حكايتي مع الاجهاض المتكرر وتوقف نمو الجنين بس مانزل :(

السلام عليكم 
صباح /مساء الخيييير 
حبيباتي بقوول لكم قصة حياتي مع هالتحليل اللي جنني و طلع لي قروون :06:
انا اجهضت للمره الثانيه بداية شهر 6 بالتحديد 6/3و الحمد لله ع كل حال و السبب توقف نمو الجنين ع الاسبوع الخامس و اجهضت انا في الاسبوع السادس و نص يعني صار اله اسبوع و نص متوقف نموه قلت للدكتوره متى استخدم موانع الحمل قالت بعد الدوره الجايه عشان الرحم ينضف لاني ماعملت عملية تنضيف و اتوقع انه نزل كله لاني شفته مثل حبة الفاصولياء وسط قطعه مثل الكبد تكرموون يعني اتوقع كله نازل ووديته للدكتوره في الطوارئ وقالت هذا هو الجنين مع ان دم الاجهاض ذا بسيييط و اقل من. دم الدوره و استمر خمس ايام بس  
نرجع لموضووعنا انا طبعاً بعد الاجهاض الوضع كان طبيعي و حسبت لايام التبويض عشان مايكون فيه حمل و ماصار شي في ايام التبويض ابد و بعد كذا كملت حياتي عادي بس كنت اسوين تمارين قويه و انط و ارقص وماخليت شي ماسويته <<لزووم الرجيم طبعاً لان فيه مناسبات هاامه في العطله ،قبل الدوره بأيام ما اتذكر كم بس ايام قليله يمكن اسبوع او اقل حسيت بألم مثل التبويض بالضبط بس قلت مستحيل يكون تبويض  
و قبل الدوره بيومين حسيت بألم مثل الدووره بالضبط و مانزلت فشكيت بالحمل مع اني مو متوقعه و حللت تحليل منزلي وطلع ايجابي و بنفس اليوم رحت لموعدي الللي بعد الاجهاض و عمل لي الاستشاري سونار و مابين شي بس بطانة رحم و اعطاني موعد تحليل هرموني اليوم و موعدي الثلثاء الجاي بإذن الله ورفض يعطيني مثبتات او اسبرين يقول لحد مايبين الجنين في السونار مع انه يدري ان هذا الحمل بعد اجهاضين 
ورجعت البيت و كانت معي اعراض حمل دوووخه و كسل من اياام و بالليل حسيت بحركه مثل حركة الجنين بجنب السره من الجهه اليسرئ و حسيت انه صار له شي لان الحمل الي قبل كنت احس بهالحركه كل فتره لحد ما مات الجنين وبعد الحركه الي حسيت فيها اختفت اعراض الحمل تماماً  
وثاني يوم عملت تحليل منزلي طلع خط اخف من اللي قبله و رحت شريت بيبي اسبرين و استخدمته مع حمض الفوليك بدون وصفه طبعاً و بيوم الدوره حللت وطلع سلبي و ثاني يوم غيرت الجهاز و حللت و طلع كمان سلبي 
واليوم اليوم الثالث بعد تأخير الدوره واتوقع انه الجنين ميت و امس بالليل مشيت كثير و جالي الم مثل الم الدوره توقعتها تنزل بس للاسف للآن مانزلت 
آسفه طولت عليكم بس حبيت افضفض
ومحتاره اشرب شي ينزلها والا انتطر الموعد
واطلع اللي بخااطري وياليت لو وحده ماره بالتجربه ذي تذكر تجربتها 
عساكم ماتمرون باللي مريت فيه والله يثبت لكل حامل حملها ويقر عينها بشوفة جنينها و يعوض كل من فقدت حملها ويرزق كل محروومه و يخلي لي بنتي حبيبة قلبي و يصلحها آميييين