حكايتي القصيره مع المس

السلام عليكم ورحمة الله وبركاته

كنت احلم باليوم اللي اتزوج فيه والحمدالله جا نصيبي وخطبني ماكان عندي اعتراض على اييي شي فيه وهو ماكان عنده اي اعتراض على اي شي فيني اهله واهلي يحبون بعض ويقدرون بعض يوم انخطبت فرحت بس حسيت بتعب وضيقه حتى اني كنت انيييييييقه لاكن داك اليوم لبست اسود لبس قدييييم مدري اش فيني لاكن قلبي يحب خطيبي وادعي ان الله يتمم لنا على خير ...
(عموما انا للان ممكن اقول يتهيألي انه هدا كان من المس الله اعلم )

كنا ناوين ناجل العقد لبعد سنه سنه ونص عشان ييجهز مبلغ لنفسه ونتزوج

لاكن شاءالله ربي اننا نعقد بعد 4 شهور وعقدنا بدون حفل ولاشي برغبه من اهلي عشان كانت عندنا عزا لاقارب من بعيد

اليوم اللي عقدت فيه بس استفرغ الله يكرمكم ضغطي امنخفففض اكتئاااب وضيييق احاول اقاوم مــــــــــافي وبببس اسفرغ... ابوي الا الا تروحين لدكتور طبعا احنا عقدنا مع الولد وابوه وسلمو على ابوي وراحو بيتهم على اساس اننا نسوي عزيمه بعد اسبوعين للرجال يعني اليوم بس عقد وراحو بيتهم والحمدالله مافي حريم ...

اخدني بعد بيوم للدكتور قله هدي حاله نفسيه وقللي ادا فيه اي شي بقلبك طلعيه لاتكتمين وبس

ورحت للبيت الحاله توصل معي لاني البس ملابس غامقه وباهته واترك ملابسي اللي احبها كنت مهتممه بنفسي صرت اكره اروح عند ناس عشان لازم اتشيك والبس لاكن الحمدالله احب زوجي ودايما اتصل عليه اعاتبه لو اهملني
واحيانا نتقابل انا وهو عالسريع نشوف بعض عن طريق خالاته واخوي لان مومسموح بالزيارات لظروف كانت ببيتنا ولان الزواج مأجل فخايفين اهلي من الاحتكاك يزيد ونكره بعض
المهم انا هنا اهملت نفسي مدري اش فيني غصبا عني حتى انا مستغربه من نفسي بس ادا جا اتزبط طبعا حتى لو خفيف ...دايما تعبانه ومتضايقه وانا ما اعرف اش هو المس ولا اقرا عنه شي وكنت اعتبر الجن وحكاياتنا معاهم خرافات هم بعالم واحنا بعالم ومستحيل انهم يادونا كل شي عنهم خرافات هدا كان اعتقادي
ا
انا كنت احب زوجي ومتعقلللله فيه ما اشوف غيره بالدنيا بس كان فيني تعب وضيييق وهبوط بالضغط واحيانا اكره الحياه لدرجة اني ما اهتم باختيار جهازي ومدري انا هنا للان اقول هدي حاله ممكن تكون مالها علاقه بالمس الله اعلم
يوم زواجي تقريبا باقي عليه 4 شهور توفى زوج خالتي رحنا احنا وهناك شفنا كثيييير من اقربائنا وجلسنا عند خالتي فترة العزا 5 ايام ورجعنا من بعدها ماتصدقون هنا كنت فرحاننننه واروح واجهز نفسي اخترت فستان زفافي من احسن مكان وكان روعه ومن كثر حماسي ليوم زواجي اخترت حتى فساتين اخواتي الصغار انا اوامي ساسا دوقي حلو ومعروف بالعيله والكل منتظرين يشوفون فستان زفافي ورحت وكملت جهازي ونفسي كانت طيبه ماخليت مكان رحت الاماكن الفخمه والعاديه ماخليت مكان بجده والزواج موعده قرررب قبل زواجي بشهر ونص تععععبت تعععععب وضقققت ضيييقه لدرجة اني اقول الله يستتتتتر على زواجي ويتممه على خير بس ونحففففففففتتتت نحححححححفففف شكلي مقررف وبس اسو مشاكل مع اهلي كل شوي اطلع لامي بمشكله

ترا الحال والوضع مايعبر عنه الكتابه ابدا وحاولت امسك نفسي عن اشياء كثير كانت ببالي خفت لا اندم عليها ويوم زواجي عند الكوفيره شوي وابكي كنت تعباااااااااااااااااااانننننننننننننه وضايقققققققققققققققه وكل شوي اتهم اهلي بشي رغم انهم ماقصرو معاي بشي تعبانه لدرجة ما اقدر امشي احس بدوخه وضيق للاسباب تااااااافففففففففففههههههه كنت اكبرها براسي وهدا مو طبببببعي ابببدا كنت احس اني ضايعه وغريبه وسط اهلي

احتى اخوي يسلم علي وكيف عروستنا وانا وجهي كن احد عطاني كف ومطنشته واشمق وادا لححح علي اش فيه اقله تسريحتي مهي عاجبتني واللي يشوف وجهي يقول كن ابوها توفى مو تسريحتها مهي حلوه وحتى لو تسريحتي مهي حلوه انا مو عادتي انكد على نفسي لدي الدرجه المهم والشرح بتعبي يطول ومايخلص

تزوجت الحمدالله كان زوجي طيب ويحبني وشاريني وشاري اهلي وانا احبه اححاول قد ما اقدر ما اقصر معاه بشي بس كانت الضيقه هالكتني وزوجي يقلي اضحكي انبسطي اخواتي يعرفونك قبل لا اتزوجك قالو البنت فرفوشه اخواته نتجمع معاهم اسبوعيا يعني زي بنات خالاتي او بنات عمي ومعاهم من واحنا صغار ومن زمان كانو يبغوني لاخوهم
خطبني مرتين قبل بس كنت صغيره ومره وانا ادرس بالثنوي ورديناهم واخر مره وانا ادرس ثاني جامعه وبعد سنتين تزوجنا
المهم انا من يوم ماتزوجت كل ما اقرب من زوجي ضغطي ينخفففض واعرق واتعب وتجيني ضيقه ووساوس غريبه مثلا ان امي تضرب اختي الصغيره الحين ويمكن اختي تموت معن امي عمرها مارفعت يدها علينا واطيب منها مافي

ويوم تصير عزايم واروح للناس كن احد عطاني كككف حتى زوجي وانا اللي حاطه ببالي كككككككل ييييوم اطبخ له واخلي بيتي دايما نظيف ونسوي برنامج انا وزوجي كل ماجيت انوي اسوي شي اتعب وكله كوم وحاطه اهلي براسي كوم ثاااني دايم اقلق امي ولا ارسلها راسايل تضايقها وطوووول اليوم افكر كيف ما اخلي امي ماتخاصم اخواني تفكير مجانين بعيد عنكم لدرجة اني اهمل زوجي ولدرجة ان زوجي شك فيني

تعبي ماحد يعلم فيه الا ربي وكتمت كثيير بقلبي كنت اشوف العراوس اللي توهم تزوجو اقول ليه انا مني زيهم رغم اني احلى منهم لاكن وجهي كن احد عطاني كف او كاني دوبني انا وزوجي متخاصمين

وحملت من ثاني شهر وزااااااااااااااد التعب والهم والغغغغغغغغغم انا اساسا بطبعي قايمه الليل واقرا قراآن كثير خصوصا باول ايام زواجي طبعا من اول ايام زواجي وانا احلام لاتنتهههي بس كنت اقول يمكن عشان نفسيا تعبانه احلم كثير
احلم ان احد يلاحقني وسيم ومرتين حلمت بجماع بعدين فجأه حسيت الحاله خففففتتت وكاني صحيت من جنان

قلت انا وين كنت وليه كنت احسب ان امي تضرب اخواني وحتى لو تضربهم تحرقهم عيالها بكيفها وامي اطيب منها مافي وليش انا كنت زعلانه داك الزعل يوم زواجي عشان تسريحه وليه وليه

كأأني بديت اتشافففى والللللللله اععععععلللللم لاني بديت احس واتاكد اني كنت مجنونه وهداك مو انا قريت عن المس الفاسق ككككل شي شفته والحين فسرت الاحلام ماتوقعت ان الاحلام لها علاقه بحالتي وبديت احس يتأنيب الضمممير وبس اروح لزوجي وامي سامحوووووووووننننني بصورهمو طبيعيه

وعرفت ان هدا كمااااان من اعراض المس بس للان ماخفت وماقريت عن المس الفاسق كثير قريت كم مقال وتاكدت انه هو

حولت من بيتي ارتحت نوعا ما الاحلام وييييييييييين ووييييييييييييييييييين والضيقه تجي وتروح بس كل شي اخف من اول بكثييير بس موجود التعب

طلعت حامل والاول عمره سنه وشهرين ماكنت ابغا ولا مخططه للحمل بس شاءالله

من حملي من كثر الاحلام والتعب والكسسسل والارهاااااق وطول يومي بالفراش وكل شوي احس زوجي جنبي ويطلع مو فيه واشياااااااااااااااااااااااااااااءءءءءء.....

ماقدرت اكمل ببيتي لحالي والله يابنات من التعب حتى ساعات ما اقدر اغير حفاظة بنتي الله يكرمكم ولا اسويلها حليب لا اقدر اجلس لحالي بدونها
حكيت زوجي كل شي شفته وقلت مافي حل الا شيخ

وانا لي عند اهلي بقرب الشهر تعبانه طول الي وم نايمه وممده واحلم وكوابيس وخمول ماتتخيلونه كاني بشهري التاسع وانا بالثاني والاااام وتعععب بظهري

انا كككككككل همي ارجع لبيتي ولحياتي الطبيعيه اللي من يوم ماتزوجت ماخلاني المس اتهنى بحياااااتتتتتتي

كيف البنات المتزوجات وعندهم المس ... كيف عايشين لحالهم ببيوتهم مع عيالهم وكيف يسون لما ازواجهم يروحون الشغل ....؟ مايخافون ...؟ يعني الموضوع مايخوف ...؟

انا كل همي ارجع لبيتي ولحياتي الطبيعيه حياتي كاي زوجه اللي ماطعمتها من يوم ماتزوجت

ما اقول الا حسسسبببي الله على من كان السبب

حسسسسبي الله على من كان السبب

حسسسسسبي الله على من كان السبب ....

خايفه لازوجي يطفش مني ويمممل وانا عندي بنت وحامل الحين اخاف احد يلف عقله ويخلونه يتزوج علي وانا لسا بشبابي لانه تعب معاي كثير وصبر كثير هم مايعرفون عن المس الفاسق كثير صدقوني انا كل حلمي اخرج انا وبنتي ووزوجي نتمشى وننبسط ونرجع للبيت وننام اصحى واجهز الغدا لرجعته من الشغل وبببس نطلع ونتمششششى اتعرف على جاراتي ادلع زوجي نسافر سوا بسسس مقققدر والله مققققددددر ساعات احس اني اطيح من طولي لما اروح انوي اسوي لزوجي شي او لبنتي شي او اتععععب تععععب حتى ساعات اكون ناويه امزح مع زوجي يقلي طيب اش فيكي معصبه .... حسسبي الله ونعم الوكيل

وزوجي يوم يقرا عن المس العاشق يقول اقرا ان الوحده ماتحب زوجها تكرهه يعني انتي تكرهيني ....؟

حسسسسسبببببببي الله ونعععم الوكيييييييل

ويمكن يشك فعلا اني مااحبه لانه صبر وشاف مني كثير

بس هو يحبني وواثق اني احبه بايام الملكه وواثق ان اهلي ماجبروني عليه ان الموافقه كانت بلساني اخواته سألوني قبل لايخطبني من اهلي وانا وافقت وفرحت ...نوعا ما يعتبر حاسس فيني ومستعد يصبر بس اخاف ينفد صبره انا شويه واكمل الشهر عند اهلي معقول ماراح يمل ... ؟
انا اهلي بدأ صبرهم ينفد مني طول اليوم نايمه يحسبوني اتحجج بحملي وامي الوحيده هي وزوجي اللي تعرف عن الموضوع تقلي خرافات وانتي مخرفه انا بعالم وهم بعالم بس بدأت تتاكد بس برضه تلومني على اشياء كثيرولا تعرف اش ممكن يسوي المس الفاسق

ممكن يحسب اني مبسوطه هنا وانا انتظر اللحظه اللي اتعافى فيها وارجع لبيتي بسلام انا وعيالي

الله يشفي كل مصابه بالمس او باي مرض

الله يشفي كل مريض وصبرهم وانزل عليهم رحمه من عندك وطمانينه وسكينه وشفاااااااااااء

شفائك لايغادره سقمااا

لاتنسوني من دعواتكم

بكره عندي موعد عند شيخ ... والله يقويني ويصبرني عالعلاج يااااارررب

والله يشفي كل من اصابه اي اديه يااااااررررب