ما ابي أطول عليكم لانه هذي ثاني مره اكتب القصه وان شاء الله تنشر ويستفيد منها الجميع
قبل الحمل بشهرين كنت اخذ حبوب اسمها زيراكتان ونسبتها 20جم اخذ هاذا الدوا عشان كانت تطلع حبوب في وجهي وابي اتخلص منها وارتاح منها
والمفاجئه الكبير اني طلعت حامل مع اني كنت امنع وحامل شهر يعني صار ثلاث شهور شهرين قبل وشهر بعد الحمل
والله لايوريكم يابنات انا عقلي وقف وخلااااااص حسيت بصدمه كبيره انه في حمل مع هذي الحبوب وطبعا يلي ماتعرف انه هذي الحبوب تسوي تشوه فالجنين لو اخذتيها قبل الحمل ب 6 شهور او أثناء الحمل
لمهم فورا رحت عند دكتوره نسائيه وقلت لها لازم تشوفيلي حل قالت اول شي نتأكد ازا فيه نبض او لا لانه احيان مع الدوا لجنين سبحان الله ما يجي نبض ويموت عشان ما يخلق مشوه
بس انه النبض ما يبان لين 6 اسابيع وانا فالاسبوع الرابع وكانت أطول ايام على
دخلت الاسبوع السادس ورحت الدكتوره وصورتين والصاعقه انه البيبي فيه نبض وقالت لي الدكتوره انا خلاص ما اقدر اسويلك شي غير انك التابعي مع الدكتوره وتاخذي علاجك أثناء الحمل
لين ما تصيرين بالشهر الثالث تبتدي تظهر أعضائه الخارجيه من جسمه وممكن نطمن شوي
وانا نفسيتي مع الحمل دمار
وصلت الشهر الثالت وجا موعد التصوير وانا قلبي في يدي خلصت الدكتوره تصوير وقالت لي الحمدالله اعضائه الخارجيه سليمه بس.......
بالشهر الخامس تبتدي تكون أوضح وتكتمل اعضائه الخارجيه والداخليه افضل وازا فيه شي يبان اكثر فالشهر الخامس
والله يابنات عشت ايام شفت فيها العذاب والقهر اخاف يطلع فيه شي واكون انا السبب واعرف ازا عملت إجهاض او اي شي حرااام عشان خلاص لبيبي فيه نبض والدكتوره تقول لين الحين سليم ومافيه شي وحتى لو فيه شي ما نقدر نسوي إجهاض فقط في حالتين ازا انتي بتموتي بسبب الحمل اوالبيبي خلاص ميت جوا بطنك وغير كذا مافيه
وقالت لي في تصوير ثاني غير هذا التصوير السونار حق الدكتوره هذاك أوضح وادق اسمه سونار رباعي الأبعاد او 4D ولما تصيري فالشهر الخامس نصورلك فيه الحين لو صورتي مابتستفيدي لما تصيري بالخامس افضل
قلت لها اوك وانا مبسوطه شوي لأنه شوي طمنتني الدكتوره وبنفس لوقت جواتي نار ابي اتطمن اكثر
طلعت من عند الدكتورة وصرت كل ما اسمع دكتوره شاطره اروح عندها اخليها تصور وكلهم يقولون نفس الكلام مايبان الحين شي لين الشهر الخامس
وصلت يا بنات الشهر الخامس وصار موعد المستشفى رحت الدكتوره قالت ادفعي الفاتوره وتعالي اصورلك سونار رباعي الأبعاد انا في انتظارك قلت لها اوك
رحت الاستقبال حق المستشفى ابي ادفع قيمة التصوير ولا يابنات الصدمه الأكبر اني ماعندي امكانيه أدفع قيمتها غاليه مره
وصرت اروح من مستشفى لين مستشفى واسئل وكل واحد سعر التصوير عنده على حسب فخامته وقيمتها تقريبا من 900 ريال لين 1500 ريال
وانا خلاااااااص بموت ابي اصور واتطمن عالبيبي
اسبوع وانا ادور مستشفيات وما لقيت احد يناسب امكانياتي ولاسوء من كذا انه مايشملها التأمين الصحي
رجعت دكتورتي وقلت لها بصراحه ماقدرت اصور لانه الصوره مره غاليه على
قالت لي خلاص بصورك بالسونار العادي حق الدكتوره بس ما بكون واضح زي هذا التصوير وماقدر اعطيك نسبه عاليه تطمني فيها رح يكون نص نص
صورت وقالت لي الدكتوره انه كل شي باين عندها سليم ومافيه شي وانا بس اصلي وادعي واترجى رب العالمين
مو قادره استوعب فكرة ابني مشوه وبسببي
توكلت على رب العالمين وكملت شهوري على خير
لين ما وصلت للشهر التاسع وكان يومه بسنه لهذا الشهر
وجت لحظه لحاسمه يلي جا فيها الطلق وانا بس من اول الشهر بس عياط وبكا واصيح كل يوم
رحت المستشفى وجهزوني لغرفة الولاده
كنت نايمه عالسرير مسكت وحده من الممرضات وقلت لها انا قصتي انا ماخذه حبوب زيراكتان وممكن يطلع ابني مشوه الله يخليكي لما ينزل والبيبي فيه شي ما ابي اشوفه
الله يجزاها الخير كانت ممرضه سعوديه وقالت هذا الكلام لدكتوره والممرضات الثانيات
عشان دكتورتي ما ولدتني كانت مسافره
والله يابنات اللحظه يلي نزل فيها من بطني وانا في غرفة الولاده ومع لألم وحالتي حاله قمت على حيلي واشوفه ماقدرت اصبر سبحان الله على قلب الأم تخيلو انا لسا والده لسا ماخلصت الدكتوره بتنظفني وبتخيطني وانتم دارين قلت لها اصبري شوي قالت لا ماتقدري تقومي لمهم فزيت قمت وشفته ولا ماشاء الله ولد عسول كيوت سليم معافى من كل شر ومن كل داء الله يحميه ويحمي أولادكم جميعا مافيه اي عيب خلقي لا خارجي ولا داخلي لحمدلله الله يعافينا جميعا والله كانت الدنيا مو واعتني من الفرحه يلي فيها واحمد ربي واشكره
والحين صار لي والده اربع شهور
اتمنى اكون ما أطلت عليكم والله يعافينا ويعافي من ابتلاه ربي يحفظكم ويبعد عننا هذا الوباء ويشافي الجميع من كل داء
ارفقت صوره بالموقع يلي قبله اتمنى تشوفوها فيه دعاء مريح لنفس بشكل مو طبيعي ما شاء الله رح ارجع انزله هنا اتمنى لكل يقوله ويحفظه ويردده وانشالله ربي ما بخجلها في اي طلب تطلبه او ازا كان فيها هم
♥️♥️♥️♥️♥️♥️♥️♥️
سبحان الله. و الله يحفظه ليكي
شهور صعبة مرت عليكي بس بالاخير الله جبر خاطرك
موفقة