حكايه ولدي مع الحمى الشوكيه

الحمد لله على سلامته والله يشفيه لكي ويفرحكي فيه وتشوفيه عريس

امين الله يخلي لك من تحبين يارب
اعجبني الكرتون اللي بتوقيعك

من اهم ما لاحظت اثر الرقيه في كل مراحل العلاج من تخفيض للحراره مع انها كنت صعب تنخفض بالادويه
وتحسن في وضع ولدي
مر بصعوبات كثير بالمستشفى سووله انبوب من الانف يوصل للمعده علشان التغذيه وسحبه بيده لين طلع من انفه
سوو له عمليه لوضع انبوب في صدره ليتم ادخال الدواء عن طريقه وكان انبوب يتفرع منه 3 انابيب كل مره ينسد ويستخدمون الثاني وهكذا
كان ولدي ينام احيانا ورجله مرفوعه بزاويه قائمه من عند الفخذ من شده ما الاعصاب مشدوده
صار عنده فقر دم من كثر التحاليل لانهم يسحبون دم لاختباره كل فتره يشوفون وين وصل العلاج ومره سخن وخاف الطبيب من الانتكاسه فزادوا من سحب الدم وكان الطبيب يقول لازم نقل دم وهذا اكبر شي اقلقني
هو كان ياخذ ادويه لفقر الدم بس قال الطبيب ان التعويض صعب
قلت حاول تاخر سحب الدم وكنا نطلبه ترك فكرة نقل الدم والحمد لله عدت وما احتاج نقل دم
المهم بسن 7شهور اذا جلسناه مسك نفسه
بسن 8 شهور يادوب ينفلب وتراجع بهذا السن بالمره لاني اهملته بسبب انتقالنا للخارج صار مثل المولود لدرجة انه ما يرفع راسه اذا حطيته على بطنه ورجوله خملت مررره وصار ما يرفعها بشكل اقلقتا
استمرينا على العلاج والجلسات وما خلينا وسيله
مره اوديه طب شعبي تدليك بس ومره عيادات خاصه ومره مواعيده المعتاده بالمستشفى
بديت اخليه اطول وقت على بطنه علشان تتقوى عظلات صدره وفعلا صار ينقلب ويتناول الاشياء
فجاءه بداء يتطوربسرعه يتقلب ويتحرك يرفع رجوله اللي كانت خامله مررره وما عرفت تفسير لهذا الشي الااااا
اما الرقيه والزيت اللي مقري فيه وماء مقري فيه منت احطه احيانا برضعته او ناس جوني واخذت غسولهم والله اعلم لانه بعدها انطلق
كان ما يبكي مرررره ولما بداء يزعل ويعبر ويبكي فرحت مرررره
كنت اقول سعادتي ببكائه اشد من سعادتي بضحكته لانه مبتسم دائما
الان ولله الحمد عمره بالهجري سنه وشهرين يحبي يتسند على الطاولات يطلع الدرج
من اسبوعين بداء يمسك لنفسه الرضاعه
كانت رجله اليمين مايله مرررره للخارج الان خفت
كانت اصابعه تلتف على بعض بين وقت ووقت الان صار عادي
علاج التشنج تركه من زمان من يوم عمره 6 شهور بس بالصدفه اكتشفت انه ما يحتاجه ووقفته من نفسي وايدني الطبيب بعدين
ما معنى هذا ان حد يترك العلاج من دون استشاره بس انا بالصدفه عرفنا انه ما يحتاج العلاج ولله الحمد
الحمد لله
كنت بالمستشفى اول الامر اقول في نفسي خاصه يوم كان مره تعبان كنت اخذ ما كتبه الله بايجابيه ولله الحمد
اقول ان الله توفاه خير لي وله هو من عصافير الجنه ويكون لي شفيع و
بعدين يوم زال الخطر على حياته صرت اتمنى يشفى وان كان مشلول فليس الوحيد ووو
ويوم بدت رجليه تدب فيها الحياه صرت اتمنى يتعافى ولو يكون اعرج ما بيضره العرج الان املي انه يركض ويلعب قريب باذن الله
ودائما وابدا ثقتي بالله كبيره اعرف انه ما يقدر الا الخير وان كان الظاهر شر
اللهم اوزعني شكر نعمتك
اللهم ارزقني قلبا شاكرا ولسانا ذاكرا
اللهم اغفر لي ذنبي وعاملني برحمتك ولا تعاملني بعدلك

اسال الله العظيم رب العرش الكريم ما يعرض احد للي تعرضنا له بس حبيت اعبر عن معناتنا
وكيف انتهت على خير
واتوقع الطبيب المعالج لولدي بيتفاجأ اذا رجعنا السعوديه وشاف ولدي
ولله الحمد والمنه والثناء الحسن

الحمد لله ع السلالالالالالالالامة

وان شاء الله تشوفية عرييييييييس