حكايتي .... الله يسامح اللي كان السبب

صباحكم \ مسائكم سكرررررر


حبيباتي انا تزوجت تقريبا من سنه و خمس شهور و حملت بعد شهرين من زواجي الحمدلله و جبت احلى بنوته ربي يحفظها لي و يخليها

تقريبا من نص حملي و انا احس اني دايما متضايقه و ما ابي انزل لاهل زوجي مع العلم اني ساكنه مع اهل زوجي بس بشقه لوحدي بالدور الثاني و اكلنا واحد .. المهم يا حلوات كنت من كثر ما انا متضايقه دايما اروح لاهلي و تتغير نفسيتي 180 درجة بس لما يجي وقت الرجوع لبيتي ترجع ضيقتي
كنت ما ابي اتكلم مع احد و لا ابي اشوف احد من اهل زوجي و احيانا زوجي ما ابي اسمع حتى صوته و لا ابيه يكلمني و ابيه يطلع من البيت بس اذا طلع اتضايق و ابيه يرد و يرجع .. كنت اشك فيه اذا طلع مع اصحابه مع انه ما يطلع الا مره في الشهر او احيانا في الشهرين مرة " ما شاء الله تبارك الله " و كنت اتضايق لما يفتح ايميله لازم اكون جنبه ما اتركه يفتح النت الا و انا جنبه و الا اتضايق وازعل ... هالشي سبب لي مشاكل معاه و مع اهله لدرجة فضييييييييييييييييييييعه يا بنات ما تتخيلوها ... كنت انا و زوجي نتهاوش على اشياء تافهه و الله العظيم تافهه و نجلس باليوم و اليومين و الاسبوع ما نتكلم و ما يمدينا نتراضى الا في نفس اليوم مشكله ثانيه يعني الحياه صارت نكد بنكد ... انا و سلفتي كل وحدة يوم تطبخ كنت في يومي انزل اطبخ و اطلع ما اكل معاهم ابد لدرجة صار الكل يتضايق من حركتي و يفكرون اني انا ما ابيهم و خالتي ام زوجي تقول لزوجي انه يمكن انا ما ابي اعيش بالبيت معاهم و كذا بس انا ما كان هذا تفكيري ... انا احبهم بس من انزل عندهم او اكون بس في شقتي و افكر اني راح انزل عندهم تجيني ضيقه مو طبيعيه و خفقان في القلب و كنت اقول في نفسي هم ما يحبوني و بس يبون ينكدون علي و انهم يتكلمون من وراي و يسبوني و كذا مع انهم و الله العظيم عمرهم ما غلطوا علي كلهم الكبير و الصغير بس كنت افكر كذا

بعد ما ولدت بنوتتي صارت هي بس تبكي و ماتنام و بس تزن و انا نفسيتي مع قلة النوم صارت عدم .. اهملت زوجي و بيتي و صار كل اهتمامي ببنتي لاني ما ادري ايش فيها بس تبكي و ما ترضع زين و لا تنام زين .. رحت مرة لاهلي قام ابوي قال لازم نروح لشيخ يقرأ عليها و فعلا رحنا لشيخ قال لازم تداومون على رقيتها لانه احد متكلم فيها و لما عرف زوجي بالموضوع زعل مني و عصب يقول ليه تودينها لشيخ بنتي ما فيها شي و لا كلمني لمده اسبوع و نص لدرجة كنت بأرجع لاهلي خلاص من الضيقة ... المهم ما راجعت فيها للشيخ و استمرت بنفس الموال البكا و عدم النوم و ما ترضع و نفسيتي بس ابكي و ما ادري ايش اسوي ... قال خالي ابو زوجي بنوديك للشيخ يقرأ عليك و على بنتك و لا تخافين من زوجك انا بأتفاهم معاه ... طبعا رجنا للشيخ قال لي بنتك الحمدلله شغلتها بسيطة لكن اللي لازم رقيه انتي .... تخيلوا طلع السبب كله فيني انا .. يقول لي الشيخ يعني لو مو بنتك حالتها كذا انتي ما تنتبهين على نفسك ؟؟؟؟ المهم عطاني علاج قال لي بعد 25 يوم تجين و اقول لك ايش عندك و لما رحت له بعدها قال لي هذي عين صابتك و انتي حامل و معروف انه العين اللي تصيب الحامل تنتقل لجنينها و حالة بنتك من هالشي و ظهرت اعراض العين عندك على شكل اكتئاب ما بعد الولاده ... نسيت اقول لكم انه من قبل زواجي و انا احلم احلام مخيييييييييييييييييفه و خلال حملي تعبت من كثرة احلامي اللي هي كوابيس و بعد ولادتي بعد احلم بعقارب سودا و دبابير سودا كمان و عجوز بشعه كأنها تحاول تفتح بيتي و احلم انه احد يطاردني انا و بنتي او يبغى ياخذني يعني احلام مخيفه و كلمت شيخ اسمه ابو فارس و فسر لي ياحلامي و قال لي اللي عندك عين بحسد و الغرض منها تفريق بينك و بين زوجك و هذا الشي اثر على حياتي مع زوجي و اللي حوالي ... و انا الحين اتعالج عند الشيخ عطاني علاج لمدة 35 يوم و بعدها اروح له و يقول ان شاء الله انها اخر مرة ارقيك فيها ..... ياااااااااااااااارب

دعواتكم يا بنات