موضوع رائع

شكرالكم

لا اله الا الله

انا بقولكم قصتي مره نتمشى انا وزوجي مامعنى الا10 ريال بس وبيتي فاضي يعني ماقدر حتى اسوي عشاء بالبيت قال زوجي جيعان بس وش اشري ب10 عشاء قلت ايقف عند اي بوفيه خل نشري شورما وفعلا رحنا وطلبنا مابقى الا يمكن من ال10 4 ريال وحنا وقفين عندالبوفيه جت مره تشحد قام عطاه ال4 الباقي والله يبنات راح لصرافه يبي يشوف لوفيه 20 او30 ريال يخليه مشتريات والله لقينا 1000الف ريال وميه بعد تخيلي انصدمنا طيرنا عيونانا على الصراف محنا مصدقين شكله كان ناسيه تعالو شوفو الوناسه على طول تذكرت المره الي عطناه الله عوضناء

رجعت لكم احكى لكم قصه الحرمه اللى دخلت الجنه بهللتين
هذى داعيه من الرياض تقول رحنا مجموعه دعيات لمنطقه من المملكه واظن انها جازان
تقول لقيت ناس جهله بمعنى الكلمه لايعرفون ان فيه صلاة ولا صيام ولاحج ولا اى شى بس الشهادتين
وقلت مالى اتكلم الا عن الجنه وابوابها الثمانيه
المهم خلصت من درسى الا تجين ذيك العجيز وتقولى انا ام محمد وعمرى 85 واسكن بالبر وعندى عنزتين اشرب من حليبهن وبس ولا اعرف صلاة ولا زكاة وابوى وامى توفوا من زمان ولاحجيت ولاعمرى صمت يعنى كل بيبان الجنه مقفله مالى الا باب واحد الا هو باب الصدقه وهذى يابنيتى هللتين هى اللى املكهن بالدنيا ابك تحطينها لى فى صدقه كاد ربي يدخلنى من باب الصدقه تقول الداعيه اخذت الهللتين ورميتهن بالبر (تقول وش اسوى بهللتين ومن بياخذهن)تقول وبعد سنتين رحنا لنفس المنطقه وتجين وحدة قالت لى تذكرين ام محمد العجوز وقعدت تذكرها بها لين ذكرتها قالت وش فيها قالت هى ماتت وانى احلم فيها وابيك تفسرينه قلت لها ما اعرف افسر احلام وقامت تتطلبها قالت قولى الحلم قالت جتنى فى الحلم ام محمد تقول انى دخلت الجنه من باب الصدقه هاة وش تفسيرة قالت مايبيله تفسير ان شاء الله انها من اهل الجنه بسبب صدقتها الهللتين اللى انا رميتها وحقرت المبلغ بس عند ربى يسوى شى عظيم
0

سبحان الله الصدقه فضلها عظيم

زوجي كان مررره حرارته مرتفعه وعيالي مصاخين وفي أزمة انفلونزا ا لخنازير

واتصدق بشيء مادي لفقراء وسبحان الله ما هي الا يومين وبفضل الله وشفي زوجي وشفي ابنائي مع ان الحراره تجلس اكثر من اربع او خمس ايام فلله الحمد والشكر على كل حال