حكايتي يوم عرسي

كيفكم بنوتات حواء العسولات؟؟



ان شاء الله كلكم بصحه وعافيه وسعاده وهناء



راح اخبركم بتجربتي بزواجي من طأطأ للسلام عليكم :icon28:



انا انخطبت لواحد يقرب لي اكبر مني بثلاث سنوات متخرج من الجامعه ومهو لاقي وظيفه



وافقت عليه لأنه ونعم الرجل دين وأخلاق وطيبه ويقرب لي



أشياء كثيره كانت مسدوده بوجهي وكل مره يصير شي والعرس كان قريب وما لقيت فستان عجبني (مررره ذوووقي


صعب)


وكنت مني مهتمه بنفسي صار عندي ضيق وخوف ورعب كل ما اقترب يوم العرس:(



صار وجهي شاحب وتعبان وكلش قاعده بروحي بداري وادفن خوفي بالنت وقتي كله مسنتره بعالم حواء



ادور خلطات ونصايح ومدري شو بس للأسف ما اطبق بس كلش احفظ المواضيع بجهازي



حتى جهازي شوي ويرجع من كثر اللي حفظته بداخله خخخخخخخخخ



بس كنت اكثر من الاستغفار طول وقتي استغفر



الفستان ولقيت فستان عجبني وطرحته كانت مرره مميزه وناسبتني وقياسه مرره علي


وحده قريبتنا اماراتيه كانت بتبيعه وسعره كان مناسب :icon28:




وقبل العرس بثلاثة اسابيع تقريبا رحت الصالون سويت تمليس مائي


وبعده بأسبوعين يعني قبل العرس بأسبوع رحت صبغت شعري انا قلت لصاحبة الصالون


اريد صبغة بنيه خصل بس ما أريده كله


راحت قالت لي انتي عروس؟؟ قلت لها ايه


صبغت لي خصل شقرا انقهرت وبكيت قلت لها ماعجبني وانا ماقلت لك هاللون ( انا ذوقي احب الأشياء الناعمه


البسيطه واللألوان الهاديه)


وصار فيه تناقض مو حلو مابين سواد شعري والخصلات الشقرا



جتني صاحبة الصالون وقالت للي صبغت لي اصبغي الشعر كله لون بني فاتح



راحت اصبغته كله وانا منهاره ومنقهره



وماعجبني ورحت البيت وانا متألمه ومتضايقه وماأريد اوري خواتي ولا امي شعري



بس لما شافوه صح انصدموا باللون الفلاشي لأنهم يعرفوني ما احب هاللألوان بس عجبهم كلهم وعجبني بعدين



لأنه خلاني بيضا وحلاني والصبغه كانت مررره مرتبه ودقيقه



اول مره يعجبني اللون الأشقر حتى اللي يشوفني بمناسبه يسئلني هاذي باروكه او شعرك؟؟


المهم قبل يومين من العرس رحت الصالون سويت حلاوة وشلت شعر وجهي بخيط واول ما شلته



بغيت اموت من الألم ووجهي صار احمرررر بس جبت معي كريم كينا كومب واول ما شلت حطيته في وجهي


والحمدلله ما تحسس وجهي وسويت تنظيف وشقرت حواجبي وصبغتها بلون يتناسب مع شعري



حسيت نفسي غيررررر مررره شكلي كان منور



قبل يوم العرس صليت ركعتين بالليل ودعيت بدعاء اخذته من المنتدى (اللهم اجعلني قرة عين له


اللهم ارضه عني وارضني عنه اللهمازرع محبته في قلبي وارزع محبتي في قلبه اللهم واجعلني في عينيه



اجمل من الحور العين اللهم واجعل ريحي عليه عطرا وريقي عليه عسلا وضمتي إليه احب إليه من الدنيا ومافيها


إلا منك يا ذا العزة والجبروت ومن كتابك ونبيك ودينك اللهم واجعنلي عونا له على طاعتك واجعله عونا لي


اللهم واجعله حنونا عطوفا حليما رحيما كريما بماله وعواطفه اللهم وارزقني معه التوفيق والسعادة والذرية الصالحه



اللهم واشرح صدور اهله لي واشرح صدري لهم وسددني اللهم في كل افعالي واقوالي بحولك وقوتك)


اللهم آمين




يوم العرس رحت عند وحده هنديه تسريحاتها مرره حلوة لما شافت شعري قالت شعرك صعب اسوي



فيه تسريحه (لأنه قصير تقريبا تحت أكتافي بشوي) قالت لي اسوي لك بباروكه قلت لها لا ما أبي



حنا عندها بمنطقتنا الله يهديهم صارن اغلبية البنات يلبسون باروكات عشان شعرهم ما يخترب على قولتهم


وبنفس الوقت يقدرون يبدعون بالتسريحات لأنه الباروكه راح تكون كثيف وناعمه المهم الله لا يبلانا والحمدلله



الذي عافانا مم ابتلاهم به وفضلني على كثير ممن خلق تفضيلا



اكمل


رفضت الباروكه وقلت لها انا ما البس باروكه الحرمه قعدت تطالع بشعري ساعه وتقلب فيه وتفكر


انا عيوني تغرغرت بالدموع وقلت في نفسي يارب انا تركت الباروكه عشانك لأنك حرمتها يارب لا تخليني بيوم


اتنازل والبسها يارب ساعدني ما اتذكر وش قلت بالضبط بس قلت في نفسي انا تركت الباروكه لله لأنه حرمها



ان شاء الله راح تعرف تسوي لي تسريحه وتكون مرره حلوة



بنات والله سوت لي تسريحه الكل انجن عليها تسريحه ولا عروس شفتها سوت مثلها انيقه ونظيفه وملوكيه



وحطيت تاج رقيق صارت روووووعه ورحت عند اللي تسوي الماكياج وكلهم انهبلوا على تسريحتي



وقلت لها سوي لي ماكياج رقيق مررره وقلت لها ابي لونين بس دمجت لي الذهبي مع النحاسي والجلوس كان


ذهبي مع برتقالي صار شكلي مررره نعوم وملوكي



بالعرس الكل عجبه كل شي الفستان وماكياجي وتسريحتي وزوجي مررره عجبته الحمدلله



وكان زواجي كله متيسر ومرتاحه ولله الحمد مع زوجي



ونسيت اقولكم زوجي لقى شغل ولله الحمد وانا الحين حامل ادعوا لي الله يرزقني بمولود بصحة وعافيه وييسر ولادتي



ويجعله مطيع لله وبارا بوالديه







وبعطيكم نصايح لشي مهم بنات اهم شي بالزواج تهتمين بالروايح اهم شي ما يشم منك رايحة كريهه



خاصة الفم انا اشتريت من كل انواع المنكهات ومحلول المضمضه واهتم بشرب السوائل كثير وما احاول آكل بهارات



وفلافل كثير لأنه تطلع بالعرق واحسن مزيل رائحه استخدمته وما شميت مرره رائحه كريهه ابدا ليدي سبيد ستيك


واستخدم آلة براون لشيل شعر الأبط اول بأول لأنه آلة بروان تشيل الشعر الصغير وحتى الأماكن الحساسه استخدم



آلة براون اول ما تطلع كم من شعره واستخدم غسول الأماكن الحساسه اسمه ايفيان بالشاي الأخضر



مررره ريحته حلوة ومنعشه وملابسي الداخليه اعطرها بمسك روز من اجمل وعطر الأماكن الحساسه بالمسك


بس ما تحطوا كثير شي خفيف عشان اللي يتحسس


واستخدم ملعقة مخصصه للسان تنظفه وخيط الأسنان والسواك (الأراك) مررره حلو وحلاوة اكسترا دروبس بالليمون



والفواكه البريه حلوة بعد ومنعشه للفم وشرايح منكهة للفم تكون تحت وسادتي والقرنفل والهيل بعد حلو



وعطر العود احطه ورى اذوني وبصدري وورى شعري (عطر جذاب من اجمل مررره حلو)


وبودرة الجسم بعد حلوة بودرة رين دروب من اجمل وبودرة العود


وشعري احب استخدم حمام زيت من بانويل بالمشمش او جارنييه بالفواكه يخلي الشعر ريحته حلووة مررره




وسلامتكم والله يسهل لكل عروس ويجعلها في عين زوجها اجمل من الحور العين والمتزوجه الله يرزقها الذريه



الصالحه واللي مو متزوجه الله يرزقها بزوج تحبه ومتدين وخلوق ويسعدها بحياتها كلها





اختكم المبرمجه