حكايتي مع الرجيم

بسم الله الرحمن الرحيم
بداية احب اوضح لجميع الاخوات ان موضوعي او بالأحرى مشكلتي مع الرجيم هي معي من سنيييييييييين (يعني عشرة عمر) :
انا من الناس اللي عندهم زيادة وزن بس مو مره بس مشكلتي الأساسيه هي في الترهلات حاولت مليون مره اسوي رجيم + سبور = فشل---:( وحاولت اسوي رجيم لحاله بس لما انقص اتضايق انه الترهلات زادت:angry2: فتضايق اكثر واقول للرجيم باااااااااااااي------الا مره وحدة بحياتي ضبط معي ميه بالميه :icon28: وزي مابي ومن كثر مافرحت بأني ضبطت جسمي رحت خربته والحين حابه ارجع مثل اول بس ضيعت طريق الرجعه:icon33: المهم الحين وين المشكله؟ بتعب الرجيم فتعرفون ان الرجيم يسبب دوخه ولا دوخه الوحام ادري انكم بتقولون سوي رجيم بدون حرمان يعني مجرد تخفيف اكل وبأقولكم انه انا ماينفع معي الا اني احرم نفسي لأني جربت الطريقتين والمشكله الثانيه اللي تفرح وتبكي اني بسرعه انزل وزن وبسرعه ازيد بلمح البصر يعني لو اسوي رجيم لمده فرضا اسبوع انزل كثييييييييييييير خلاله بس بمجرد اكل وجبه وحده حتى لو كان شي بسيط ارجع نص الوزن اللي خسرته بعدين من كثر ماانشغل ببيتي وزوجي وعيالي يصير مافي وقت عندي لنفسي يعني بالفتره اللي ضبطت جسمي فيها كانت عندي حاله استنفار بالبيت يعني اسوي بوقت الوجبه وجبتين وجبه لي ووجبه للعيله واذا ماصار عندي وقت للطبخ(لي طبعا) فألغي وجبتي وماسوي لنفسي شي يعني اصوم وياما صارت معي كثير ولكم الله على الدوخه و صعبه عاد على ام العيال كيف تقوم فيهم وتشوف طلباتهم وخاص للي ماعندها شغاله عاد اللي عندها عيال بتعرف اكثر المهم
بعدين يجي وقت التمارين اللي اسويها لمده ساعتين لدرجه حتى عيالي صاروا يقلدوني :42: وبالذات انا بيتي صغير وماعندي حوش فكان مايساعدني بس مع كذا داومت حتى وصلت للي ابيه ونزلت كثييييييييييييير واستانست بس يافرحه ماتمت رجعت الحين مثل اول اللي صادمني اني ماكأني سويت تمارين رجع الترهل مع اني والله والله صرت كأني ما خلفت لدرجه انه الحريم كانو يقولون لو مانعرفك مانقول هذول عيالك
مع انه وحده قالتلي خذيها قاعده اذا وقفتي سبور راح يرجع كل شي مثل اول وادهى وان اي شي كنت اشربه او اكله وقت الرجيم قبل ماوقفه ماراح اقدر ارجعله واداوم عليه خلاص النفس ماعاد تتحمله يعني لازم تجربين شي جديد وهذا اللي حصلي السلطه ماعدت احبها والشاي الاخضر اللي كنت على طول اشربه الحين مااحبه واشياء كثيره
بس والله استفدت اشياء كثيره من رجيمي القاسي المبدع وهي :
*صرت اشرب مويه كثير وماستغني عنها بعد ماكنت مااشرب الا اذا عطشت مره
*بعد ماكان معي فقر دم رجع الدم اوكي
*صار عندي قوه اراده اكثر من اول بأني اكل هذا وماأكل هذا
*المقالي تقدرون تقولون شلتها من قائمه اكلي بنسبه 99باميه صار شي طبيعي اني اشوفها على السفره وماأكلها الا نادرا ولازم تكون هناك استثناءات
*الحلى صرت مااكثر منه شي بسيط حتى الشوكولا صرت مااحب اكله كثير بعد بعد ماكان رفيقي:42:
*صرت اقدر اجلس طول اليوم ممكن مااكل الا شي بسيييييط ومتى بالليل
والله في اشياء اكثر بس اخليها بعدين بمواضيع ثانيه انشاءالله منها نفيد ونستفيد
اللي ابي افهمه بس منكم ياخواتي هالترهلات ايش سبب رجوعها اذا انا سوت سبور ورجعت طيب كيف لو ماأسوي
عالعموم اللي تقدر تفيدني تخبرنا وكلنا نستفيد
وجزيل الشكر لكل الاخوات:26: