حكايتي في غرفة الولاده

السلام عليكم ورحمة الله وبركاته


كيفكم خواتي


ابشركم ولدت وجبت بنتي ( حور ) الله يخليها ولكن بقيصري


تعالوا احكييكمممممممممم انت تحبون افلام الرعب والمغامرات





انا كنت اكشف في حملي بين فترة وفترة وكشفت اخر مرة بالشهر السابع وعرفت انها بنت وانشغلت بالمدرسة وماكشفت بالثامن وفي بداية الاجازة دخلت بالتاسع ويم كشفت قالت الدكتوره الراس فوق


انصدمت مرررررره والمصيبة ان الشغاله حقتي هربت الله لالالالا يسامحها في يوم الخميس 29 / 4

ويوم راجعت المستشفى العسكري قالت امامك ثلاث خيارات اما تولدين قيصري أو نعمل لك تدوير لراس الجنين أو يولد من رجوله وهذه مخاطره


فقرررت اعمل تدوير رغم اني قرات انه خطر ممكن يسبب موت للجنين او انفصال المشيمة


فعملت تدوير وطلعوني على غرفة الولادة وعملت تخطيط وبعدها اعطتني ابرة ترخي الرحم وبعدها عملت التدوير بيدها ولكن مالف الجنين ورجعت عملت تخطيط تطمن على الجنين


ناس تقول كثري سجود واحبي وكلها عملتها ومشيت وكنت ادعي والح بالردعاء انه يلف وضعي صعب

ماعندي شغاله على القليلة لو طبيعي ارحم من القيصري


المهم


اعطوني موعد بعد اسبوع ورحت واول الدكتور يلف راس الجنين وعمل لي تصوير بالسونار وطلع لالالالالاف ولله الحمد والمنه

طبعا اخذت اجازه ماصرت اداوم قلت اريح واخذ شهري كله كان المفترض موعد ولادتي 28 / 5




وخلصت شهري واخذت 4 ايام من شهر 6 ويوم الاربعاء حسيت بالالالالالالام تجي وتروح وقتها ما قدرت انام ولما صار الالم كل نص ساعة غيبت واحد من اولادي يجلس عند ولدي الصغير لما اروح للمستشفى

ودخلت الساعة 12 ظهرا يوم الاربعاء 4 / 6 ويوم عماوا كشف داخلي مفتوح الرحم 3 او 4 ومباشرة لغرفة الولادة والله رايحه وراح الطلق كله ما احس بشيء



وتمر الساعة 1 / 2 /3 / 4 / الساعة 5 ونص حسيت اني بابرز وماني قادرة ااتحمل الالم وادق الجررررررررررررررس وتصرخ علي مدام كم انت بيبي مافيه صراخ دعاء واستغفار بس


وانا عارفه ولكن مو قادرة اتحمل الطلق وكل مرره اناديهم المشكلة جنبي وحده تتالم تبي تولد وقتها كان زحمه كل شوي اسمع صراخ وطلقي برد


وعلى الساعة 6 خلاص جو لعندي ويوم شافوني نادوا الدكتوره وشوي طلع كيس القسطرة ويصرخون عملية عملية وانا اسال ليه عمليه خفت انا النبض قل


وبسرررررررعة على غرفة العمليات وطول وقتي وانا مغمضة عيوني ما شفت شيء ويوم دخلت قال الدكتور نحاول معك طبيعي وصرت ادف ادف وقال خلالاص ما ينفع لازم عمليه الجنين جاي من وجهه

وسميت ويشربوني البنج ويمسحون بطني كانت الساعة بين اذان المغرب يمكن 7 ومادري عن نفسي الا الساعة 10 صحوني وقالوا جبت بنت وقتها كنت بغرفة الضغط ضغطي مرررره نازل وتسحب دم مافيني



وبعدها ودوني غرفة الملاحظة وجلست فيها فتره نقلوا لي كيسين دم ولما تحسنت ودوني غرفة الترقيد



طبعا جابو بنتي والا اكل ولا شيء كله سوائل ويبغوني ارضع حسبي الله عليهم تبهذلت الي جنبي والده قيصري ولكن جايبه معها حليب


ولازم امشي وكنت احس بصعوبة في القومة من السرير مرررره يطفش

ويوم الجمعة خرجت الضحى واخذت شغالة اختي تشيل بنتي وانا مشيت بعربيه وبصعوبة اركب السيارة

وصلنا البيت واولادي في استقبالي سلموا علي الا بنتي ( غلا ) يوم شافتني الدموع في عيونها من الفرحه ان جاتها اخت



ويوم الاربعاء رحت افك الدبابيس وفكوها ولكن الجرح مو ملتئم زين وقالت الدكتوره لالايجيها مويه ورطوبة

واعطتني مضاد حيوي ومسحات طبيه ويوم رحت السبت قالت كويس

والحمد لله من قبل ومن بعد والان عندي شغالة امي الله لا يحرمني من امي يارب ونامت عندي 4 ايام




والله يسهل ولادتكم ويرزق كل محرومة اليوم لي 11 يوم