حكايتى مع الى كان حبيبى وحاليلا صار زوج وبس

مساء الخير عليكم يا بنات

حكيتى طويلة بس قلبى واجعنى ونفسى افضفض

انا مصرية الاب فقط والام فلسطينية عايشة بمصر جميلة بقدر كبير جدا من وانا طفلة مصدر للفت نظر الكبير والصغير

كان ساكن قصادنا شاب جميل واكبر منى ب 6 سنيين كنت اعرفة بالسمع وانا صغيرة وعمرى مشوفتة ولا كنت اعرفة

مع انة عايش بالبيت الى قدامى لكن كان دايما خارج البيت وانا كنت طفلة ملتزمة عسولة خفة دم وشياكة وتربية

لحد موصلت لسن ال14 سنة فوجئت بية بيعرفنى بنفسة وبيكلمنى انة معجب بيا قاومتة بكل ما املك من دين وتربية

واخلاقى لحد ما غصب عنى سلمت وحبيتة وصارت بينا اجمل قصة حب بدائت بسن صغير جدا واستمرت سنيين طويلة

كنت من المتفوقات فى الدراسة بسبب كثرة المشاكل مع اهلى بسببة للانهم كانوا رفضينة ورافضين علاقتنا نزل مستوايا

وانتقلت من فصول المتفوقين للعاديين مستوى اقل .. وكنت بشوف ايام سودة بسببة ضرب واهانة من اهلى وشك وخلافة

صبرت واستحملت لانى فعلا كنت بحبة .. كبرت ودخلت الجامعة ونظر لجمالى وسمعة اهلى الطيبة

كان فى الاسبوع عريس واتنيين عندنا بالبيت وكنت اتحجج وارفض لحد متخطبت غصب عنى لواحد كان مميز جدا

بس مكنتش بحبة .. فى خلال شهر ونص انفصلنا كانوا طبعا اهلى زهقوا منى وسالونى سؤال واحد انتى عاوزة اية

قولتلهم حسن ..... بابا زعل وسكت واتقدملى جوزى حبيب عمرى واتخطبتلة بعد رحلة عزاب 6 سنيين من البهدلة

والمشاكل ........ ونظرا لانة كان شاب فى اول حياتة قالى هسافر لدولة عربية اشتغل واكون مستقبلى لمدة سنتيين

وارجع نتجوز طبعا شجعتة وسافر بعد خطوبتى باسبوعين واستنيتة سنتيين حرمان واشتياق لحد مرجع

اتجوزتة وعشت معاة احلا وامتع شهرين بحياتى سفرات وفسح ودلع وربنا كرمنا واطعمنا من اول شهر كنت حامل

وسافر جوزى تانى على اساس اولد عند اهلى واحصلة وفعلا كملت فترة الحمل كلها وربنا كرمنى ببنوتة سكر نور عينى

بدائت اسال هتاخدنا امتى يقولى لسة شوية عندى مشاكل فى الشغل

وصبرت واستحملت واستحملت ان بنتى متعرفش ابوها اول متتولد وتقول لجدها يا بابا وفضل يماطلنى لحد الوقت الى

بكتبلكم فية دة وبنتى عندها سنة وشهرين ومتعرفش ابوها بصراحة ظروفة المادية مو ظابطة للان وانا من بيت غنى جدا

اغنى من اهلة ومستوايا اعلا .. لكنى بحبة وبموت فية صابرة ومهما بعتلى مبالغ قليلة او كتيرة بفرح واقولة بارك الله

فيما رزق ومتزعلش نفسك وبكرة ربنا يبعت ... وبخبى على اهلى موقفى المادى وبستر وراة ومحسساهم انى مش عارفة

اعمل اية بالفلوس من كترها ودايما استر على عيوبة وافهمهم انى محدش زييى

لحد من اسبوع

جوزى الله يسامحة قبل ميسافر وانا عروسة تركلى تليفونة المحمول عشان بتاعى كان قديم وبتاعة احدث

وطبعا كان فية ارقام ورسايل على جهازة وانا مشوفتهاش لانى مدخلة كاتى انا والممورى بتاعتى

لحد مشاء القدر من اسبوع جهازى عطلان قولت ابعتة للتوكيل يتصلح

فشلت الممورى بتاعى عشان علية صورى انا وبنتى لقيت ارقام ورسايل غريبة قلبت فيهم وبقراهم لقيت رقم مريب مش

متسجل باسم وكل الارقام التانية باسم اصحابة الولاد ماعدا دة ......... طبيعى شكيت

اتصلت على الرقم لقيت واحدة بتكلمنى اتفاجات وصوتها مش مصرى طبعا شكيت انة يعرفها

سالتها مباشرة تعرفى فولان

قالتلى اه وكنا على علاقة وتركنا بعض ...... بمجرد عرفت انة تزوج

سالتها على ازاى عرفوا بعض

والى فهمتة منها ان الاستاذ اتعرف عليها لما تركنى وانا مخطوبة وسافر ومكنش مفهمها انة خاطب لحد مجة موعد نزولة

قالها انا اهلى خطبولى واحد وانا مسافر ومصممين اتجوزها وغصب عنى هنزل اتجوزها ونزل اتجوزنى

مش يكتفى بغلطة فى حقى لا

رجع بعد متجوزنا وحملت منة وكلمها تانى

طبعا ربنا ميكتبها على حد بالى حسيتة ناحيتة ثورة مكنتش اعرف انها جوايا كلمنى ومكنتش عارفة انا بقولة اية

وعاتبتة انتا سايبنى عند اهلى ورمينى عليهم وعايش حياتك برا طول وعرض وبنتى مش اولا بالفلوس الى بتصرفها

على البنات عندك .. كان رضة انتى بتعايرينى بظروفى وقلب عليا الموقف

واخر معصرتة فى الكلام يقولى انا راجل اعمل الى يحلالى قولتلة ولو انا عملتة موقفك يكون اية

قالى هدبحك

انتى طول عمرك انظف منى وانتهينا على انة راجل وحر وانا مش مسموحلى حتى اعاتبة وغلطة وخلصت وانى مكبرة

الموضوع ...... والانكت يقولى اخرك اية ياعنى هتزعلى وبنتك هترجعك تانى ملهاش لزمة بقا تزعلى

وكمان ماسكنى من ايدى الى بتوجعنى انى مش هقدر اشتكى للاهلى عشان غصبتة عليهم .. وفى الاخر هوة الى زعلان

منى ومخاصمنى مبيكلمنيش عشان اسلوبى كان غير لائق فى الكلام معاة

شوفتوا انا فى اية

فعلا محدش بيطمر فية المعروف

وهوة راجع كمان 3 شهور والمفروض انى هرجع بيتى معاة

انا لا طيقاة ولا طايقة اكمل معاة ومليش عين اشتكى لحد وهوة مستضعف فيا النقطة دى

اعاملة ازاى البنادم دة