حكايتي مع البخور

السلام عليكم ورحمة الله وبركاتة
كيف حالكم خواتي ..........
_1حابة اعرض عليكم تجربتي في تبخير ملابس النوم والملابس الداخلية مالتي
اول شي اغسلي ملابسش وبعد ماتنشف اكويها وبعدين حطيها على المبخر كرري البخور مرة واثنين بعدين عطريها بروائحك المفضلة اخر حركة هي عطفيها وحطيها داخل كيس نايلون جديدوصكرية .. والله راح تقعد الريحة فترة طويلة ما تروح .هذة الحركة كرريها مع محارم الصلاة الخاصة بالضيوف .

_2 اما طريقتي في تبخير شراشف اولادي طبعأ اغسلها وبعد ماتنشف احطها على المبخر واحط اي بخور عندي ومعاه (لبان )اللي يبخرون فية نشترية من عند العطار بهذا الاسم وشوفي الريحة الحلوة .

-3 اما حماماتي (وانتو بكرامة ).انا دايما بعد ما اغسلهم ابخرهم احط بخور ولبان واصكر الحمام .

سامحوني على الاطالة واتمنى ما تكون تجربتي قديمة مالها فايدة ........وشكرأ:26: