حكايتي مع ام زوجي قولولي انا معي حق ولا ابالغ

السلام عليكم ورحمة الله وبركاته
كيفكم يا احلى حوائيات
ابقولكم حكايتي وأستحلفكم بالله لا تجاملوني قولولي معي حقق ولا ابالغ
انا اسانه متزوجه من 7 سنوات وعندي بنتين الله يحفظهم
زوجي يصير ولد عمتي اصلآ.....يعني امه تصير شقيقة ابوي
طبعا انا من بدايه زواجي ساكنه معاهم في نفس العماره يعني انا في شقه صغيره مستقله
ومن اول زواجي وانا حاطه في بالي انه تكون فيه حدود بيني وبينهم
يعني حتى الزيارات تكون محدوده ورسميه كذا اريح لي ولهم خاصة ان البيت مليان شباب {اخوان زوجي الله يحفظهم}
انا والله العظيم اني احب الناس واجتماعيه وما عندي مشكله يجوني اهل زوجي ونوسع صدورنا مع بعض ونتقهوى ونسهر........لكن وشاللي صار؟؟
انا اقول لكم
عمتي اللي هي ام زوجي صارت تجيني باستمرار وبشكل ممل يعني تجي في اليوم مرتين في اي وقت تطق في راسها
يعني مثلاً تجيني الساعه 2 او 2 ونص الظهر وانا اكون مشغوله بالغداء
وتجي مره ثانيه بالليل اي وقت تبي يعني ممكن تجيني الساعه 11 او 12 وتقعد تسهر لحد الساعه1 ونص أو 2
والله العظيم ما ظلمتهاهذا اللي قاعده تسويه
وبعض الاوقات تجي العصر وتجي مره ثانيه الساعه 10 يعني بنفس اليوم
انا بصراحه ماشوف ان لها داعي هالزيارات......يعني لو تخفف منها شوي
يعني مو كل الاوقات اكون فاضية لها او اكون رايقه
والله العظيم صرت اشيل همها......اتوقعها تجي باي وقت
يعني اوقات انوم بناتي وابي اقعد مع زوجي نسهر سوا او البس له شي معين الا وهذي هي تدق عالباب تبي تسهر
طيب انا ماعندي مانع انها تجي على عيني وراسي..........لكن في وقت مناسب ومو كل يوم
يعني خلك بعيد حبك يزيد
والله انا مااقدر اروح لهم الا مرتين بالاسبوع استحي كل شوي وانا عندهم
وما ابي زوجي يحس لاني ماأبيه يتضايق ويحس اني مابي امه لان رضاه عندي بالدنيا
هذا غير انها تسأل عن كل صغيره وكبيره الله يهديها
اهي والله طيبه يعني موشريره وتدور عالمشاكل.....بس فيها هالطبع الشين
واخاف في يوم من الايام افقد اعصابي وصبري ويبان اني متضايقه وانا والله مابي يصير بين الا كل خير خاصة انها اخت ابوي
فشو رايكم يابنات ؟؟؟؟؟؟وبصراحه