حكايتي ....

السلام عليكم

كيفكم بنات ؟؟؟

أنا عضوة جديدة بس قديمة في نفس الوقت لأني لي أكثر من سنتين أقرا في المنتدى وحبيت أشارك في المنتدى لأنه ماشاء الله الكل متعاون وهذا اللي شجعني أكثر

بقولكم حكايتي وابي استشارتكم ودعواتكم لي

صارلي متزوجة سنة و4 شهور حملت بعد 5 شهور من زواجي لكن مالحقت افرح بالحمل اسقطت بعد شهر ونص وبعد شهرين رحنا المستشفى نشوف السبب في تاخير الحمل وطلعت فحوصاتي كلها سليمة ولله الحمد وزوجي نفس الشي ومع ذلك أخذت ابر تفجيرية لكن ماصار شي وهذا الشهر كان عندي بويضتين وحجمهم ممتاز وتوقعت الحمل بس قدر الله وماشاء فعل نزلت علي الدورة وخلال هذي الأشهر اللي كنا نروح فيها المستشفى رحنا لمعالج بالقرآن وقال أنه فيه عين صابتني في يوم العرس وعطاني ماي مقراي فيه وقال انه العين تاخذ وقت حتى تروح واستمريت على الماي والدعاء وقراءة سورة البقرة ورحنا عند واحد ثاني وعطانا أعشاب وماي مقراي فيه وقالنا لازم استمر فيه لمدة 3 دورات وان شاء الله باذن الله بيصير الحمل واحنا متوكلين على الله وكل شي بارادة الله عز وجل وهم سبب في الشفاء .

اللي بغيته منكم يابنات اخذ رايكم هل استمر مع الدكتورة مع انها قالتلي ماعندكم اي مشكلة او اكتفي باخذ الأعشاب والماي المقري فيه ولا بشو تنصحوني
وايد مضايقني تاخري في الحمل والمشكلة انه مافيه سبب عضوي يمنع الحمل

والطلب الثاني اتمنى تدعون لي من كل قلبكم وفي كل صلاة

ربي يرزقني ويرزقكم الذرية الصالحة عاجلا غير آجل اللهم آمييين