حكايتي ...وزواجي ....وكذب زوجي ....واهله

السلام عليكم

كيفكم وش اخباركم
احسكم مليتم مني من كثر مااشكي لكم

المهم
انا متزوجه تقريبا من 6 شهور
بس ماحبيت زوجي من قبل الملكه من ثاني اسبوع احس شي كاتم على قلبي ولا ابي اكلمه ولا اسمع صوته ولا حتى اسمع باسمه
مااطيقه
تخيلوا اني كمان لمن اكون معه مااحب اطالع في وجهه
لاتقولوا لي اكيد في سبب وربي مافي سبب
بس كذا ماحبيته والحب من الله
مادري وش اسوي
كنت بطلق كذا مره من قبل الملكه ورفضوا اهلي
والحين تزوجت وكذا مره ابغى اطلق بس هم رافضين
وانا مادري ايش اسوي
ساعدوني والله نفسيتي تعبانه تعبانه لابعد حد
طبعا انا عند اهلي بحكم دراستي بس لمن يجي واروح معاه اعد الايام متى يروح واروح عند اهلي
المشكله بخلص دراستي هالسنه وبروح معاه وهو بعيد مكان عمله يبعد عنا 1000 كيلو
مو قادره اتاقلم معاه
كتبت هنا كذا موضوع وقلتوا حاولي
وربي حاولت
بس مافي فايده
يقولي تشتاقين لي مااقدر اقوله لاني مااحس بهالشي بالعكس اكرهه
انا ماعمري كرهت احد كذا
الناس كلهم احبهم حتى لو حد ضايقني مااكره وانعامل معاه عادي بس الا زوجي هو طيب وحنون وكل طلباتي اوامر بس ماقدرت احبه ماقدرت ابدن
ومااشعر بالراحه
لاتقولوا احمدي ربك غيرك زوجها يخون ولا سكران ولا يضربها
اذا على الضرب هو ضربني مره والسبب اهله
بس انا ماقدرت احبه والحب من الله مو بيدي
وهو تخيلوا من اول يوم كلمني يقول انا احبك اكثر من امي وهو اصلا مايعرفني من قبل كيف يحبني اكثر من امه احسه كذاب
طبعا هو دايم يكذب علي لو اقولك على كذباته يمكن تقولي تطلقي منه
يكذب كذب مو طبيعي وربي على اي شي وماشاءالله بسرعه يالف لك كذبه

المهم انا صرت مااثق فيه لانه دايم يكذب ويحلف يمين عظيم واذا قلت حرام تحلف وانت كذاب يقول عادي بعدين اكفر
ومره قلت له لاتسمع اغاني وانت تسوق بالسياره قال عادي
قلت تخيل تموت وانت تسمع اغاني
قال عادي زي الي يموت بالحمام
ههههههههههههههههه بصراحه ماعرفوت وش هو وجه الشبه
المهم فهمته الموضوع
مع انه معلم لكن العقل زين
مرات احس تفكيره مثل الاطفال
يعني يفكر زيهم تصرفاته زيهم ينضحك عليه بسهوله
يروح عند اهله ويستدرجونه بالكلام وهو مو حاس ويقول لهم كل شي

المهم اعطوني حل كيف احبه ماقدرت يابنات ساعدوووووووووووووووووووووووووووني
تصدقون وربي نفسي احمل بس مابي في شي يمنعني
في شي يقولي لا
وبنفس الوقت احسه مو كفو اب

ابغى حل كيف احبه

وابغى منكم تدعون لي خاصة الي يصلون قيام الليل انه اذا كنت راح احبه واعيش معه مبسوطه يعجل بهالشي واذا كانت ماراح احبه ولا بكون مبسوطه يفرق بيننا

امانه تدعون لي
امانه يابنات محتاجتكم تكفووووووووووووووووووووووووووووووووووون


انا اسفة يااخوات اني طلبت منكم تدعون لي
لانه شكل الدعاء هالايام بفلوس
انا الحمدلله اصلي قيام الليل ونادرا مايفوتني وادعي بكل صلاة وكل وقت واستفغر واسبح
لكن ضننت انه زيادة الخير خيرين مثل مايقولوا
وطلبت منكم الدعاء لي
ولكن للاسف بعض الاخوات يقولوا ليه انتي ماتدعين
اعرف ان كل واحد ماينفع الا نفسه
على العموم شكرن لكم وللردودكم

وامي الله يرحمها قبل لاتتوفي يوم قالت بموت وقلت لها مع مين تخليني قالت الله معك
وانا متاكده وااثقه ان الله معي وانا متوكله عليه في جميع اموري

ياليت المشرفات يقفلوا موضوعي واسفه على الاطاله
بس اعتبرتكم مثل خواتي وطلبت منكم هالشي ماتوقعت اني طلبت كارثه