السلام عليكم...
السوري...
اللــــــــــــــــــــــــــــــــــــــــــــه على الفن ..ماشاء الله عليك..
الاغصان اللي علقتي عليها الشريط مررررره حلوه..

وفكرة سلة الشوكولاته وصحون التمر تجنن...( ماشاء الله )

بس تدرين :
وين بيتكم فيه...
ودي اتحمد لك بالسلامه<<============ ( نصابه )ابي شريط هههههههههه
ويالله بانتظار المولود اللي بعده...علشان ناخذ افكارك الزينه..

رساااال.

ماشاء الله
صحون التمر روعه روعه فكرتها وما تخطر بالبال
من وين جبتيهم ؟ :26: :26:

أفكار روووعة ماشاءالله ..
كل فكرة أحلى من الثانية .. والأحلى ان كلها متكاملة مع بعضها .. يعني مطقمة مع كل شي .. :)
بس بصراحة مافهمت طريقة صينية الشوكولاتة .. وإذا كان ممكن بصراحة ودنا لو تقولين اسم المحل اللي سويتيها فيه ، واسم المحل اللي اشتريتي منه صحون التمر .. لأنها أشياء يبغى لها شراء يعني ماينفع نسويها للاسف ..
بس أسئلتي بالنسبة للصينية :
- هل الشوكولاتة مغلفة ؟
- إذا كان معلق شوكولاتات على الأغصان ، باقي السلة وش حط فيها ؟
- كيف علق الشوكولاتة ؟؟
وشووكرن على مجهودك الروووعة .

الغرام ..

فكرتك جميلة وبصراحة فكرت فيها لكن عند التنفيذ ما ضبطت .... يمكن لأن الورق اللي عندي ماكان مناسب للنخلة ...

رسال ...

الله يحييك ...
هذه الساعة المباركة ...
يالله ترانا بانتظارك ... باقي آخر واحد ...

أم أحلى آرام ...

حياك الله ...

قهوة بالحليب ...

( حلو اسمك ) ...
نعم الشوكولاته مغلفة ...
واللي معلق على الأغصان شوكولاته لكن طبعا الضيوف ما يأخذون منه في الغالب ... أما الصينية فهي مملوءة بأنواع أخرى من الشوكولاته ... ( طبعا أنا صورتها لكم بعد النفاس بعد ما خلصت للأسف ) ...
أما كيف علقها فهي لها مثل العرق جمعها كلها مع بعض ولف عليها سلك معدني ولفها حول الغصن بطريقة محكمة ...

:33: :26: :26: :33:

للجميييييييييييع ....

قوانين المنتدى تمنع أن أضع إعلان بشكل صريح ....
لا مانع لدي مطلقا من ذكر أسماء المحلات بالتفصيل .... إذا سمح لي بذلك أخواتي المشرفات ....

صينية التارت ....

هذه الصينية استخدمتها في المستشفى للتارت والكيك مع العصير ( لأني ما قدمت في المستشفى إلا قهوة وعصير ) أما في البيت فخليتها للشعبي مع الشاي لأنها فيها خيش ....
وبصراحة ماشريتها ... كان عندي صحن مدور شفاف حجمه مناسب قلت أستفيد منه ...

أخذت قماش خيش قطعة طويلة و بدأت ألف على حافة الصينية و أصمغ بصمغ المسدس ....
وعند التقاء الطرفين لفيتها حول بعض غلى شكل فيونكة ...
بعد كذا أخذت قطعة مربعة من فلين اللوحات وثبت عليها في الزاوية غصن طوله تقريباً 40سم ..

ثم غطيت قطعة الفلين بقطع الخشب ( الذي يوضع داخل أحواض الأشجار الصناعية ) ..
ثم لفيت حول الغصن ورود سكرية ..

وآخر شئ أخذت قطعة من الخيش ولفيتها حول أطراف قطعة الفلين بنفس طريقة الصينية ..

ولأن حافة الصينية كانت مرتفعة شوي وضعت قطعتين من أغصان عريضة تحت قطعة الفلين لرفعها الى مستوى الحافة ....

و طبعا آخر لمسة لفيت حول الغصن سلسلة كريستال و تركت طرفها يتدلى داخل الوردة ....
طبعا عند تقديم التارت وضعت عليها مفرش دانتيل مع قص القطعة المثلثة أسفل قطعة الفلين وصفيت فيها قطع الكيك والتارت ، أما عند تقديم الشعبيات فكانت مصفوفة بشكل دائري ومرصوص دورين ...

وهذه هي الصور واعذروني لأنها غير واضحة لأن الإضاءة لم تكن جيدة...





وهنا تبدو أقرب ...





أتمنى أن تعجبكم ... بقيت حلقة أخيرة :26: ...