيه .. انهم فى اشد الحاحه الى كل كلمه حلوه .. او ابتسامه .. مش نظرة شفقه
اعزمى العقد والنيه .. انهم فى اشد الحاحه الى كل كلمه حلوه .. او ابتسامه .. مش نظرة شفقه
غيغي
•
انتي تتكلمي غن دار وين بالضبط باي مدينة؟
لان انا نفسي ازورهم وارتب لهم فعاليات بسيطة انا ومجموعة بنات نغير عليهم جو...
لكن سمعت ان هذا مو بالساهل يحصل
لان انا نفسي ازورهم وارتب لهم فعاليات بسيطة انا ومجموعة بنات نغير عليهم جو...
لكن سمعت ان هذا مو بالساهل يحصل
الصفحة الأخيرة