صدقتي والله يجزاك خير ..

هذي قصة لأمي كانت في السوق ودقت على أخوي يجي ياخذها وهو الله يهديه من النوع

المتهور في القيادة يسرع لو هو في حارة .. المهم دقت عليه وقالت تعال خذني وكانت ما هي

مرتاحة خايفة عليه يجيه شيء من تهوره المجنون المهم سكرت الجوال ولقت ولد يشحذ فمدت

له مبلغ عادي 5 أو 10 تقريباً وجلست على الكراسي اللي برا تنتظر أخذت شوي ودق عليها

واستغربت وقالت في نفسها وشلون أمداه ياصل والسوق بعيد وهوقالها بياخذ وقت!! .. فتفاجأت

فيه يقول تراني صدمت والصدمة قوية على جهتي بس الحمد لله ما جاني شيء ... فسبحان الله

كيف الصدقة ادفعت البلاء بحول الله .. عاد أمي يوم شافت السيارة انهبلت الصدمة عنيفة وشكل

السيارة يروع واللي يشوفها يقول هذي أكيد ما نجا راعيها .. وهو ما شاء الله ما جاه ولا خدش !!

والله يجزاك خير على هذا الموضوع اللي يذكر بالصدقة وفضلها والله يوفقك وييسر لك أمورك ^ـ^

صدقتي والله يجزاك خير ..

أنا بقول قصتي للعبرةوالفائدة
عندي حصالة اجمع فيها فلوس الصدقة واي فلوس تجيني للصدقه بعد
المهم في يوم سبحان الله ما كان معي فلوس كثيرة وكنت بحط 50 ريال وهي الموجود معي ونسيت ونمت ولما قمت ذكرت وقلت هذا الشيطان يبي يكسلني ويحسفني عشان ما احطها لأن ما معي الاهي حاليا واحطها وسبحان الله
العصر او المغرب نسيت بالضبط والا الخدامه شايله ولدي الصغير يمكن عمره سنه او اقل ويتحرك معها ويطيح من يدها على راسه ويصيح صياح ويستفرغ على طول ...طبعا الاستفراغ بعد الطيحه مو زين وانا خفت واسمي على ولدي وقلت يمكن الاستفراغ من كثر ما صاح واراقبه هذاك اليوم والحمد لله عادي بس ما ارتحت خفت عليه ووديته للطبيب بكره ولما قلت له قال طالما من امس وهو طبيعي فما فيه شي الحمد لله انتبهي وراقبيه بس
عموما الفائدة
يا ريت كل وحده تخلي لها حصاله وتحط فيها يوميا اللي تقدر عليه ولو ريال لأن كل يوم ينزل ملك يقول اللهم اعط منفقا خلفا واعط ممسكا تلفا ..

جزاكم الله خير

ماشاء الله قعلا الصدقة تطفئ غضب الرب