حكايتي

السلام عليكم ورحمة الله
انا طبعا خلصت سنه من زواجي والحمد لله كل شي تمام بس الي مشوش تفكيري هو الحمل بالنسبة لي انا الحكاية ماتفرق راح تقولون ليه لاني توني استقريت وعرفت زوجي زين لان ماكان فيه فترة بين الزواج والملكه الا شهرونص المهم
مثل ماتعرفون مجتمعنا اذا الوحده ما حملت من اول شهر يحطون فيها نص امراض العالم وفيروساته واذا ماصار وزنها بعد الزواج 1555كيلو وظلت على وزنها يعني ماهي مبسوطة مع زوجها واذا ماشافوها في كل مطعم وفندق وكل مجمع يعني انه منشف ريقها وجايب لها القولون العصبي
بصراحه ماتحملت نظرات الناس لي بعد ماخلصت سنه وهذا غير سؤالهم الي مالابوه داعي ((بالله العيب منك والا منه)) يعني سؤال تافه مثل هذا وش اجاوب عليه
المهم رحنا للمستشفى ومو واحد الا كذا واحد وتطلع النتيجه سليييييييييييمه والحمد لله وماصار شي
طبعا اغلب الي اعرفهم قالوا لي روحي لوحده تمرخ وجربي ماراح تضرك
طبعا رحت وبعد ماكشفت علي قالت عندك تلصق في عنق الرحم وميلان في الرحم وهوا في بطنك هو الي مسبب الميلان طبعا قامت تمرخ بطني الين صرت اصرخ من الالم :06: :06: ومرخت ظهري بعد
واعطتني علاج عبارة عن سبع ملاعق من (الحبه السودا/ الحلبه/بذر الفجل) :o احمصهم على النار شوي وبعدين اطحنهم واخذ ملعقه منه مع ملعقه كبيرة عسل سدر على الربيق في الصباح وقبل النوم
وقالت لي بعد على بخور عبارة عن(نص حزمه حبق / فنجال مر /كوب ملح/ملعقتين كمون) اغليهم على النار الين يذوب المر والملح واجيب حجر المرو واحطه على النار الين يحمى زين واحطه على الخليط واجلس عليه لمدة 3ايام استخدمه والسفوف لمده 7 ايام لي الحين 3 ايام على الحكاية وحاسه بالم بسيط في اسفل بطني وعلى فكرة انا رحت لها ثاني يوم من الدورة وقالت لي ارجع لها في اخر يوم عشان تمرخني مرة ثانيه
بنات ادعولي بجد نا خايفة :44: والي مشت على التمريخ تقولي وش صار معها استفادت والا لا؟؟